*** مهجّن قضآآآآعه ***

بسم الله الرحمن الرحيم
..
السلام عليكم ورحمة الله وبركاته
.
..
...
.

..
قصيدهـ من جديد الشاعر/ عبدالله محمود المعيقلي
..
وهي بعنوان
( مهجَّن قضاعه )
..
.
..
أترككم معها .. وغفوهـ في عالم العذوبه
.
..
..
...
مهجن قضاعه
.
من وداع الزين وقتي مايعدّي
.................................... ماتنام العين من ليلة وداعه

ياحروفي وش نقول ووش نبدّي
................................... والخفوق يتوق لـ ( مهجّن قضاعه )

إستريحي بالحنايا وإستعدّي
................................... لين أطوّع شارد المعنى طواعه

والله إني سد .. لكن باح سدّي
.....................................من غلى خلّي وللشعر الإذاعه

لو سلا عني سليت وقلت حدّي
.................................... المقفّي لي عنه صبر وقناعه

علّتي من حظّي اللي صار ضدّي
..................................... لو ضحك ساعه كشر مليون ساعه

والعزا إنه غاب والخاطر مودِ
...................................... يعلم الله لاصدود ولا قطاعه

يدمح النقصان من صاعي ومدّي
....................................... ويرجح الميزان من مدّه وصاعه

من توافقنا ويدّه فوق يدّي
......................................ماتركني لين ولّعني ولاعه

ومن تفارقنا .. ويدّي فوق خدّي
..................................... مودع ٍ روحي مع الغالي وداعه

ياوجودي وجد كدّادٍ يكدِ
..................................... راح وعياله قريب من المجاعه

وجد من يبني وظلاّمه يهدِ
.....................................وإن شكى يرجع له ويكسر ذراعه

وياوجودي وجد الأعمى للمقدّي
.................................... ضايع مضيّع من الضيعه متاعه

وجد من حاله تردّي في تردّي
................................... معسرٍ ماله على الصبر إستطاعه

والتوجّد لايجيب ولايودّي
...................................مثل من يشفع ولايُعطى الشفاعه

ومثل مايقولون لو الودّ ودّي
..................................ودّي إن الوقت مافرّق جماعه

غاب له " يومين " بحسابي وعدّي
................................. كنّهن " شهرين " من ليلة وداعه


الشاعر / عبدالله محمود الجحرش
..
تحياتي

.