ما هو التصوير الضوئي ؟؟ و هل من الممكن أن أكون مصورا محترفا ؟(دروس)

سم الله الرحمن الرحيم

السلام عليكم و رحمة الله و بركاته


ما هو التصوير الضوئي ؟؟ و هل من الممكن أن أكون مصورا محترفا ؟؟

سؤال ربما يتردد في ذهن أي منا و يحس بأن إجابته ستكون بالنفي لعدم مقدرتنا على أن نكون كالمصورين العالميين .. لكن .. المحاولة ليست أمرا مخيفا



أولا و قبل أن نبدأ التصوير دعونا نرى كيف نلتقط الصورة ..

التقاط الصورة سيكون بأمر بديهي باستخدام كاميرا تصوير .. و المصورين أنواع

إذن دعونا نتعرف على هؤلاء المصورين ..


1 - مصور للمناسبات و عادة نراه في الأفراح .. الاجتماعات .. الأماكن الرسمية

2 - مصور تقليدي .. يشتري أي كاميرا و يلتقط أي صورة و يرى فيها جمال فعلا لكنها بالنسبة لمصور محترف تعتبر لقطة عابرة ما لها أي معنى

3 - مصور محترف يلتقط عن دراسة و يصور عن فهم و يرى الصورة قبل التقاطها و يعرف كمية جمالها و كيف ستكون قبل التقاطها .. و هذا هو الشخص اللي نطمح أن نكونه



في هالموضوع نبي نتكلم عن الفئة الثانية اللي هي المصور التقليدي اللي يسمونه المصورين بالمستحرف


المستحرفين الكل يقول وش الكاميرا الي تناسبني وكم السعر ووين القاها في هذا الموضوع راح تلقون كل شي ونقصد بالكاميرا هذي الي شبه احترافيه يسمونها slr lilk يعني فيها تحكم شبه كامل يعني فيها اوضاع مضبوطه سابقا مثل التصوير الليلي والحركي والبورتريه الخ .. وفيها ايضا اشياء تقدر تضبها مثل المود s تقدر تضبط شرعة الغالق او تضبط فتحة العدسه وفي العاده نتائجها جيده وتشبه كثيرا نتائج الكميرات الاحترافيه
لكن لاحظو الكميرا ماتصنع الصوره بل انت يعني اكثر المصورين العالميين خذو صور بكميرات مايتعدى سعرها 100 دولار ولما الحين نشوفها ونشاهق من جمالها فا هالموضوع بس يساعدك في اختيار الكاميرا بس مايطلع لك صور حلوه يعني الباقي عليك ..

طيب سؤال .. هالكاميرات كم قسم ؟؟

الكاميرات الشبه احترافيه تنقسم الى ثلاث فئات :


1 - فئة 3 ميجا بكسل ( وكلكم تعرفون ان الميجا بكسل وحده قياس وضوح الصوره بس مو كل شي ) هذا يساعدنا نعرف كم بيصير وضوحها اذا طبعناها على ورق وكم حجم الورق الي نقدر نطبع عليه بس بس لايغركم حجم البكسلات يعني تراه نوع من انواع الدعايه لا غير

2 - فئة 4 ميجا بكسل هذي فئه حليوة وتعطي نتائج رائعه عند الطباعه وتقدر تطبع على ورق A4 بكل راحه


3 - فئ ه5 ميجا بكسل وهذي اكثر قيمه في كاميراتنا الي بنعرضها كاميرات المحترفين واذا كانت جميع المواصفات الباقيه جيدة فطبعا راح يكون قرار رائع لشراء هذه الكاميرا بس مع هذا اقولكم مرة ثانيه الميجا بكسل مو كل شي انتبهو لا يغشونكم ..


4 - فئة اكثر من 5 ميجا بكسل وهذي تدخل في فئه المحترفين ومصورين الاعلانات مالنا دخل فيهم ممكن يوصل الميجا بكسل ال 12 ميجا بكسل طبعا نقصد بالمليون يعني صور ذات كثافه عاليه ودقه وطبعا يزيد سعرها عن 8 دولار اقصد بس لاتصيحون ماعلينا منهم

الحين خلونا نتعرف على بعض الكاميرات بس يا ريت تدققون شوي لأن كل كاميرا بيكون لها درجة جودة راح نذكرها ..


Casio Exilim EX-S100




اسمها طويل شوي طبعا من شركه كاسيو وتقريبا هذي اول كاميرا لهم تبرد القلب طبعا شكلها حلو تصميم نحيف تعتبر الافضل من حيث جودة الصنع قياس بطاقة الائتمان تقريبا . وكثافتها 3.2 ميجا بكسل وهي اول كميرا تدعم عدسه من السراميك والتقريب البصري الاوبتكل تقريبا 2.8 كويس بالنسبه لحجمها ومافيها فتحة نظر يعني بش شاشه ممكن هالشي مايضايق الاكثريه بس بعض المصورين يفضل الفتحه انا افضلها صرحتا فيها ذاكره داخليه بس 9.3 ميجابايت تدعم ذاكرات SD , MMC ومايجي معها بطاقة ذاكره للاسف لازم انت تشتريها وتصوير فديو مع صوت وممكن للمبتدائين اختيار انماط تصوير مسبقة الضبط منها العاب ناريه وبطاقة عمل وغيره ...
شاشه الكريستال حلوه وكبيره تقريبا 2 بوصه واستمعمالها سهل والقائمه سهله بعد وسهله التنقل ..
في التصوير الخارجي حققت نتائج مرضيه وكانت الصور مليئه بالالوان بس بالداخلي مو مره كان تصويرها وفي الماكرو كان كارثه والتشويش واجد ..
بالنسبه لي احس ان شكلها حلو خفيفيه وتصلح للتصوير العائلي والرحلات بس ماتنفع للصور الاحترافيه يعني ماتعطيك صور مذهله
تقييم الخبرا لها 2.5 / 5 يعني اثنين ونص من خمسه
وقيمتها مرتفعه بعد شوي ..

