أحـــــــوال من حولي

صح لسانك يا احمد عايد

بيض الله وجهك على القصيده الجزله ودمت بهذا الشموخ

وتقبل تحياتي

ورجّـال 00؟
ليت بعض الرجال اخوي احمد يفهموها
اغسل ونحن معك لعل وعسى
تقاسي ونحن نقاسي
هذا هو الشاعر الهادف
سلمت لنا مبدعا

وصلاة ربي عـد مـا هـل همـال

على رسـول الحـق راع الفضيلـه

/


" اللهم صل وسلم عليه "




المبدع " احمد عايد"





صح لساانك مدد بلاعدد

قصيده الجمت لساني "جزالةً ومغنى "


دمت بهذا الابداع

لا جديد .............


فهذا احمد عايد



وانا اقراء القصيده كنت جالس افكر كيف ارتقي بتعليقي الى مستوى القصيده



والحق يقال ..... ماقدرت اقول ......






الا صح لساااااااااانك يابو شهد



تقبل تحياتي وودي وتقديري ودمت بخير

.

.

من بين الأوراق والنصوص ..

يالله ياللي تعلم السر والحال=يامسقيٍ روح الكريم الفضيله
يامِنزل التوبه وفاطر والأنفال=يامولجٍ صبح البنادم بليله
إجعل لنا بفردوس جنّتك منزال=بـ قصور من لؤلؤ عراضٍ طويله
وجنّبنا عن نار السلاسل والأغلال=يوم الخليل يصير خصمه > خليله
وأعوذبك من فتنة الأهل والمال =والشعر ودروب الردى والرذيله
.
شهرين جالس وأتأمل بالأحول=في شبه عزله عن زماني وجيله
" عين السخط تكشف لك العيب بالحال= وعين الرضا عن كل عيبٍ كليله"
ما تنحجب شمس الحقيقه بغربال =ومن الظلام النور يشفي غليله
الناس تركض > تطرد أشغال وأشغال=وأكثرهم اللي ماش مامن حصيله
والجار مايدري "هل إلْجاره إعيال"!= عام يتعدى مقابله ما يجيله !
وصار الولد لأبوه سمٍ وسلّال = ولرفّقته طيب وعلومٍ جميله
عايش حياته طيش في طيش بهبال=وإبليس ولّع له برأس الفتيله
والطيب بين الناس في دقّ وجّلال=والله ولا ذيك اليدين البخيله
والناس بين أشكال وأشكال وأشكال=إتشوفهم في كل يومٍ وليله
رجّال مرجلته عن الفين رجال=ورجال مرجلته ببيت الحليله
ورجّال يمشي كل ما شاف مدخال=ورجّال مايمشي بليّا دليله
ورجّال ما يوّفي ولو دينه إريال=ورجّال وافي لو ديونه ثقيله
ورجّال همه كيف يجمع له أموال=ورجّال همه من هموم القبيله
ورجّال لربوعه مثل مزن همال= ورجّال لربوعه سواة المليله
ورجّال دايم للثقيلات شيّال =ورجال دايم يحتري من يشيله
ورجّال رأيه تنظرب فيه أمثال=ورجّال رجّرجّه ولا فيه حيله
ورجّالٍ مجنب عن القيل والقال =ورجّال يفرش للسوالف شليله
ورجّال راعي كيف دله وفنجال=ورجّال يفرح لا لقى له بليله
ورجّال نمامٍ للأقوال نقال=ويجيك لأبس ثوب راع الفضيله
ورجّال للغيبه وللشر مقفال=إعلاج عله للقلوب العليله
سبحان من فرّق لنا حال عن حال=وكلٍ على ما قيل يلقى حصيله
وصلاة ربي عد ما هل همال = على رسول الحق راع الفضيله

أحمد عايد

.

ابو شهد رائع دائماً

بحثت عن بيت يعجبني وجدت القصيدهـ بأكملها رائعه ....

وليس غريب ان تخرج لنا قارحة المتئلق احمد عايد درر مثل هذه الابداع ,,,,

مودتي

فووووووق

.

فوووق

.
يابوشهد
.