ماريـة فيني من الوقت منهاش\\\,,
مـاريّـة فيـنـي مـــن الـوقــت مـنـهـاش = وجـوا ضمـيـري شــي ينـهـش نهـاشـه
ينهش وهشـش ماانبنـى داخـل الجـاش = ويقـرش قريـش المعتجـل فــي قـراشـه
جـوا ضميـري لـه وشـيـش وخـرفـاش = ســـوى بـريـضـان الضـمـايـر لـبـاشـه
لانـيــب درويـــش ولانــيــب قــــراش = وبــالــزوم الـشـيــن مــحــلا بــلاشـــه
اللي يجي من ماش يمشـي علـى مـاش = وراع الـمـعــاش الله يـكـثــر مـعــاشــه
وكــل عـلـى مــاراد لـلــرزق يـعـتـاش = وعـمـر كتـبـه الله عـلـى العـبـد عـاشـه
ومـن لاطمـع للـعـز والـجـود مـاعـاش = مـاعــاش لـــو انـــه وزيــــر وبــاشــه
ممـا جـرى راســي مـشـوش ومـنـداش = مـمــا جـــرا بـالـوقـت فـيــه انـدواشــه
وياشوش راسي شوشة الجمس لاشاش = فــي يـــد مـنـهـو لايـــع الـفـقـر نـاشــه
حـده زمــان الفـقـر عالفـقـر وانـحـاش = ولاشـاف مــن جــور الليـالـي بشـاشـه
هــواه فــي جـمـس وبـنـدق ورشـــاش = ويعطـي عـضـام الـلـي يـحـده دشـاشـه
وقت يجي صادق ومليون غشاش = والصادق المضيوم محد بداشه
الشـيـن مـــردوده عـلــى لـحـيـة الاش = حيـثـه لـهــا لاجـــت يـفــرش فـراشــه
ولا عـزيــز الـنـفـس لـلـعــز شــــواش = يـرخـص لعكـفـان الـشـوارب كـبـاشـه
نـوب تجـي بالـديـن واحـيـان بالـكـاش = ونـوب يجـي وسـط الامــور انعـراشـه
الـسـم لــه حـــاوي ولـلـشـوك مـنـقـاش = والـلـي يـحـوش الـعــز بـالـيـد حـاشــه
احـد يحـوش السـمـر والاخــر قـحـاش = كـــل مـــن الـدنـيـا يـقـحـوش قـحـاشـه
والله عـلـى روض يـنـغـوش تـنـغـواش = راع الـدبـش وسـطـه يـضـيـع دبـاشــه
يطيـش عشبـه طيشـة المـوج لاطــاش = واطـش بــه خـافـق يطـشّـش طشـاشـه
والجـو شاتـي وابتـدى الوبـل بـرشـاش = وصـارت علينـا مــن كرمـهـا غبـاشـه
رد مع اقتباس
المفضلات