صحيح ضربة بوش تفرح بها العين
صحيح ضربة بوش تفرح بها العين=لكن لزوم نحسب ردات الأفعـال
حتى الفرح فيه العـرب مستبديـن=تقول ما تحسب نتايج للأقـوال
ياللي تبـا تدفـع بجزمـه ملاييـن=المال نعمه واحمد الله على المال
وشلون لو ما انته بأرض الحرمين=اللي بشرع الدين مضرب للامثال
من مالك اللي معك شوف المساكين=كم واحد(ن) محتاج ماعنده ريال
عمر مساجد سد ديـن المساجيـن=اكفل يتيم ابن مدارس للاجيـال
ادعـم معاهـد تعتنـي بالمعاقيـن=تنعش لهم من دعمك احلام وآمال
احرص يعديك الفرح منهج الديـن=وتصير جاهل تفعل افعال جهـال
إحسب جواب سوال مالك غدى وين=باجابت(ن) تثقل موازين الأعمال
مما حصل عبرت بالشعـر بيتيـن=يالله يالمعبود تلطـف بالاحـوال
وسلامتكم
رد مع اقتباس
المفضلات