يــــــا ليــل فيك ابروق ومصــافق اريــــاح 0000

اجبر كسوري
0


ياليل فيك ابروق ومصافق ارياح = وانا نويت اسريك ليـن الصباحـي
خطوه على برق المخيله الى لاح = وخطوه على جهدي وضو اقتراحي
ولاني مطاوع كل عاذل ونصّــاح = مادمت ماشي بالطريق المباحـــي
راي السداد لظلمة الليل مصباح = وراي الجهل مافيه نية صلاحــــي
ومن عادتي مرجع لوالدرب ذبـاح = تراجعي عن راي راسي ذباحـــي
ومن عادتي مكذب ولو كنت مزاح = والصـدق لمنّي عقلته نجــاحــي
اوفي بوعدي لجل هاالنفس ترتــاح = والعهد يسجني ويطلق سراحــــي
وعندي لكل اقفال الابواب مفتـاح = حاسيـه للشدات مثـل السلاحــــــي
اتعب كما يتعب على الارض فلاح = يتعب ويكسب في نهار الفلاحــي
ون قمت احسب للخساير والارباح = تصبح وتمسي همتي في مراحي
والنفس ماتفرح بلا داعي افـراح = واللوم مايعقب عليها نصاحــــي
والزاد مايزكى بلى شوية امـــلاح = ولاكل مشروب الطبيعه قراحـــي
ون طحت ون ماطحت ماني بصياح = لاعاد مايبري صوابي صياحي
اقوم لو اني على رجل وجناح = واجبر كسوري واتجاهل مطاحي
والى بقت مـن كل ماراح الارواح = مـن بعدها ماكن لي شي راحـــي
ولا ودي ان السـرللناس ينــباح = اللي لهم بالعلم عــدة مشاحـــــــي
اللي بعينـه تمرة الناس تفـــاح = تكبر بعينــه من جميع النواحـــــــي
يقول لي مـرتاح واقول مرتاح = مـن شان مايرتاح لجل ارتياحــــــي

وسلامتكــــــم

ـــــــــــــــــــــــــــــ


راي السداد لظلمة الليل مصباح = وراي الجهل مافيه نية صلاحــــي



صح لسانك ابو كرم
قصيده في قمة الروعه كروعة صاحبها
ولا هو أنا اللي أقيم عيد

أعجبني هذا البيت
فيه حكمه كبيره
وأستأذنك باقتباسه في توقيعي

دمت أيها الشامخ

ماشاء الله

وفقت بالقافيه ووفقت بالكلمات والموضوع فكانت قصيدة رائعه

لا أروع منها إلا الشاعر الكبير والأخ العزيز

,,,,,,,,,,,,,,,,,,,عيد قيضي,,,,,,,,,,,,,,

لمثلك يقال أمير الشعراء 0

ولمثلك0 يقال أمير المعنى0

فمن أجل00 هذا الشهد أنا هنا 0

ومن أجللك00 وأجل أمثالك 0فضلت البقاء هنا 0

فأنت أحد سفراء بلي في الشعر 0

ختاما لا فض فوك0

اخي العزيز فالح بن مظهر

اجمل التحايا المعطره بأريج الورد والريحان لشخصك الغالي واشكرك على حضورك الطيب 0
شرفتني الله يوفقك ويحفظك
وكل عام وانتم بخير
وبحفظ الرحمن

سفير حريمل

الف هلا ومرحبا شرفتني بمرورك

كل عام وانت بخير

اميرة الذوق

الف هلا ومرحبا

وكل عام وانتم بخير

صح لسانك


وفقك الله

وش اقول ياعيد

ماقول الا صح لسانك يابو كرم