قســــم خآص للـكآتــبــة { بــحـــور } ...!

بعد ثلاث اشهر
الأشياء الايجابيه الي حصلت
1_اتغيرت حالت ذكرى للأحسن
والفضل لله وحده ثم بمساعده الاخوات والايتام نفسهم؟ بتسئلو كيف؟شي بسيط كل ماهنالك انا نبهن عليهم يتوددو لها ويخلوها تشاركهم اللعب
2_صاروالاطفال متعلقين فيني لحد الجنون
3_طلال انا المسؤله عنه ابدله واحممه يعني هو لي أنا لحالي وصارو ينادوني ام طلال
طبعن زيارتي لهم كانت فتره الصباح وف يوم جاني علي
علي:يمه ثاني مره ماتجي الصباح
بحور:ليش يمه
علي:الصباح نكون بالمدرسه يادوب نجي ساعتين وتروحي مانبغا كذا
سطام فهد عزوز :ايوه يمه تعالي بالعصر
عزوز:ونامي عندي
فهد:لاعندي
بحور:خلاص انابشوف اخوي واذا وافق راح اجي خلاص
علي:ان شاء الله يوافق
بحور:قولو يارب
الجميع:يارب
روحت البيت وبعد اقناع وجلسه طويله وافقو اهلي
لحظه نسيت نقطه اكيد بتقولو بحور انتي حكيتي فبداية قصتك ان مالك دخل مادي هنا الجواب
السر هوجدتي
(ام الخيرههههه)
كل اربعاء وخميس يجون خالاتي وعماتي الي تجيب لها كرتون بسكوت والي تجيب عصير والي كيس شبس وجدتي توزع علينا وعلى عيال خوالي الصغار ومن يوم ماجيت الجمعية وانا ناشبه فيها كل ماجبو شي ووزعت علينا ما ارضى بحبه (افكر بعيالي)
بحور:ياجدتي عطيي14حبه لعيالي
وبما أن الكرتون فيه 24حبه فمايبقى شي لعيال خوالي فيظطرو يقسمو كل حبه بين اثنين
اول مره عطتني برضاها والثانية برضاها والثالثه صرخت على خالاتي
جدتي:اسمعن من اليوم ورايح ان جبتن لي احسبن حساب عيال بحور جيبو لها كرتون مثلي
ههههههه وه بس ياحليلها جدتي اثاريني مجننتها
ومن بعدها صار لي نصيب من الغنايم
المهم اليوم الثاني فاجئةالاطفال بحضوري وقت العصر فرحو مره بعدالمذاكره نطلع ونلعب
وبصراحه جو المساء روعه واحلامافيه وقت النوم
انابالنسبه لي الكبار(علي_سطام _عزوز_فهد) مايتنازلو عني ويقهرو اخوانهم اني دايم عندهم
وطبعن ماادخل غرفتهم الاوطلولي معي
اجلس احكي لهم قصص ونتكلم عن امور الدين
طبعن اتناقش معهم ع حسب سنهم نفرش بالارض واكون متربعه وهمه متوزعين حوالي كل واحد معه مخدته وبطانيته اشكالهم تجنن كذا
نسيت نقطه ثانيه(عدت فتره علي كان يضايق اختي سديم بقوه مو يضايقها لا يعني يحب ينكد عليهاويخوفها ليش مادري)
المهم كانو حاطين روسهم بحضني علي وفهد وسطام وعزوز واناكنت اقص عليهم ويدي اليمنى امسح فيها روسهم واحد واحد
سديم جت جنبي وهمست بأذني:بحور لاتتحركي ابمسح ع راس علي نفسي امسح راسي عليه
كسرت خاطري وهزيت لها راسي بالموافقه وكملت قصتي لهم
وهي مديت يدها بشويش واقبل تاصل له رفع راسه وهو رافع حاجب
بحور:هههههههههه
سديم:هههه انانفسي اعرف علوي ليش انت تحب تضايقني وماتخليني اجلس عندك ولا العب معك
سكت علي فتره وقعد يطالعهابدون مايتكلم وبعدها
علي:اقولك ليش
سديم: ايه قولي نفسي اعرف
(انا كنت ساكته واتابع نقاشهم وبصراحه شدني اسلوب علي ونفس الوقت أبعرف ليش يعامل سديم كذا ونربط لساني من رده)
علي:لأنك من اول ماجيتي عندناسلمتي عليهم كلهم الا أنا ليش؟؟؟؟؟؟؟؟
سديم:دمعت عيونها ياويلي علي والله ماقصدت
