مملل وغثيث وتصر على اطباعــك !!!

هلا وغلا / ابو مروان

أولا-الإنسان العاقل يستفيد حتى من الغثيث بحيث يشوف الصفات اللي يكرهونها الناس بالغثيث ولا يتصف بها ويتجنبها


ثانياً- شكلك يابومروان كاتب الموضوع على عجل

ثالثاً- الظاهر فيه أحد غاثك وحبيت توصل له هذه الرساله لعله يستفيد

دائماً ننتظر منك الأفضل

دمتم بحفظ الله

اسعد الله اوقاتك اخوي سعود
الغثيث والسامج مصطلحات نبغا نركز فيها شوي
كثير منا يقول او سمع احد يقول وش هالاكل السامج ! يعني مافيه لاريحة ولا طعم ( مافيه ملح )
والغثيث هو النحيف الهزيل او الي ماله فائدة واستخدمت الكلمة في تفسير زبد البحر في قوله تعالى
( فأما الزبد فيذهب جفاء وأما ما ينفع الناس فيمكث في الأرض كذلك يضرب الله الأمثال ) وعكسة السمين النافع
نرجع لموضوعك اخوي سعود
اللي اشوفه ان الحكم على الشخص بكونه سامج او غثيث او ممل يختلف باختلاف تقبل الناس له ، يعني ممكن انت تشوف ان فيه انسان يتصف بهالصفات وغيرك بالعكس يشوف انه خفيف دم ومزوح ومرح ، والا ما كان شفت انه فيه شخص يقول لك وش رايك نروح لفلان وانت تقول وش تبي بهالسامج
هو ما شاورك الا انه يشوفة بعكس ما تشوف انت والا ما جاء على باله يشوف وجهه خير شر
وأحياناً اشوف ان الانسان يتأقلم مع الوضع الحالي اللي هو فيه لاجل يبتعد عن هالصفات
مثلاً واحد طالع البر مع أخوياه وقالب الوضع رسمي بحت اكيد الكل بيقول سامج والي يسولف وينكت ويمزح بنقول يازين خوته
لكن لو كان بنفس الحالة رسمي بس في مقر عمل او مقابلة مهمة بتقول ما شاء الله عليه رسمي ومعطي الامور حقها وماخذ الامور بجدية ولو جلس يمزح وينكت الكل بيقول وش هالغثيث
بالتالي المفروض على الانسان يتكيف مع الوضع الحالي او المكان الي هو فيه ويعطي الامور نصابها لا يكون رسمي لدرجة التجمد ولا مزوح لدرجة " الخبال" يسيطر ولا يخلي جانب يغلب على جانب ثاني وكله في سبيل كسب محبة وقلوب الناس الي حوله
اعتذر عن الاطاله وكل الشكر لك

الله يعطيك العافيه