تسبيح الاماني

للحياة اغصان للاحلام غيمة = تمطر الدنيا بتسبيح الاماني
والدعاء نور القلوب المستضيمه = لاتبلل بالخشوع المودماني
من وقفت اليل ودموعي يتيمه= حايره بالروح من عز تعصاني
لين قلت العز ماله اي قيمه = كيف مابكي واحدن قبلي بكاني
وانفتح صدر الجروح المستديمه= علقم بروحي وعلقم في لساني
خابره والله مايرضى الظليمه = واذكر اني كنت في حبه اناني
مادريت اني مدلل في نعيمه = لين رب الناس بفراقه بلاني
والندم لوهو سفر عشت بجحيمه = رحلتن خانت مراكبها المواني
وين اروح وكل خطواتي سقيمه = والامل اعطيه يوم الله عطاني
وانت ياللي ممتلى عفه وشيمه = باح سدي ليت تسترني المحاني
ردلي ... هالعمر يالمحبوب غيمه = ماتظلل من رحلت انسان ثاني

الشاعر الجميل / سطام مشهور

صح لسانك ..

شاعر غني عن التعريف ..

ونص اضاء المكان بجماله ..

لله درك ..

كم اعجبني هذا النص وكم اسعدني حضورك بيننا ..



وقفه مع هذه الابيات




من وقفت اليل ودموعي يتيمه
............. حايره بالروح من عز تعصاني


لين قلت العز ماله اي قيمه
........ كيف مابكي واحدن قبلي بكاني





صح لسانك ..

ونطمع بالمزيد ..

محبتي لقلبك

أسعد السحيمي

صح لسانك يابن وايل

.


هنا أجد سطام مشهور على غير العاده . . شعرياً


سطام إنسانياً . . إنسان يحمل روح شفافه . . لدرجه تظهر ما بين أضلعه بكل وضوح

شعرياً . . كان سطام بعيد عن روحه الشفافه . . قريب من عقله المكتنز بالفكر والأدب

هنا . . في هذا النص كان سطام . . هو سطام مشهور بكل تجرد وتلقائيه . .

لذلك بدء جميلاً طاهراً صادقاً . .

جمال . . وروح تبعث الحنين في الشعر المصلوب على جذع " التقليديه" المزعومه . .

سطام هنا . . كان كالعشب الأخضر الذي يضهر من بين جدران بيت قديم إمتلئ بالهجر وفاض بالحنين ..


شكراً على كل ما هنا يا سطام






.