دواء المجروح

((دواء المجروح ))

-----------------

جيتك وكلي جرح يامسبب الجرح

عطني دواء المجروح ياجارح الروح

جيتك بعد ماتاه فكري من السرح

سارح أفكر في سواياك وانوح

مليت أعيد القول وازيد في الشرح

يرجع صدى صوتي من الهم مبحوح

عود على المشتاق لاتهدم الصرح

باب الآمل مازال على الود مفتوح

مايستوي بالحب الجمع والطرح

وشلون بحيا وانت عن دربي تروح

يالي أحبك صار طعم الفرح قرح

متى سواليفك على سمعي تفوح

رغم الآلم جيتك أدور عن الفرح

مثل الغريق الى تعلق على اللوح

------------------

لو كل من يشكي على الناس همه

يروح مابه من بلاوي ووسواس

شكيت انا طول العمر لين أتمه

وسجلت مابي بالقلم وسط قرطاس

ولو كان من يبكي تروح المغمة

بكيت انا لين أغرف الدمع بالكاس

هذا المقدر والقدر ماأحد يذمه

أمر القدر محكم دقيق وحساس