تكفون ياالنشامى وانا اخو سعدااا

بسم الله الرحمن الرحيم

تحياتي لجميع ابناء بلي والله يديم المحبه بينكم قولوا ..................امين

كتبت هذا الموضوع بعد ما وصلتني رساله في بريدي وهي موجهه لي وخلتني اتساءل

يا عيال عمي الاعضاء سعادوني تكفون ياالنشامى وانا اخو سعدااا وانا ابوضحى

ارجو ان تشاركوني فيه راح اتكلم عن نفسي اولا "انا" واعوذ بالله من كلمت "انا" اناربيت في مدينه صغيره في الشمال لا يوجد فيها بلوات سوى 5 عوائل فقط وكنا كالعائله الواحده ومن وعيت على الدنيا والحمد لله وجدت نفسي الطفل المدلل" الحشاشه" في عائله متعلمه وجديه جدا وتحب العلم ولم اعش في البر ولا حياه قرويه لان لي حياه خاصه في البيت معتاد عليها ولم اتاثرمن خارج المنزل ووالدي رحمة الله عليه .. كان متعلماوعاش متنقلا من مسؤليه الى مسؤليه بعيدا عن ديرته طلبا للرزق وكان حاصل على دبلوم في اللاسلكي من معهد عمان عا950م ايام الي معاه سادس كان احسن من الجامعه وعاش منذ طفولته في مدينه الوجه ولم يعش في الباديه.................اما انا لم اذهب الى الديره الا مره واحده وعرفت فيها( فحيمان) الله يسعدك يا فحيمان

يعني الخلاصه انا عشت في حضاره ولم اعش في الباديه حتى الجيران كانوا من الحضر ولكن مع كل هذا يوجد في داخلي ذاك البلوي البدوي الي يعرف سلوم الرجال... واحاول ان اعرف ديارنا وفخوذ بلي وافتخر ان اصلي بدوي ولا اخفيكم اخذ الشي الزين من اصاله البدوي واترك الشين
يعني لابدان الحضاره مؤثره في بس..... في داخلي (فحيمون صغير)

كثير اصادف في حياتي اشخاص يتنكرون ولا يعترفون في ماضيهم البدوي ..... هل البداوه عيب ؟ مع انه الحين ما فيه احد بدوي!!! او تسال واحد تقوله تعرف فلان يقول :هااه لا ما عرفه !!! ويطلع ولد عم له او قريب ويتنكر لاسباب انه يكون قريبه او ولد عمه يعني هه" بدوي شوي" او يمكن ما يبي يعرفه علشان غير مستعد ان يتعامل معاه لختلاف العقليات ..والله حصلت قدامي اكثر من مره

او اذا احد قال يابدوي يزعل مع ان الكثير يتمنى ان يكون بدوي

وكثير اصادف حضر يقولون حنا بدو من ذيك القبيله!!!!! طبعا من علباته تعرف انه موصحيح ..................طيب هل الحضاره عيب؟ ادري اني غثيتكم بس حبيت تشاركوني هذا الموضوع هل هي عقده.. او ان حياه الباديه شقاء وتعب والواحد مايبي يتذكر؟ او انه يشوف انه لايق التطور على الحضر(الغير قبيلين) ومو لايق علينا؟
وليش نربط النظافه في الحضر والوساخه في البدو مع انه يوجد "وسخين حضر "ونظفين بدو؟


ليش اللي عاش في بيئه بدويه او عاش فتره فيها او نوع من البداوه قلب حضري اكثر من اللي عاش في بيئه حضريه وغير كلامه وعاداته وتصرفاته؟ طبعا"البعض" من النوعيه هذي يمسك التطور من تحت......

لان التطور في اعتقادي يبغالها تدرج يعني على مدى جيلين او اكثر وانا اقصد الاتكيت والتناسق الالوان والكشخه والكلام الفاضي بدون الاستعانه في برامج الال بي سي الفيديو كلب .... ....... الله اعلم ...

اما تطور العقل ترتبط في التعلم والثقافه و تشمل بدوي وحضري واسود

طبعا انالااخص قبيلتنافقط ولا اخص ناس معينين ولا في بالي احد معين...( والله على ما اقول شهيد )

داري سويتلكم قلق ولخبطت الموضوع وان شاءالله يكون كلامي مفهوم

.................................................. .........
طال مافيه منتدى بلوي نت .. باذن الله .راح ابقى فحيمان بن عفنان بن عدوان البلوي..البدوي.. وابقي فحيمون الغير متكلف في كتاباته(على الفطره) و اللي يكتب موضوعه والخط شغال بدون مراجعه واللي يحب الجميع
تحياتي