الـدرب....صـــــدره شـمــااااالي !!!

محمد المرواني . .

صح لسانك مدد بلا عدد

أطربت ناظرنا ومسامعنا بقراءة القصيدة الجزله

أطيب المُـنـى ،،

سلمان العرادي

محمد المرواني

تحية على هذه الشامخة والرائعة

وانا عندما قرأتها تذكرت قصايد شاعر المليون لما فيها من الصور الجميلة

تقبل اعجابي

للتوااااصل
؛



؛



؛

أشـب نـار الفكـر وأزيدهـا نـار=وأحمس عليها هاجسـي وإنشغالـي
وأدق حالـي كنهـا بـن وبـهـار=صفيتهـا واركزتهـا فـي خيـالـي
واليا استوت دلة نصيبـي والأقـدار=آبا اتقهـوى قسمتـي مـن دلالـي
واجمع هواجيسي على ركب الأفكـار=ارحل وقول: الدرب صـدره شمالـي
واقف على حلمٍ مـن العـام مـا زار=وأسج وارجع فـي مسيـرة سؤالـي
ليه الشقا ؟؟ يكتب على فرحتي ثـار=وأنا عن المخلوق حالي ب..حالي !!!
لأني سمعت الهرج بيـن العـرب دار=أخـذت نفسـي دون مالك...ومالـي
قدام لأدخـل فـي متاهـات الأخبـار=وقـوٌووول الرجـال مـالا يقـالـي
وطعن ليا غابـوا بعيديـن الأذكـار=وأن شفتهم سوويت نفسي مثالي!!!
وأنا ولا عمـري تقصـرت بالجـار=ولا تجاهلـت الرفـيـق المـوالـي
إن ما خدمت الناس كفيـت الأشـرار=وان ما نفع رأيـي سجنتـه أبالـي
والوقت مثل الناس في طبعهم صـار=يالله فرجـك بمقـبـلات الليـالـي

.
.


محبتي

الشاعر الجميل / محمد المرواني


صح لسانك .. نص رااااائع ..

كثيف بالشعر / ومضيء


ما أجمل الفكره في هذا الشطر

ارحل وقول: الدرب صـدره شمالـي


اعجبني القصيده كامله وخاصة ًهذا البيت:

إن ما خدمت الناس كفيت الأشـرار
وان ما نفع رأيـي سجنتـه أبالـي



ننتظر المزيد

محبتي

أسعد السحيمي

الله أكبر على السلاسه ....الله أكبر على العذوبه
شاعر مبدع يامحمد ,,,,سهل وممتنع يامحمد
لاتحرمنا إبداعك ولاجديدك
شكراً لك.

تسلم القصيده الأكثر من رآئعه لاعدمنآك ..