قصيده لشاعرسليمان سالم صالح الوابصي <في والدته>

قصيده لشاعر سليمان بن سالم صالح الوابصي في والدته

أمـــــي لها في ضميري منزلاً عــــــالي

أمـــــــي علي الراس بالعــــالي منـــــازلها

أمــــــــي وفيه عضيه سعرها غـــــالي

مـــــــــاتخصي لوني أعــــدد خصايلـــــها

أمــــي فخوراً بــــــــــها دايم علي بالي

لوني تقصيت مــــاوفي جمـــــأيـــلــــــــها

أمــــي غذتني لـــبن من ديسها الحالي

والـــــــــيوم دوري أريـــــحها وأدللـــــها

أمـــي غذتني بوقت العيش غـــــالي

حتي عن البرد قضـــــــت لي جدايـلـــــها

أمــــــــي نظرها واري أبكل الاحوالي

غفواتها في غيـــــــــابي ماتكمــــلـــــــها

أمـــــــي عن الشمس خلت ظلها ظلألي

تصبر علي الشمس مـــــع شدة قوايلـــها

أمــــــي علي العين فوق الراس تنشالي

ودي بيمناي لـــو تـــــاكل اوكلـــــــــــــها

أبــــــــدي أمي علي الزوجات وأعيالي

بالعطف واللين والبسمـــــات أعاملــــــها

حــــبي خصوصي لها والحق ينقالي

عهداًعلي عاتقي ماعـــــــاد أزعلـــــــها