المسك المعتـّـق [ فيديو ] للشاعر عبدالله محمود المعيقلي

الشاعر محمود من الشعراء الذين يمتعون الجمهور بقصائدهم والقائهم

ومن المبدعين المميزين

اشكرك اخوي رضا على هذا الطرح

بسم الله الرحمن الرحيم

أخواني الكــرام

يســرني أن أضــع بين يديكــم هذهـ القصيـــده بعنوان ( المسك المعتـّـق ) للشاعر : عبدالله محمود المعيقلي والتي كتبت في :
سـالم بن عوده بن علي المعيقلي البلوي ( أبو خـالد )

وقد ألقاها في حفل زفـاف إبنه خالد بمحافظة ينبع بتاريخ 4/3/1431هـ كتب الله له حياة زوجية سعيدهـ

بأمل أن تحوز القصيدة وكاتبها على رضاكم وإستحسـانكم

للمشـاهده على اليوتيوب [ وأعتذر لضعف الصوت ]

دعيت حروفي وجتني ونـيّه = وأنا اللي جيتها بخاطر ونيـّه
فلا هـذا جزا صبري عليها = ولا هو للعطا رد العطيّة
عدمـت الـشعر وأرقاب القوافي = إذا ماطاعت الأرقاب لـيّه
أشـدّ بكفي خطام القـصيده = و أســجّ حروفها روحه و جيّه
وأضمّرها على معنى و مـغنى = إلين أجيبها حرّه عذيه
كذا ولا بلاش من التغـنّي = وشـيلات اللحون السامريـّه
سـلام الله على حـاضر فرحنا = عـدد مادار كيف الشـاذليه
وسـلام الله عدد ماهلّ وأمطـر = مـن المزن المسخّر مـن وليـّه
سلام ٍ ياصل الشـيب الفلاحي = لأبـو سـالم سـلامي والتحيـّه
مـقـدّمـنـا على زيـن الطـبـايع = وزيـن أخلاقه وزين السـجـيّـه
وسـلام الله عدد نبت الخزاما = وماناحت وغنت راعبـيــّـه
سلام ٍ كنه المسك المعـتـّق = بعطر من الرياحين الزكيــّـه
من أقصى خاطري للشهم ( سالم ) = على عزّ ومعزّه وأريحيّـه
يـقبّل راسه و يمناه عنّي = و هـذا مـن أبسط حقوقه عليـّه
لأنـه بي وبـأخواني موصّـا = قبل محمود تـاتيه المنيــّه
وأنا أشهد له وتشهد له فـعوله = بـأنه خير من قام بـوصـيّــه
و إني بمدلهمّـات الليالي = أقدّي خطوتي وأسري بضـيّــه
سلم ( سالم ) ويسـلم راس (سـالم) = سـلـيـل أهل المكارم و الحميـّـه
كسب من صلب أبوه وصلب جدّه = عروق ٍ بالوفا ريّـا غنيّــه
( أبـوه ) اللي عرفنا طيّـباته = وجـدّه ( عـلي ) راع البنــدقيّه
وجـدّه سيّــد السـاده (سـويّد) = عـقــيـد الـقوم نطّـاح السريّـه
وجـدّه لأمه الجحرش ( محمد ) = و خـاله والدي , ياحـيّ حيّــه
و هو ماهان عن هـذا و هـذا = له بـميـدان الأجواد أسبقـيّـه
كريم إبن كريم إلى لفـيـته = دلاله والمه والـنـّار حيـّه
حكيم إبن حكيم إلى نصيـته = تهون المشكله لو هي قضيّه
وإذا للنِعم بأهل النِعم حسـبه = أبو خالد يحوز الأكثريّه
وأنا أفخر به .. ولا هانوا خوالي = هـل الطولات والكف النديّـه
و سالم يمدحه طبعه و فعله = ومواقف واضحه ماهي خفيّه
وشـعري مايوفّي ربع حقّه = لو أسوق القصايد سـرمـديّه
ولكن لاحـت الفرصه وأنا اللي = لي بصيد المواقف مقدريّه
أبارك له زواج إبنه وأبارك = لخالد ياعسى أيامه هنيّه
لخالد وأبـو خالد والرفاقه = أقدّم جملة أبـياتي هـديّـه
وبختمـها بـصلى الله وسلم = صلاة الله على ( طـه ) نبـيّـه

.
الشـاعر : عبدالله محمود المعيقلي البلوي

الجميل / رضا محمود المعيقلي



ياسلام عليك .. وعلى الشاعر المبدع والمتألق دائما / عبد الله محمود



نص جميل .. يليق بالداعي ..


نص .. كالمطر ... اروى قلوب الحاضرين .. وهنا الأعضاء


صح لسانه ..


محبتي


أسعد السحيمي