( سفــاره بالـ.....خيمه )

/

\
/

نص جديد اتمنى ان ينال إعجابكم

ألا يأهل الهوى والإستشاره = اشوف القلب ماهو في مساره
أشوفه كل يوم .. وكل ليله = يشن أكثر من ألـ 2 غاره
ذبحني من زبن وسط .. المحاني = بناله فوق شرياني عماره
سكن فيها ولا استاذن .. فؤادي = وحتى أجار ماسلّم أجاره
له وصوف ٍ جديده x جديده = خفيف الدم زايد في وقاره
رسمني .. في ورق قلبه امااااني = حصرني بالهوى وأغلق إطاره
صرف كل ألذي كان .. برصيده = وخلاني أنا .. كل إدخاره
يحاول .. قد مايقدر بأنه = يخليني نواة ٍ في مداره
ولكن ّ .. الهوى لعب وتحدي = إثاره في إثاره في إثاره
لعب في خاطري لعب النسايم = على اوراق الهوى وأعلن قراره
يبيني ما أغيب .. ولا تأخر = وإذا غبت أحرق الخافق بناره
واذا جيت أتواصل بأصدقائي = مثال : ( أحمد أو السلطان ) أثاره*
زعل .. وأزعل معه أم الجوارح = وهز الأرض من تحتي بإشاره
وزلزل بالبكى أرض .. المعادي = وأعلن بالمحطات إنتصاره
يحب يدير قلبي .. بالأوامر = قلب* قلبي إداره في إداره
أظن يطبـّق الافلام .. فيه = ( سفاره ساكنه وسط العماره )
وإذا حاولت أغيّر من مساري = يجيني جيب دوريه وأماره
يقول : أسعد أمانه .. لاتفكر = بهجراني ترى هجرك .. خساره
( حبيبي انت ملكي ياحبيبي) = << وهذا الشي ياعالم شعاره
رفع مقياس ( بوزيه الفرنسي*) = وزاده في فجر كيس المراره
وذاني في أسليب .. المحبه = ألينه هم ّ .. نمره وإستماره
وانا من زود مابي .. قمت أفضفض = على سلطان يومه بالخفاره
احاول قد مقدر ..ما أبالي = واخفف .. من مقاييس الحراره
ولكن مانفع سلطان وأحمد = ولاعايد .. بإسدال الستاره
حبيبي هو .. لا لا مايتغير = شراره ياعرب والله .. شراره

أثاره : بمعني أغضبه.
قلب : بمعنى خدم الشي على الجهه الاخرى ما أعرف!!
بوزيه الفرنسي: مخترع مقياس ضغط الدم .

/
\
/

محبتي

أسعد السحيمي

ختمت بكلمة محبتي انت لك محبتي
كل قصيده من قصائد ك ياشاعرنا اسعد اسعدت ذائقة من قراها
الان فرضت لمن يمر الوقوف امام اسعد السحيمي
بالتوفيق ومبروك الامسيه
واشكرك اخي لأسدال ستار عايد واحمد وسلطان يتحملوا
هكذا مبدعينا الى الامام