تسيل دمعه 00 وتظما روح 00 وتجف ريق 000

ياشاطـــي الود

ياشاطي الود جيتك ماحسب انك غريق = حتى اجهد النفس موجك واتعب اعصابها
لقيت بحرك من العشاق يصفق صفيق = ماعرف لجة شكاويها من اعتابها
توحي لي اشكالهم هذا لهذا شقيق = مايختلف غير اساميها وجلبابها
تسيل دمعه وتظماء روح وتجف ريق = والفكر شارد واناملها تحت نابها
وياكثر ماعذب العاشق غرام العشيق =وياقل ماتسلم العشاق بارقابها
جيتك وانا بالهواء والود خبري عتيق=والمستجدات ماني حاسب احسابها
طولك وعرضك ومدك والعرى والعميق = الظاهر اني نسيت الاخذ بسبابها
ذكرت حاجات راعيها يغيب ويفيق = شكيت بأمري وانا ماني من اربابها
سلام ياللي خيالك زين واصلك عريق=تهديك نفسي تحاياها وترحابها
بعدك يحمل عضود القلب مالايطيق= والعين تشفق على رؤياك بغيابها
يازين لونك على قلبي بعينك تويق = تنظر علامة مقاديرك وترضى بها
ياساعة الضيق ساعة الفرج بالطريق =الى اجتهد في دعا الرحمن طلابها
من حكمة الله مايجعل ورى الضيق ضيق= شده تعدى ورحمه ناخت اركابها
عزالله اني لقيت الصبر نعم الصديق = ياسرع من عند ربي فكة ابوابها
يالله ياللي أمرت الطير يجمع رحيق = ويداوي العله اللي عازت اطبابها
تجمع مابين القلوب اللي هواها حقيق= ماتهتني بالحياه الا مع احبابها

اقراء واقتبس حتى اقتبستها كامله لان كل بيت يقول انا


وليس بغريب هذا الجمال وهو موقع بإسم لا يأتي إلا بالجميل الاجمل



صح لسانك وكلك يا إستاذ


لك الود والتقدير والتخيه

السلام عليكم ورحمة الله وبركاتة

ابداع لاعدمنا جديدك يابو كرم

كل مااقرا شطر اعود من الاول واقرا

ربما تكون بدايه شاعر جديد عليه ان يلعب

بالدفاع ويكتفي بثلاثة اهداف

اخي /حامد راشد لاتعليق

انا ابو ماهر

صح السانك شاعرنا القدير عيد قيضي

صح لسان الشاعر الجزل ابو كرم

قصيده دره من درر شاعرنا الكبير

الله يجعل كل ايامك هنا وسعادة وفلة حجاج

خالد خلف السرحاني

الله يحييك اخوي الغالي

شرفتني بحضورك

عبد العزيز سالم الوابصي

حياك الله اخوي الغالي

ولك الشكر والتقدير