{ البرق ناض و ناض قلبي مع البر }

السلام عليكم و رحمة الله وبركاته

يسعدني المشاركة في هذه المصافحة الاولى

التي ارجو ان ترتقي لذائقتكم

البـرق ناض و ناض قلبي مع البرق

صوب الديار اللي خفوقي عشقها

عسى السحاب اللي تراكم من الشــرق

يسقي جبلـــها ثم يســقي سهـــلها

ديرة بلي عن كل ديرة بها فرق

0يامن بـــها الخايف لمنّــه نزلــها

سطواتنا تحرق قلوب العدا حرق

و كم حايل ٍ للضيف نرمي شنقـــها

السمن هو و يـّـا الشحم مايتفارق

0نفوسنا بالجــود ربـي جبلها

البنّ والهيل الخضر يوم يبرق

لاشمّه الضرمان روحه عدلها

ربعـي بلي بطبوعهم تسجع الورق

0وناسة اللي فرحته ماوجدها

الجار وابن العم مابينهم فرق

0أيامه اللي عندهم ماحسبها

يستاهلون المدح من صافي الطرق

عدوهم ميزاتهم ماجحــــدها

و صلاة ربي عد ماصبحه اشرق

على رسول ٍ للرساله حملها

أخوكم \\ سلامه بن محمد العصباني
( أبو خـــالد )

\\\\\\\\\\\\\\\\\\\\\\\\\\\\\\