وهذا موقع يعرض مميزاتها لو تبي تتعرف عليها زياده

http://www.dpreview.com/reviews/spe...asio_exs100.asp
السعر : 408 دولار .موقعها : WWW.EXILIM.COM


HP PHTOSMART M307




هذا الكميرا من شركه اتش بي العريقه في صناعة الطابعات
لكنها ايضا اجادة في صناعة الكميرات موخرا
تصميم انيق وخفيفه مو ثقيله مصنوعه من البلاستيك وتتميز بمنحنايت عصريه تسهل الوصل للازرار قياس حساس CCD هو2.7 بوصه والكثافه 3.27 ميجا بكسل سرعه الغالق سريعه توصل 1/2 بالثانيه
وفيها ذاكره مبيته تقريبا 16 ميجا وتقريب بصري يوصل 3 وتعتبر مناسبه للمبدائيين وطبعا تقدر تزيد الذاكره من خلال بطاقة ذاكره SD او MMC ...
وفي الاختبارات الي سووها لها تميزت بسهولة الاستخدام
وفيه 8 انماط تصوير وفيها مؤقت زمني تقدر تثبته وتصور نفسك مثلا وتنحفظ الصور على هيئه JPEG وتقدر تسجل مقاطع فديو مع صوت وومكن طباعة الصور مباشره من الكاميرا لكن الي كان محبط فيها هو البطاريه الي من نوع AA وياليت لو كان فيها بطاريه لاعادة الشحن مره ثانيه

وفي الاختبارات الي اجريت عليها وكانت صوره في التصوير الداخلي والماكرو والاضاءه العاديه محترمه بس التواز الابيض مو دقيق وطغى اللون الازرق على الصور وفي التصوير الخارجي كانت الصور ساطعه لكن كثيره التشويش

بالنسبه الي الكاميرا صغيره سهلة الاستخدام وسعررررررها رخييييييص نسبيا بس 150 دولار وجوده الصور مقبوله

ووميزاتها على الرابط
http://www.dpreview.com/reviews/specs/HP/hp_m307.asp

ونقدر نعطيها 4/5 يعني نسبه جيدة
السعر : 150 دولار
موقع ويب : WWW.HP.COM/ME



Kodak Easyshare cx7330




تستهدف هذي الكاميرا المبتدئين من هواة التصوير من نوع سدد وصور تشتمل على مزايا اساسيه متوفره في معظم الكاميرات
من حيث التصميم تعتبر ضخمه شوي والغلاف البلاستيكي مو افضل ماشاهدناه
اما عن المواصفات تستخدم حساس CCD بكثافة 3.1 ميجا بكسل والتقريب البصري تقريبا 3 اوبتكل زوووم والقوائم سهله نسبيا وقياس الشاشه الكريستاليه 1.6
وبالنسبه للصور في الاضاءه الضعيفه وعلى الرغم ان الانتقال بين القوائم كان يسيرا الا ان مافيه تحكم يدوي يمكن للمصور ان يضبطها وفيها ذاكره مبيته تقريبا 16 ميجا بايت وتقدر تضيف لها ذاكره طبعا .. وتمكنت الكاميرا من التقاط صور جيده في الداخل بل لعلها حاده زياده عن اللزوم اما في العراء فبدت الصور قليله التعرض للاناره وفي الماكرو بعد

وانا من رايي الشخصي ما انصح فيها حتى للهواه ممكن تلقى احسن منها بنفس السعر ..

وموقع مميزاتها :

http://www.dpreview.com/reviews/spe...odak_cx7330.asp

سعرها : 150 دولار

التقيييم العام :3.5 /5
موقع الويب : WWW.KODAK.COM



الكاميرا الأخيرة لليوم

KONICA MINOLTA DIMAGE XG



كأنه اسم مركب كيمائي المهم طبعا هي من شركه كونيكا مينولتا العريقه في مجال التصوير ..
هذي الكاميرا تعتبر هديه قيمه للي تحبه طبعا صغيره وشكلها حلو وامكاناتها حلوه بعد مو بجمال كاميرا كاسيو بس حلوه تمتاز ببنيه قويه بسبب جسمها المعدني وكثافه 3.3 ميجا بكسل وتقريب بصري 3 زوووم ومن المزايا بعد الفلاش المبيت وفيها خمس اوضاع مسبقه للتوازن الابيض ومافيها ذاكره مبيته بس الشركه زودتها بذاكره خارجيه سعتها 16 ميجا
طبعا معظم الكاميرات الموجهه للمبتدئيين المتوفره هذه الايام تبقى هيئه JPG المحببه لقلوبهم وتتضمن انماط تصوير قياسيه ايضا مثل التصوير الجانبي والعرضاني وعند الغروب على الرومنسيه وفي الليل اذا كنت خفاش مثلي

في التصوير الخارجي الالوان كانت قريبه للحقيقيه وفي الداخلي ومع استعمال الفلاش كانت الصور جيده وتمكن بعض المصورين في نمط التصوير الماكرو من التقاط تفاصيل كثيره

وتعتبر الافضل في هذي الفئه وكانت ذات اداء ممتاز بالنسبه لكاميرا صغيره ..

ومميزاتها على الرابط : http://www.dpreview.com/reviews/spe...ta_dimagexg.asp

سعرها 261 دولار .
التقييم العام : 3/5
موقعها : http://www.konicaminolta.com


منقول للفائده اتمنى تثبيته
ما هقيت

وجزء الله خير من قام بهذي الدروس

يتبع