برلين يابرلين .. وش بقى تتمنين .. ( قالها ) سامي وبقيه النجوم..!!

الف مبروك لك أخي العزيز أبو أسامة وللجمهور الرياضي السعودي كافة تأهل الاخضر لكأس العالم 2006
وتواجد كلمه لاإله إلا الله ومحمد رسول الله للمره الرابعة ترفرف خفاقة ولكن هذه المرة
في سماء المانيا

مادم سامي قائد المنتخب في الملعب
والشلهوب ضابط الإقاع في منتصف الملعب
والعقرب الناعم (المنتشري)في الدفاع

صدقوني المنتخب في القمه دائما ً

أليس الشلهوب هو نجم اللقاء مع الكويت .. وكذلك أبرز لاعب في مباراة أوزبكستان !!
وأين ذهب كريري !! منتشري !! ياسـر!! مبروك زايد !! وصاحب كل عشر دقائق بهدف سعد الحارثي .. عشر دقائق وليس عشر سنوات !!

يالبـــــى الشلهوب تكفون.. خلوه خلوه ..




تركي ..وش أحسـن لك تدخل الإختبار ومنت دارس ... أو ينفرد بك سامي وأنت الحــارس ؟؟

كلامك أو وجهة نظرك وأنت حر فيها .... وبعدين مافيه أحد طقك على يدك وقالك أقرأ عن سامي أو ما يكتب عن سامي

الإعلام يلمع ساميـ كـم .. لكي يلعب في كأس العالم القادمة .. وسيلعب ولو برجل واحده !!
مادمنا نرى الإعلام يفرض من يريد .. لدرجة أن خالد عزيز أساسي في المنتخب !! فكيف لأحد أن يسئل عن تواجد سامي في ألمانيا ؟! فـفي كل الأحوال سيكون سامي أفضل من عزيز ويمكن الإستفادة منه ولو في التصاريح الإعلامية التي يتميز بها

اول شي وقبل كل شي .. يجب علينا اننا ما ننكر الدور الكبير اللي لعبه سامي في مباريات التصفيات كلها دون استثناء .. وكذلك احترام تاريخه


تختلف عبارات الإطراء والمدح فيه .. وتنتثر إبداعات الأقلام ذكره ..



ثاني شي .....في الفترة الاخيره وبالتحديد الموسم هذا .. أحس سامي نضج لعبه مع انه نضوج متأخر .. 33 سنه .. يلعب خانة المهاجم المساعد على أكمل وجه .. ويلعب خلف المهاجمين بشكل ممتاز .. ومهاراته ما يبالغ فيها مثل أول .. اكتسب الخبره وعدل عيوبه

سامي الجابر كلاعب في المنتخب والهلال .. لاعب عاااادي جدا مقارنة بالتضخيم الإعلامي

.. سامي الجابر هو صراحه لاعب مهوب بسيط وانجازاته تحكي .....بس اتفق معك ان الاعلام بالغوا فيه بالفتره الاخير ...ومن حقه لانه بالفتره هذي هو اللعب البارز بالدوري السعودي بحكم انه لاعب كبير ...!! وهل يقارن لعب بعمر 33 بلاعب مبتدي ماله سنتين وارجوا ان قصه سامي والاعلام انها ماتاثر على اللاعبين الاخرين بالمنديال لانها نقطه مهمه جدا . ..


وارجو من الاعلااام ان يلتفتوا للاعبين الاخرين وتسليط الاضواء عليهم لانهم هم جيل المستقبل




الاخ تركي ... فكنا من عمليه التعصب الرياضي وخلنا نفرح بالتاهل للمره الرابعه على التوالي



ولك كل الاحترام واللتقدير.... اخوك/ الــفـــيـــصـــل

الف مبروك لللجميعععععععععععععععععععععععععععععع