00((كبير جروح))00

الا انتي ولا غيرك احــن لصوته المبحوح
ابي قربك عن غيابك كفى حزني وزود الهم

الا انتي بعد رحتي كبر جرحي كبير جروح
دخيلك كيف ألم الجرح ذا يلطم وذا يلطم

الا انتي بعــد غـبتي غرقتك ياســفينة نوح
ولا منجي سوى ربي من الغبه بوسط اليم

انا وانتي مناي انتي ولكن حظنا مطروح
تقولين ابعد ترى أحلامي خياليه ولا تهتم
وانا ابكي وشايف كيف!!وعليك انوح
كما نوح اليتيم اللي فقد حظنه فقيد الضم

حسافه يالوجيه اللي نوت فرقى وانا مذبوح
خساره وش بقى اخسر خساراتي صحيتك حلم

حياتي كيف ابا أفرحها وانا فاقد حياة الروح
بلا معنى لها مبدأ حياتي فيك الا تعلم؟؟

اهيم بحالة اللي من رسم صوره يناجي لوح
ظلايم يابعد عمري ظلايم نورك الاعتم

على افراقك نهاياتي وحلمي في ثوان يلوح
على العبره بها تلقى سبايب حزنها الاظلم

أذوب بذكرك الغالي أسيحك راضيه أسوح؟
وانا حبك ثمان اسنين يسري بي مسار الدم

على رجوى السنين اللي بها لي والدروب اوضوح
رثيت غيابك كذا مقسومنا الاحدم

أمانينا على ايدينا نضيعها مناي تلوح
يضوي عتمة الغادي وجودك أقسم!! واقسم!!