هل أرسل أخي لدراسة اللغه الإنجليزية بالخارج؟

والله اذا تبي نصيحتي ارسله ولا تشاور وهو ان شالله رايح يكون قد هالسفره ولازم تزرع الثقه بنفس اخوك وتخليه يبدي راي و يقرر طبعا بعد سماحك له و20 سنه عمر وصل لمرحلة الوعي والادراك


الله يوفقه ويحفظه لكم



علي البلوي

بسم الله الرحمن الرحيم

السلام عليكم ورحمة الله وبركاته

وبعد التحية أخي الفاضل انا مع اخوك ولكن اذا كان عنده مصطلاحات جيده يعني اذا جاء في المعهد

يحطونة في المستوى الثاني على الاقل من المستوى الخامس ..

اما اذا كان عنده اللغة صفر فانصحك اخي ان تدخله في معهد خاص في السعودية لمده محدده وبعدها

ارسلة خارج السعودية ..

واذا هو ناوي حاب اللغة الانجليزية انصحة في كتاب اسمه ازار لونه ازرق وكذلك فيه كتيب صغير

موجود في مكتبة عبيكان يتكون من 500 كلمة انصحه ان يحفظها

وانا مااتكلم الا من خبرة

واذا بقيت اي خدمة بالنسبة لاخوك رسل لي رسالة ..

ودمت بخير وعافية

بالنسبه لي يا اخوي عاشق انصحك بأنك ترسل اخوك للخارج تلقائياً راح يعتمد على نفسه ويحاول يكون قد الثقه اللي اعطيته

الدراسه في الخارج جداً ممتازه خاصتاً انه يمارس اللغه طوال ايام سفره وراح يعتمد عليها وتقويه في لغته
اما بالنسبه للخوف فهذا شي طبيعي انك تخاف عليه لكن فيه ملحقيه ثقافيه هناك خاصه بالطلاب السعوديين وعن احوالهم كل بعد اسبوع يتفقدونهم وهو شاب عاقل اذا راح هناكـ اكيد يخاف طريق الخطأ خاصة انه في بلاد غريبه عليه
<< تكلمت معاك انا بالموضوع

انا اقول توكل على الله وخله يدرس وبالتوفيق له يارب

اقووووووووول خلة يدرس برا افضل من قال المعاهد عندنا كويسة والله كلها فاشلة في تعليم الانجليزي
والله يوفقة ان شااااء اللة

اانا مع راي اختي نجد

الدراسه برا أفضل بكثير من معاهدنا اللتي هدفها الفلوس فقط

لكن دراسته بالخارج افضل وخصوصا انه يمارس اللغه على ارض الواقع

السلام عليكم اخوي

اعتذر عن الرد بالوقت المناسب ولكن يالغالي انا اهنيك على هذي الخطوة الناجحة أو التفكير الناجح
حتى الآن ,,

شوف يالغالي ..الحد الأدنى للغة الإنجليزية هي سنة !! نعم يااخوي سنة كاملة على الأقل عشان
يتمكن من اللغة "تحدثا ً وكتابة" ..
ممكن لوترسله بالعطلة ياخذ له كورس بسيط ولكن لاتتوقع منه يكون "بلبل" بالإنجليزي فتوه أنهى
مرحلة بسيطة جدا جدا جدا من هذه اللغة الجميلة ..

انا اقول لوترسله في البداية مدة قصيرة عشان ياخذ فكرة ويتأقلم شوي مع الجو لأنك تحتاج لأن تتعرف
على المنطقة قبل أن تسكن فيها أو حتى تدرس فيها لأنه كثير من الأخطاء تحصل في البداية ولكن
مع مرورر الوقت تتلاشى هذه الأخطاء والمشاكل ..

لكن ياعزيزي لازم اخوك يحط في باله انه ماهو رايح يتمشى .. اغلب الشباب في نيوزيلندا حيث ادرس
ماخذين الوضع فلة ووناسة وتمشيات .. اوكي مااقلنا شي كنا نطلع ونروح ونجي ولكن ماتصل لمرحلة
بعض الأحيان ان الطالب "يسحب" على الفصل عشان رحلة معينة.

من النصائح الخاطئة اللتي تقال للشباب قبل السفر "لاتختلط بالسعوديين" وهذا اكبر غلط ممكن
يصير .. صدقني مافيه مثل عيال ديرتك يعزونك هناك.. وميزة المبتعثين كلهم يساعدون بعض
ويعرفون الطلاب الجدد على الأماكن والباصات وهالأمور .. فأحرص انك تاخذ رقم احدهم عن طريق
منتدى مبتعث أو الملحقية الثقافية ..

في النهاية اتمنى انك تطبق مابدأت فيه وأتمنى لأخوك كل التوفيق يالغالي

تحياتي