الجــــار
الجار جاني يشتكي شبة النار=ولجل حقوق الجار طفيت ناري
قال الغضا والسمر دخانها ضار=ميـلام ماهو لشبة النار ضـاري
ميونسه شوف المعاميل بوجار=صفرا على جمر الغضا بالوجاري
الى عزمته قال بأروح مشـوار=والى أعتذرلي قال خلك حضاري
كلمه يرددها دائم له اشعار=وعن الحضر والبدو ماهو بداري
حنا عرب عاداتنا حشمت الجار=لـه اعتبارا فـوق كل اعتباري
والى زعلنا نبدل الدار في دار=من دون يحس الجارفي شي صاري
وكان الحضارة غيرت بعض الافكار=كلا على هـواه بالاختيـــــاري
رد مع اقتباس
المفضلات