القدر من يرده

الله يعطيك العافيه ياأستاذي الفاضل

شرف لي مرورك بمتصفحي

واطلعت على قصائدك الرائعه

فوالله إنك من الشعراء الذين يستفاد
من شعرهم 0

لك مني كل الشكر /يابوعمر
فأنت ،أستاذ الشعر وسيده،
أبو جاسر

ابو جاسر مساك الله بالخير

كنت ابي اقتبس احلى بيتين من الشامخه

ورد عليك رد يليق بجمالها ,,

قلت حرام اظلم هالقصيده لأنها اشبه ماتكون بعقد الماس
وصعب أن اقطع العقد لأن كل بيت احلى من الثاني ,,

الحقيقه اننا كسبنا شاعر جزل واللي اعجبني انك تجيب قصيد
من اللي يحبه قلبي الشعر الغزلـــــــــــــــي ,,,

بس تكفى كثر منه الف شكر ابو جاسر

هذا اولاً

ثانياً
ياليت تشرفنا في ديوانية واستراحة اعضاء منتدى بلي لجل
الأخوان يتعرفون عليك ,,ولجل تبحر بنا بقصيدك مع الليل ونجومه
لافضيت ونويت جوالي عندك اتصل ونحن نصل

ابو محمد الأخ العزيز والغالي (سعود عقيل)ابن العم

لك مني كل التقدير والاحترام

على هذه العبارات الجميله التي لا تخرج إلا

من إنسان ذو مشاعر نبيله وإحساس مرهف 0

وعذر ا على التأخر بالرد على المشاعر الجمبله لأني مسافر

وبالنسبه لموضوع الاستراحه شرف لي أن أكون بينكم واول ماأصل إلى تبوك

سوف أتصل بك 0

للصبر حد ويقتل الصبر لطال=ياويل قلب(ن) جاوز الصبر حده
أرخيت دمعي فوق الأوجان همَال=على حبيب(ن) يقتل القلب بعده
قفى جنوب وخافقي معه رحال=ياويل قلبي ياهلي من يرده
معاه فكري لأخر العمر شغال=أبيع كل الكون من أجل وده
من أجل عينه أدفع الروح والمال=عمري أطشه وأنحره فوق خده
العقل من حبه تقل صابه خبال=القلب من وده غدى الوقت ضده
ياللي بعيني كنكِ برق واخيال=عودي لتبوك اللي لها عنك مده
لا تجرحين اللي به الجرح قتَال=يكفي شبابه ضيعه فوق خده
مرت ثمان سنين بالفكر رحال=ياللي خذيت القلب وشلون رده
ماقدر على فرقاك في كل الأحوال=حبك جبل بالقلب وشلون هده
له جنت(ن) في داخل القلب وظلال=العمر مدًلي وصل كف يده
له ضحكت(ن) يضحك لها تل ورمال=حتى البحر من ضحكته زاد مده
أحبكِ حب(ن) تعانقه الِـ جْبال=وأدري أنا قلبي على الموت وده
عليه دمعي لأصبح الصبح شلال=الفكر عنده.. ليتني كنت عنده
والليل لأقبل يطرق الفكر موال=وش هي حياته ياعرب وين مده
لأربطك قلبي في سلاسل مع اِغْلال=ولا ينزلك مخلوق والله بعده
أخر قصيدي حُطِمت كل الأمال=راحوا بحيبي .. والقدر من يرده

العذب والخلوق
فالح بن مظهر صح لسانك

وسجل اعجابي بشخصك وشعرك واعتبرني من أول متابعيك

طابت لياليك

صــــــــــح لسااانك شاعرنا فالح ..........

مساءالخير أخوي حامد

وأشكرك على الشعور النبيل وأشهد الله على محبتك

وأنت أحدأسباب حبي لهذا المنتدى الجميل

لأنك جميل في مرورك والأبتسامه لا تفارقني

أثناء قراتتي لمداخلات الجميله0

كما أشكر الأخ الكريم مشعل على مروره الجميل0

أبوجاسر،،،،،