بحور:علي حبيبي ماماسديم كانت مستحيةمنك عشانك كبير يمه والحين تعودت عليك
سديم:نطت لعلي وضمته وهو عادي تركها وماطردها زي اول وكانت تصيح وبعدين تضحك وترجع تصيح وتضحك
عزوز:ماماسديم مجنونه تضحك وتبكي
الكل:ههههههههههههههههههه
انتهى اليوم بعد ما
تصالحو علي وسديم
ووعدته سديم بكره تجيب له ليز كبيره وحمضيات وحلاوه(وام ام اس )كل هذا رضاوه عشان يسامحها
نامو وشلتهم بأسرتهم واستودعتهم الله
واخذت طلول حبيب قلبي لي فتره اضغط علي اهلي ياخذوه عندنا ويرفضو
(قبل فتره لمحت وحده من المشرفات ان الصغار الي مثل طلال وسعيد مايطولو يجو ناس وياخذوهم يرضعوهم مع عيالهم ويصيرو اهله)
ومن بعدها وانا اضغط ع اهلي لاكن مابيدي حيله
واستمرت حياتي معهم ع هذا الحال وحبي لهم كل ماله يزيد فيوم استوقفتني وحده من الموظفات :بحور لوسمحتي ابيكي بخدمه
بحور:ابشري
الموظفة:تسلمي بحور بصراحه اناموضوعي متعلق بعلي
بحور:خير ان شاء الله
الموظفه :علي جاي من المدرسه متضايق مادري وش فيه حاولنا نكلمه ومايرد ع احد وبما انهم يحبوكي حاولي تعرفي ايش مشكلته
بحور:حاظر هو وين الحين
الموظفة:بالسيب الخلفي
بحور:انارايحه له الحين
طلعت من عندها وتوجهت لسيب الخلفي كان جالس عندالزرع ويحفر له باين انه متضايق مره
بحور:علوي انتا هنايماما وانا جالسه ادور عليك تعال سلم علي يمه
عانقني حسيته تعبان وانا ومابي ابين له اني مرسوله
ابيه لحاله يفضفض لي
بحور:علي الجو حلو شرايك ماما نطلع انا وانت لوحدنا بالسطح
هز راسه وجلسنا فوق
بحور:علي اناامك حاسه ماما انك متضايق قولي حبيبي ايش مضايقك
علي:يمه قولي لمامانوره (المديره)تشيل اللوحه ماابغاها تكون فيه
بحور:ليش ياماما
علي:اصحابي يمه والي بالباص كلهم قالو لي يمه
بحور:وش قالو
علي:يمه انا عارف اناماعندي ام ولا اب عارف ماله داعي تكذبو
بحور:علي تبغاني ازعل منك
علي:هزا راسه بالنفي
بحور:خلاص اناقلت لك انا أمك بعدين ياماما اناموقلت طنش كلامهم وتوكل ع الله الله معاناودايم يشوفنا
ياماما الرسول صلى الله عليه وسلم قال(اناوكافل اليتيم كهاتين فالجنه)
علي:يعني حنا نروح الجنة
بحور:لما نؤمن بالله ونتوكل عليه ونحافظ ع الصلاه ونبتعد عن السيئات ندخل الجنه بإذ الله
الحين ماما طنش كلام اصحابك
وتعال معي ننزل تحت ابغا اتغدا جيعانه
علي:اناكمان جيعان
بحور:ياسلام اناوش قلت قبل كذا ماقلت لازم نتغدى
تبغاتزعل مامامنك هاه
علي:لاخلص الحين بخلصه كله
بحور:ايوه كذا
نزلنا وتغدا علاوي وبعدها لعبنا وجلسنا جلسه كبيره احناوالحاضنات نقول قصص والاطفال معانا
روحت البيت واناتعبانه ارجولي تعورني من الركض صليت ودعيت الله ونمت ورئيت منام
(رأيت اني وافقه وعلي واقف جنبي ضامني واقوله هاه يمه مبصوط اني معكم يرفع راسه وهم مبتسم ويقول ايه ويرجع يضمني واقول ماراح اخليكم يمه)
الظهراتصلت ع مفسرالاحلام٠واخبرته بحلمي سألني :عن علاقتي بالطفل فأخبرته
الشيخ :ماشاء الله الواضح لي بان الله قد يفرج هم كبير عنك بأذن الله
حمدت الله
اللهم لك الحمد ولك الشكر
قمت وتجهزت لعيالي وجهزت الاغراض الي باخذها معي
