سلام ياربعاً لهم كل مقدار=لأخوي عبدالمنعم ابن الرجاجيل
وأهل المخيم ربعي الطيب له دار=بلي هل الطولات بلي المشاكيل
إلى جيتهم في دارهم شبة النار=ودلال صفر تفوح بالبن والهيل
والنعم يهدوا الطيب الكل زوَّار=ذيابه تلذَّع عقبوهم هل الخيل
أهل الكرم والجود والمنظر السار=ذولا بلي للضيف ذباحة الحيل
ماقصروا للي نبي دوم حضار=والنعم معنا ماذخروا جهد او حيل
يالله عساهم من طويلين الاعمار=بوجودهم الصعب اصبح تساهيل
كل العلوم الغانمه هي لهم كار=الطيب والمعروف هم له محاصيل
أرفع لهم تحية أجلال واكبار=وعسى المطر على المخيم هماليل


أخوكم الشاعر /خميس بن حمد أبوذراع البلوي