سر ياقلم واكتب على كيف ودي

*

الألق : سعود الرشودي

ونعم ونعم ونعم فيك

وأهلا بـ الشعر بقدومك

وأهلاً بمسآحآت الشعر الخصبه

أعدت ترتيب أوراق الذائقه كي تصبح على رأسها

صح نبضك وفكرك وكلك

وطن من الورد يُقدمُ نفسهُ لـ سموك


(:

سعود الرشودي

نرحب بك بين أسرة منتدى بلي ، بين إخوانك و أهلك

مصافحة و لا أروع جعلتنا ننتظر تواجدك دائماً

.

وفقك الله

ســر يا قلم واكتب على كيف ودي =وسطر معاناتي على البوك تسطير
واحرص على انك للمعااني تبدي= وتوضح المقصود من غير تقصير
واشرح لبو خالد خفيات سدي=وحاول تصور له عنا القلب تصوير
لجله من الغالين ويصون ودي= ويزيد من ينصاه شور وتباصير
عسى هواجيسي برده تهدي =وعسى بعد نظمي تجيني تباشير
أنا وربي عن حياتي أعدي= واشرب زلال إن كان بالوِرد تكدير
واطا على الكايد نهار التحدي= وأقبل بوجهي يوم يقفي بها الغير
وأقول : أناـ وافخر ببويه وجدي= من نسل ابن مشرف ـ رجالٍ بواتير
لو حلّها باليد يا طول يدي= ما همني لو في طريقي طوابير
لكن حنا ظهري وبيح بسدي= قلباً عصاني ما يعرف المعاذير
يا ما عذلته بالصبر والتصدي= وياما اتخذنا للجــلاده تــدابـيـر
وياما عن الغالين بينت صدي= لوكان رجلي ما تطاوع على السير
ماهو جفا لا شك صبر وتحدي =وما ودي أحني قامتي للغنادير
واليوم أشوف الحال فيها تردي= وكثر الصبر أثر على النفس تأثير
هاجس يجيب القلب وآخر يودي= وآخر يخدر مهجة النفس تخدير
ياابو زياد افهم كلامي وجدي= وحاول تدبرها إذا فيــه تدبير
ودي أعيش بخير لوهو بيدي= لكن على الضيقة حدني المقادير

أ / سعود محمد الرشودي




.

الشاعر الجميل / سعود محمد الرشودي


صح لسانك ..



وأقول : أنا وافخر ببويه وجدي
من نسل ابن مشرف ـرجالٍ بواتير


لو حلّها باليد يا طول يدي
ما همني لو في طريقي طوابير



ومليون نعم



نص جميل .. بل أكثر


نص كالمطر .. اروى المكان بالشعر ..


هنا .. أرى الجزاله .. من شاعر أجزم بأن له باع كبير في الشعر


قافيه عذبه .. ونص يضيء العقول


محبتي لك


أسعد السحيمي

أسعدني مروركم ....وردودكم وسام أعتز بحمله وأفتخر به ويحملني على التواصل معكم...دمتم سالمين...
اخوكم /( أبو لم ياء )

ألأخ / سعود محمد الرشودي


واطا على الكايد نهار التحدي
وأقبل بوجهي يوم يقفي بها الغير
وأقول : أناـوافخر ببويه وجدي
من نسل ابن مشرف ـرجالٍ بواتير


ونعم ونعم ونعم فيك وباالحموله الي انت منها وقول وفعل

صح لسانك وسلم بنانك يا أستاذ / سعود على ها القصيده الجزله
وماهي غريبه فأنت من بيئه متميزه با لشعر الجزل وبيض الله وجهك
وأسعدني تواجدك في وأتمنى أن تستمر في نثر ابداعك
بيننا ولا تطول الغيبه،،،،

وتقبل مروري ،،،،

أخوك/ زايد عوده بن موسى الزبني

سعود الرشودي

تحية جميلة

انت شاعر قادم بقوة تحمل معك الشعر والجزالة