لافي رغيان أبو شامه
ياحسن سود الليالي للرجال أفضل دراسه=ساعتن منها دروس و ساعتن فيها تجارب
الامور الغامضه تحتاج تفكير و سياسه=لجل ما ترجع على اللى جابها موجب و سالب
الرياسه مالها الا من يقدم للرياسه=كان للصاحي مقاصد فيه للعاقل موارب
أشهد ان الذيب يعرف بمعداه و بيمداسه =وان بغيت العلم منا بالبشر صادق و كاذب
حسن السرحاني
فلها يأبو فهد من تجربه والا فراسه=انت في دنيا الشقا مستثمرن والامضارب
الكريم يمد يده و الحكيم يمد راسه=و الشحيح يموت بارضه و الجبان يعيش هارب
الذهب يبغى حراسه و البشر تبغى حراسه=من يدين المبعدين ومن عوينات الاقارب
انت في عمر الرجال اللى مواقفهم وناسه=يعفو اللحيه ياصاحبنا يهينون الشوارب