بستان إحساسي

الزواج

ليس

إرتداء مشلحٍ أو فستان

إنّه

إرتداء مشاعر



خالد

أداريها تداريني=تدور دمعها فيني
جمرة عشقي إنسانه=تدفيني و تكويني

خالد

في ليلي أدفتني أشجاني=و سلّتني ونّه أدندنها
من غير خِلّي و خلاني=دنياي جتني أونونها
الكل في اللين أخواني=و أخطائي كل(ن) يزيّنها
و لاراح مع مالي إحساني=أفعالي ماحد(ن) يوزّنها
من دمعي أسقيت بستاني=و أسقيت رمشي أنا منها
و ضميت رمشي مع الثاني=في عيني أخفي مدافنها
أفكاري صارت لي أوطاني=و أرض الوطن رحت أنا عنها
و على الوطن صِرت أنا الجاني=خليت أنا الجاني يسكنها
كفّنت قلبي و ماكفااااااني=و رِجعت أكفّن شراينها
و ناديت قلبي و ناداني=و لقيته معها يكفّنها
و بشرني قلبي بوجداني=و باللي المشاعر يثمّنها
زرعت بإحساسه أغصاني=و أغصانه فيني يدوّنها
سحابتي قبل تغشاني=تفتني مرّه و أنا أفتنها
و غيثها هَلّ و أسقاني=و لحظتها فيني أزنزنها
ياليتها حلمي و أصحاني=و أصحى بحلمي و أحصّنها
و أقول أنا حلمي أدفاني=و الشوق فيها سجاينها
أعلنت يا ناس أنا إدماني=أدمنت أنا من محاسنها
و خنتها قبل تهواني=لأني ماكنت أنا أدمنها

بقلم إحساااااااااااااسي



خالد

قالوا ساكت وخاطري مكسور=قلت مكسور وسكوتي كسرني
حسيت إني بداخلي مهجور=حتى ظلي تركني و هجرني
ذكرت يوم قالوا صبور=قلت من عرف صبري عذرني
إنكسرت وإنجبرت ومازلت مجبور=ومادري جبرت همي وإلا جبرني
عذرت عني من كان معذور=ومن أبعد أكيد إنه خسرني
تزاحمت فيني مشاعر غيور=وفيني ليل وعقلي سهرني
ومن كثر حزني صرت مسرور=ولو فقدت حزني فقرني
بهمي صرت بالحيل مسحور=حب حزني فيني سحرني
سالت نفسي هل فيني شعور=رد فيني هل نفسي شعرني
قلبي صار للحزن تنور=ولو تناسيت حزني ذكرني
ولو شفت همي قلت مشكور=تسليت باللي قدرته وقدرني
سألت حزني ليش مغرور=رد حزني بغيرك قهرني
قهرت قهري وبالحيل مقهور=وبدال ماصبر على قهري صبرني

من ذكريات

قلمي المتواضع






خالد

أشتاقلك في كل وقت وكل حين=يزيد شوقي لناظرت عيني بعينك أكثر
وكل مابعدتنا المسافه لو تدرين=يصير قلبك أقرب من قبل و أخبر
صدت عني الدنيا وماتبي تلين=وكل ماداويت جرحي صار بالحيل أكبر
إنتي لحياة روحي جوري و ياسمين=وعطرتي دنيتي ورود و عنبر
ماقول غير إحفظها يارب العالمين=من كل حاسد وشرٍ صار أو تدبر
أحبك كثر مادري وإنعدت ملايين=وحتى الكون جنب حبك يصير أصغر
وبالأخير قمت أطالع من يسار ومن يمين=و قلت من حقها اليوم تكبر
و تبون الصدق أنا لا حب ولا حنين=مجرد خيال شاعر و القلم عبر
أنا من زمان دفنت قلبي وسط طين=ومن مات قلبه أحسن إنه يتعذر
القلوب كثرت عليها السكاكين=مابين قلبٍ إنجرح و الثاني تدهور
هذي قلوب البشر ماتحب وماتزين=إلا من كان قلبه القاسي أشطر

من ذكريات قلمي المتواضع



خالد

جيت أبعد عن همومي بنومي=جتني همومي بالنوم أحلام
سافرت وقلت للهموم قومي=خاويني خوة عذاب و اوهام
همومي في حياتي تدومي=والهنا فيها ما شفته ولا دام
ولما جيت أكتب همي بيومي=يومي أطول من كل الأعوام
لمت الدنيا و جتني تلومي=و لمت حظي و الحظ ما لام
قبل مارمي لصيدي سهومي=صابني سهمي قبل كل السهام
وقلت للقصيد قولي علومي=بكت للحروف دموع الأقلام
همي بغير صدري ما يحومي=وهم غيري بصدري غنى و حام
ياليتني أقدر أصحى بحلومي=و أحلم بدون العين ما تنام
وعن حياتي همومي تصومي=مثل حظي اللي نساني و صام

من ذكريات قلمي المتواضع



خالد