جيت وكان فيه اجتماع ونادتني المديره :بحور تعالي
(بصراحه خفت لان بعض الموظفات كانو يتضايقو من تعلق الاطفال فيني من بين الجميع وخفت احديكون ناقلها شي غلط)
اناماسويت شي غلط اناكل الي سويته تركت اسلوب الامروالنهي وحكمت عقلي وعاملتهم كأم
أم تخاف ع ابنائها
ام تدافع عن احق ابنائها
ام تسعى ان يكون ابنائها ع احسن وافضل حال
دخلت الاداره وكانت المديره توبخ بعض الحاضنات خصوصا" المسؤلات عن الاطفال تحت سن السادسه فقد اصبحت ترا بعض التمرد والالفاظ وعدم الاحترام
احسست بأني سأكون التالية بعدهن
فقمت اتحدث مع نفسي (بحور انتي مافعتلي شي خاطئ خليك واثقة من نفسك )ايه اناواثقه من نفسي
انتبهت ع صوت المديره ونظرات الموظفات لي فرددت بسرعه
بحور:هلا
المديره:بحورالله يعطيك العافية بصراحه الكل اثنى عليك وعلى عملك
بحور من اليوم اعتبري نفسك بوظيفه رسمية وراتب ثابت
فرحت كثيروتذكرت رؤيا الامس سبحان الله الوظيفه كانت اكبر هم شايلته يارب لك الحمد تصدقون كنت اتسلف كثير لجل اوفرلهم الي يبغوه والحين صارلي راتب معناته بقدر اخذهم للألعاب وامشيهم معي براتب من تعبي وشقاي يعني مافي شي اسمه سلف بعد كذا
بحور:الحمدلله مشكوره استاذه نوره
المديره:العفو حبيتي تستاهلي كل خيربس بحور انابكلفك بمسؤليه ثانيه راح اسلمك القسم الي تحت (فهودوصالح ناصروصلاح)==>الله يحفظهم بيطلعون لي قرون هههه
بحور:ايه استاذه نوره بس الكبار راح يزعلو
المديره:ماعليش انابسلمك
هالمهمه والكبارخلص كذا همه تمام التمام
بحور:انامابقول مابي الصغار انا بس ابيكم ماتمنعوني من الكبار
المديره:مو مشكله لاخلصتي شغلك من الصغار تقدري تروحي للكبار
بحور:ابي ع طول اكون معهم كلهم
شوي دخل ناصر مامابحول(مامابحور) وجايجري نزلت لمستواه ورفعته وطبع قبله ع خدي وانا رديتهاله بالمثل
المديره:خلص ماعاد فيه نقاش وشهد شاهدا"من اهله هذا ناصر جاكي
بحور:مو حبن فيني الايبي الي بالشنطه
الجميع :هههههههههههههه
المديره: خلص كل وحده تروح تشوف شغلهاومابي الأخطاء تكرر وانتي بحور خوذي عيالك وابدئي فيهم من الأن ولاتطلعي فوق
بحور:حاضر
اخذت ناصر وقبل لادخل قسمهم اصواتهم واصله لبرا واسمع صوت خبط وتكسير
تنهدت وسميت بالله ودخلت
بحور:السلام عليكم
فهود:جت ماما جت يمه جبتي لناحلويات
ناصر:ماما بحول نام عندنا(ماما بحور بتنام عندنا)
صلاح:صدق يمه
ناصر:الا سح وناضر فيني سح ماما
بحور:صح يماما
صالح:اناحبك ماما
بحور:وانااحبكم كلكم
نزلت تحت بالارض وجلستهم حوالي وجلست اكلمهم
بحور:امممم انتو تحبو ماما
الجميع:ايوه
بحور:طيب الي حب ماما ومايبغاها تزعل منه مايسوي حاجه غلط
فهود:حنامانسوي غلط صح صلاح
صلاح:صح
وصالح قاط معهم وقال:صح
بحور:حرام ماماالكذب شوفو مين الي حوس الغرفه
وبدا كل واحد يحطهافالثاني

صلاح:صح
وصالح قاط معهم وقال:صح
بحور:حرام ماماالكذب شوفو مين الي حوس الغرفه
وبدا كل واحد يحطهافالثاني
بحور:ياماماخلاص المره هذي انامسامحتكم ماتعودوهاثاني
الجميع:خلاص
بحور:شفتو ماماعايده(مسؤله النظافه) مسكينه ترتب وتنظف وتخلي كل حاجه نضيفه واحنا نخرب مايجوز كذا
