السلام عليكم ورحمة الله وبركاتة

نص جديد اتمنى أن ينال على إعجابكم,,


أترب "أفواه" القصايد من حنيني والولـــه = وأشبـِـع بطون "الأئمه" بالفتاوي والجديـد
وأنغمس " بسمه" بريئه في شفات الأسئله = وأهمس بإذن المكبّر!! بالنوادر والفريـــد
وأختصر طول الرزينه دربها يامسهلـــه = ثورة الفتنه جسدها !! والبلاوي بالوريــــد
كل فارس لاقصدها وزارها ينسى هلـــه = "لولوة "عشق المظاهر لكن المخفي.. مفيـد!
من بغى "ثـَمر" الأصيله يقتدي بالأمثلــــه = والمثل شبك يديها بالجزاله أيــــد .. أيــــد
ولاتفتـّش يارفيقي في دروج الاخيلــــــه = خل للواقع نصيبه في دواليب القصيــــد
ولامشيت إمش برزانه مرحله.. في.. مرحله = ولاتخلي في حسابك غير "طيبتك" الرصيد
وخل فكرك مع مشاهد ناظرك "لاتشملـــه" = خذ ربيع ألي تشوفه والمحل خله بعيــد
وإن قسى وقتك تبسـّم ياقلم لاتجهلــــــه = كل كربه يـِتـّبعها فـُرجة المولى أكيــــــد
والدفاتر !! ذكّرتني في جهنم وأسفلـــــــــه = لو تقول أنتي شبعتي جاوبت هل من مزيد؟
تآخذ ألي مامشى .. درب الصواب .. وتنـزله = في حظيظ القوم يجلس في مأسيهم وحيد
شف سحاب " الحـِلم " قوه بالسما ياأجمله = من مكانه بالعوالي ينتشي برق ورعيـــد
والنخل مثل القصيده يرتفع يامطولــــه = "الحجف " منه يطيح وينتشل منه " الجريــد"


وســـلامتكم
\
/
\
أسعد السحيمي