ومنك احلى مايك ينئط عسلعـزاه انـا عـزاه عـزاه عـزاه=من صيحةٍ من سمعها صـد عنهـا
وعزي لمن مثلي زمانـه توطـاه=وان جاته الزلـه بصـدره دفنهـا
يشيلهـا ويحطـهـا داه بــرداه=غصباً عليه اليا اقبلـت يحتضنهـا
العـز اول بالرجاجـيـل تلـقـاه=تلقى رجالٍ تزّبـن اللـي زبنهـا
واليوم راع المال هو راعي الجـاه=على أطيب المخلوق يامـر وينهـا
وليا بغا لـه شـي يشـر لمخبـاه=له حاجةٍ تسعيـن واحـد ضمنهـا
وليا تمنـى حصـل اللـي تمنـاه=يشره على دقون العفيـن يحسنهـا
وليا عطاهم شـي يمـن ماعطـاه=حاجه بخيسـه والكرامـه ثمنهـا
ومن قبل ماله كل شخص يتغاضاه=لو هو من الأقراب ماصـار منهـا
كلٍ يكشر في حجاجـه ليـا جـاه=والساعه اللـي جابتـه لـه لعنهـا
وحتى اصدقاه اليا أفتقر صارو عداه=عوايـد الأنـذال تتبـع زمنـهـا
ماكنه بيوم مـن الأيـام لـه جـاه=وسيورهـم يامـا ويامـا دهنهـا
وماكن له مزنٍ عليهـم نثـر مـاه=ودرت حلايبهـم وشربـو لبنهـا
وماكـن طيبهـم يجيـه ايترجـاه=حتى الجنازه يشتـري لـه كفنهـا
نسيـو مواقيفـه ونسيـو محيـاه=وذكر العلـوم الماضيـات يغبنهـا
وياصحابنـا كـلٍ ترانـا عرفنـاه=وأهل الوطن لابد ترجـع وطنهـا
وكلٍ عرفنا وشـو اقصـاه وادنـاه=الأجودي واللـي الكرامـه رهنهـا
وأنـا أنـا فـي ماقفـي ماتعـداه=تقرب وتبعد بس ماسـك رسنهـا
واللي يسوي طيب بالطيب نجـزاه=وكلٍ يشيل الوزنـه اللـي وزنهـا
واللي بدابـه عيـب عشنـا بليـاه=جثه فصلنـا راسهـا عـن بدنهـا
المفضلات