فهود :خلاص يمه مانعودها
بحور:طيب اشرايكم نساعد بعض ونرتب الغرفه عشان لاجو ضيوف يقولو ماشاء الله هذول الاولاد مرتبين ويجيبو هدايا
وكل واحد قام يشيل شي وانا اشيل الأشياء الثقيله واعدلها
وبدقايق خلصنا
بحور:شفتو ماما ماحلو كذا شفتو كيف طالعه تجنن غرفتكم
صلاح:ايوه
بحور:قومو ابصوركم عشان اوريها صديقاتي واقول شوفو عيالي مؤدبين جيبو لهم هدايا
لماكنت اصور انفتح الباب بقوه وعضيت شفايفي وانا اشوف الي داخلين ومعصبين وانا وعارفه ليش(علي:سطام:عزوز:فهد)
علي:ليش يمه
سطام:صدق بتجلسين عندهذول وتخلينا
بحور:لاماما من قال اناوعدتكم مابخليكم
فهد:بس انتي عندهم بالله ليش هاه
صلاح وفهود لقو لهم وسيلة تسليه وجا وقت انتقامهم منهم وقامو يقهرو الكبار
صلاح:اناه ممابحور عندنا ياحرام
فهود:احسن وجابت لناهداياويغمز لصلاح صح صلاح
صلاح: ايوه
فهد:شفتي شفتي يمه
:بحور:ههههههه حبيبي الاستاذه نوره قالت لي اصير عندهم عشان شقاوتهم
لازم ماما اكون عندهم
سطام:خلص انابصير شقي عشان اصيرمعك
بحور:لاماما لاتزعلوني منكم بعدين انامعكم ع طول راح نلعب مع بعض ونسوي مسابقات عادي ماراح يتغيرشي
والحين اطلعو البسو جزماتكم (تكرمون)عشان ننزل بالحديقه ونعلب لعبة الكنز ترا جبت الكور الي نخبي فيها الاوراق يعني الحين اتحداكم تفوزو
طلعو وكل واحد يسبق الثاني تنهدت وخلصت عيالي الي انامسؤله عنهم وطلعتهم وجت كل حاضنه واطفالها
جاب علي طلال ياويل حالي كيف نسيته
اخذته وبوسته وقد يضحك وحطيته بحضني
البنات يقولو انه يشبهني (تمنيت امي وابوي ياخذوه ويعيش معنا ع طول لاكن مابيدي لاحول ولاقوه واكره شي اسمع هالكلمه ....الناس ايش تقول؟؟احنا مالنا ومال الناس شي انت مقتنع فيه وعارف انه صح سوه واجرك ع الله قولي وش بتاخذ من الدنيا غير عملك هذا حنا نشوف حكام وملوك وفقرا وأغنيايموتو وتركو مو مليون بلايين كان حريص يجمعها بالدنيا لاكن اليوم جاته سكرت الموت وماعاد تنفعه بقبره تصدقون انا استغرب حال بعض الناس عندهم خيرات ونعم وماكلف نفسه يكفل يتيم ولا يساعد اسرفقيره ماراح يخسر شي اجره يكون مضاعف وهالشي نقراه يوميا"فكتاب الله لاكن القله من يطبق)
جابو وجبه العصر كانت شبس وعصيرالموظفة تنادي كل حاضنه وتعطيها ع عدد الاولاد الي معهاونادتني واخذت (لفهود وصلاح وصالح وناصر)
ورجعت للفرشه كان جالس جنبي فهد وسطام يركبو اللعبه الي معهم
ناديت الاطفال الي مسؤله عنهم
بحور: وين عيالي ياالله تعالو ناكل الوجبه
وسمعت الي بجنبي يتكلمو
فهد:سمعت سمعت ياسطام شف قالت وين عيالي يعني خلاص تصير معهم ع طول
ولفيت لجهتهم شفت سطام عابس وفهد رافع حواجبه
(فهد فيه طبع يحب يتملك الشي)
(وسطام غيورويغار بقوه من خوانه واحسن شي يقول الحق ومايخاف من احد)
ناظرت فيهم
بحور:سطام
سطام:اكتفى بظرات
بحور:ايش ريكم نكلم ماما نوره
وانقنعها تروحومعي حديقه الالعاب ونقعدفيها لساعه٨ونص ونجي
(كنت ابي اشيل الافكار الي بدت تعشعش براسهم)
سطام:دقي الحين
فهد:يمه تاخذين عيالك معنا
بحور:ههههههه اكيدباخذكم فهد ياماما كلكم عيالي الاسبوع ذا باخذك انت وسطام وعلي وعزوز
