ما عاد فيها عزاوي 000؟

كيف أعتزي ما عاد فيها عزاوي=كم أعتزيت وقلت ياكثر الأزوال
من ما مضى بانت جميع الهقاوي=واليوم ضاعت هقوتي والأمل طال
بعده عرفت أني وحيد وخلاوي= طرقي خلاء لأشك بالدرب رجال
عرفت انا ما أقول وماكنت ناوي=دام المراجل هي رصيدي عن ريال
ما لي على بعض البشر من دعاوي=وانا الذي معروف من عم للخال
ولا اقصد بها شكوى ظروف وبلاوي=أقصد بها مقصد علىطيب الفال
بُعد القلوب أصبح حديث القهاوي=روح المحبه والوفاء فوق غربال
وين العقول وين بعد الحراوي=راحت مع اهل العرف والعرف مثقال
من يوم شفت الكل اصبح نحاوي=طردي سراب ومن نشد كيف الاحوال
ومن هو عثر عثرت أصيل ونداوي=أصبح ملامه للبشرقول وأفعال
المال يفنى من فقير وغناوي=يبقى الشرف للرجل غايه ومنزال
ومن هو ظهر بياع وإلا شراوي=كل العرب حوله تنقل البشت وعقال
وأذا ظهر من هو كريم وعطاوي=يبين عيبه لا انحرف حمله ومال
طردي وراء المعروف لأجله شقاوي=لا شك بين الناس ذربين وانذال
قصدي بها والله ماهي شكاوي=أقولها من عرف طريت على البال
دام الكرامه فوق والذيب عاوي= يقسم عشاه الله دسمات وجزال
يبقى الأمل بالله قصد ورجاوي=ربي كريم يبدل الحال من حال