.. محاسبه للنفس ..

صح السانك أخوى محمد
وعيدك مبارك
تقبل تحياتى

ارزقنـي إخـلاص ونقـاء قلـب وقيـام == في جوف ليلـي لا مضـى منـه ثلثيـن
وأكرمنـي بحـب الفـقـارى والأيـتـام == لا تجعل أتباعـي مـن النـاس غاويـن

صح السانك محمد القويعاني
تسلم على هالأبيات النقيه

محمد القويعاني . .

صح لسانك مدد بلا عدد على هالقصيدة الجزلة يابو عبدالعزيز

أطيب المُــنــى ،،

سلمان العرادي

صـــــــح لســــانك
يا محمد وكل عام
ونت بلف صحه

ارزقنـي إخـلاص ونقـاء قلـب وقيـام == في جوف ليلـي لا مضـى منـه ثلثيـن
وأكرمنـي بحـب الفـقـارى والأيـتـام == لا تجعل أتباعـي مـن النـاس غاويـن

صح السانك محمد القويعاني
تسلم على هالأبيات النقيه

صح بدنك يا سعود والله يسعدك



شكراً جزيلاً لك على كرمك ونبلك


تحياتي لك وتقديري

كل عام وأنت ومن تحب بخير ورضى من الله

.


.




.

يا نفس أشوف العام .. يمضي .. ورا العام=وأنتي على دروب الخطايا تمادين
أرخاني التسويف .. وأيامي حسام=يا نفس .. وصدوف الليالي سكاكين ..
توبي هنا .. مليت من قول .. قدام=الموت .. وقته يمكن يكون هالحين
لا تغرك الدنيا وتغويك الأوهام=التوبه .. التوبه .. قبل ما تموتين
يا نفس ما ينفع بعَد .. لفّة الخام=إلا عمل صالح .. ودعوه .. واثر زين
وش الندم والحسره وعض الإبهام=والمال والجاه ودموع المحبين ..؟
اللي تميّز بين باني وهدام ..؟=أعمال ترفع فالخميس و فالاثنين
تزودي في زاد من حظهم .. قام=العابدين الخاشعين التقيين
هذا السفر يمضي مثل غُبش الأحلام=وجميع الإحياء في طريقه مقفّين
العمر .. مهما طال تفنيه الأيام=ما يدوم غير الله .. والخلق ماضين
وين الرسل والأنبياء ..؟ وين الأقوام ..؟=وين الملوك ..؟ وّين سلطانهم وين..؟
راحوا عُبَر للناس .. مثل أهل الأهرام=ولا أُسكنوا في قبر فوقه حصاتين
الكون هذا كله بوصفه العام=والعلم عند الله .. (برزخ ودارين )
الدار الأولى .. دار تكليف وإلزام=والعيش مهله .. والخيارات نجدين
أما هدى وتقوى على دين الإسلام=نعيم فالبرزخ وتتويج بعدين ..
ولاّ ظلال نهايته .. ما هي إعدام ..!=نارِ حطبها الفاسقين المظلين
فيها الطغاة ومن يواليهم .. أقزام=حيين لكن في عذاب .. ومهانين
جميع من تحت الثرى صاروا عظام=يبعثهم الله .. خالق ادم من الطين
أرواحنا يعيدها بنفس الأجسام=وننساق للمحشر من يسار ويمين
في يوم موعود .. وتفاصيله إجسام=فيه الرضيع يشيب والقاسي يلين
ويصيروا الأحباب من هوله أخصام=ويصيروا الاقراب ما هم قريبين
الملك لله وحده ... وكل الإحكام=وهو القوي وكل خلقه ضعيفين
المزهب أعمال ... بموازين وأرقام=ما فيه جاه ملوك ... وإمرة سلاطين
سبحان من .. ما غاب عنا ولا نام=واشهد علينا اليد والرجل والعين
استغفره وأتوب له سر وإعلام=واحذّر اللي زل عن منهج الدين
لا تشغله دنياه في حمر الإنعام=يتبع هوى النفس ويطيع الشياطين
أبيه يغنمها قبل رفع الأقلام=يتوب قبل الموت .. ( توبة نصوحين )
يربط على قلبه من ( الخشيه حزام )=ويلزم طريق الحق ويعيش ما بين ..
ذكر وصلاة مودع ونسك وصيام=في واجب وسنه ونهج وقوانين
وانا مدامي حي تجري بي أنسام=يا رب أغثني في هدايه وتمكين
ابعث لقلبي نور .. من نورك التام=واجعل لي القران منهج وتحصين
اجعل لي القدوة شفيعي والإمام=اشرف بني ادم ختام النبيين
أوزعني أخشاك ... ولطاعتك مقدام=واجعلني بأول صفوف المصلين
ارزقني إخلاص ونقاء قلب وقيام=في جوف ليلي لا مضى منه ثلثين
وأكرمني بحب الفقارى والأيتام=لا تجعل أتباعي من الناس غاوين
واغفر لي وّفقني بوصل الأرحام=وأدخلني وّالديني .. الجنه ... آمين

.


تحيه للجميع

و

عيد سعيد وعمل متقبل


.

الهم آ مييييييييييين يارب العالمين

شاعرنا الجزل الوجداني محمد عوده القويعاني

احسنت واحسن الله اليك ابدعت في هذه المعلقه الله يوفقك

وكما عهدناك لاتاتي الا بالجزل الجميل

تحياتي وتقديري لك

وتقبل سلامي

وكل عام وانتم بخير