بنت في قلبها رجال

اخواني اسف على التأخير

الذي هو خارج عن ارادتي

ولكم هذا النص المتواضع

عـــروسي وعــرسي والمحبــين والعـذال = وأنــا والمــعازيـــم البعـيــدين والــشلة
وصـبح الـفرح والـبرد والـمدمع اللي سال=من عــيون قــالت لي ترى البنت محتله
بـــدايـة حكــايـة بــنـت في رأسها موال = رجــل غــير تـتركني مــعاها وترحــله
أثـــرهم يـزفــوها على لهفــتي تمـــثال = وتــخـرج عـلــيّه بين أهلها وتدخل له
أثــرهــم يــزفوا شـــاردة نـظرتين وبال = تــفكّر وأثـــرني مــبعد الخل عـن خله
كتاب أنكتب غصب ومحا الوقت كل أمال = رجـل لـو فـتح بـاب العيون انـتـثر كله
وأنا جــيـتها واثــق/ولــدعمٍ / وخـــيّال =وجـتـني غــصب عن سنّة الدين والـملة
وأنا ما دريت البنت جتني بضرب أعقال = أخـــوها ولا هـــو لا يــق تقول لي عله
أنا ما دريـت البنــت فـي بالها يخــتال = رجــل غــير ولا مــالي ومـال ها لـذله
أنا لو دريت ارمي على شعرها ذا الشال = قـبل تـنـقـضه في حضرت العين وتــفله
وأنا لـو دريــت البـنـت في قلبها منزال = رجـــل غـــير ما خليــتها تدخل ألفله
وفـاء والدفـاء بعيونها والشــتاء قـــتال =وأنـا حــالتي في قــربها تـنــشــكي لله
خــذاها وانا هجري مناها ردي الحال = وأنا الفارس اللي يمسك السيف ويسـله
ولكــن شــتاء بارد مـشاعر وفاء يغتال = ولــد عــم ضــيّع تحـت غيم الشقاء ظله
عسى من يــدور له دفــاء بنت عم وخال = يـــلاقي مــن أهــل العرف عرافٍ يـقله
ترى اللي خـــذا له بنت في قلبها رجال = مثل فالشتاء مــن يلبس اهـــدوم مبتــلة