والاسبوع الي بعده اخوانك الصغار اتفقنا
الجميع:ايوه
واتفقنا ايش بنقول بعدهااخذت الجهاز ودقيت ع المديره
بحور:مرحبا
المديره:هلابحور
بحور:هلابك احم فيه ناس يبغو يكلموك
المديره:مين؟؟؟
سطام:يمه
المديره:هلاحبيبي مين انت؟؟
سطام:انا سطام يمه
فهد:وانا فهد
المديره:هههه ايش عندكم
سطام:نبغا نطلبك طلب
المدير:ايش هوه؟
سطام:اول قولي اناموافقه
فهد:ايوه يمه قولي بش لا أآ بش ؟؟مامابحور ايش الكلمه نسيت كنت ابقول بشير
المديره+بحور:ههههههههههه
بحور:قول قولي ابشر
فهد:ايوه هيه نفسها
بحور+المديره:هههههههههههههههههه
المديره:طب قولها قول ابشر
فهد:ابشر
المديره:ابشرو ايش تبغو
سطام :نبغا نروح مع مامابحور الالعاب من الحين لين نتعب
المديره:حاظر بس عطني بحور
سطام:خوذي ماماتبغاكي
بحور:هلا
المديره:مين بتاخذين ؟
بحور:باخذ عيالي الي حشرتوني عنهم ساعتين وقالبين الدنيا فوق تحت
المديره:هههه ماعليه بيتعودو
بتاخذي الاطفال الباقيين
بحور:لاهمه برتب لهم وقت ثاني ان شاء الله
المديره:خلص بس ع الساعه 8ونص تكونو هنا
بحور:اوكيه يعطيك العافيه
قفلت وحصلت سطام وفهد مو بمكانة توقعته راح يلبس
وخاب توقعي وانا اشوف الجيش الي جايني وفهد وراهم يضحك اكيد فهد قايل لهم
بديت اضحك احبهم ياناس احبهم في زعلهم و برضاهم
صلاح:ليه يمه تاخذينهم
فهد:احسن
فهود:اصلن هي حقتنا مامانوره قالت
وقطعت كلامهم قبل مايشتد النقاش
بحور:بس يامامااسمعوني
فهود وصلاح وناصر وصالح انتم الاربعا الجاي اخذكم نروح رحلتين خلاص الحين باخذ الكبار بس عشان السياره صغيره وراح اجيب لكم الي تبغوه (كان سهل علي أقناعهم بس البنات انامقصره معهم بالطلعات ماقداخذتهم معي نهائي)
بحور:اماني وريم روحو جهرو حالكم بتروحو معنا
ريم:شكرا ياعسله ياقشطه ياقمره ياحلوه(هذي دايم تقولها لداخل والطالع)
اماني:شكرا"يمه
بحور:عفوا"ياالله بسرعه معكم خمس دقايق اماني جيبي معك عباتي وشنطتي
اماني:حاضر
وناديت فهدوصلاح وناصر وصالح وعطيتهم نصايح قبل امشي لاتهاوشو اخوانكم وحترمو امهاتكم واذا وحده دقت علي وقالت مايسمعو الكلام ماراح اجيب لكم شي
وسجلت ايش الي يبغوه وقالو لي اخبيها فمكان اذاحصلتهم نايمين
ركبنا مع سايق توصيل سعودي
علي وسطام قدام والباقي ورى
وكان الله يصلح حاله حاط اغاني
واناماقدرت افتح فمي بكلمه
لاكن هيهات عزوز يسكت
عزوزبصوت عالي:يمه حاط اغاني
وانا ساكته
عزوز بصوت اعلى
يمه شوفي هذا حاط اغاني
حرام الله يحطه بالنار
وقام يسكر اذانه بيده وكل الاطفال سوو مثله
السايق انحرج وسكر التسجيل ع طول
(واناكاتمه ضحكتي وعاجبني الي سواه عزوز )
دقايق وبعدها طلع السايق بكت دخان
لو الحيا تكلمت مابيه يسوي ذا الشي قدامهم وانا شايفه نظرات علي وسطام متجهه لسايق
واول ماعزوز شم الريحه :يوه بعد دخان حرام الله يحطك بالنار انت ماتفهم
يمه شوفيه غبي قولي له يمه حرام حرام
(فديت عزوز ههههه)
وعلى طول رمى السايق الدخان
وبقلبي اقول السايق ذا بيتوب بعد كذا يمر من قدام شارع الجمعية بعد كذا
وصلنا ونزلنا واعطيت علي يدفع عشره لسايق وراح
اعطيتهم نصايح محد يبعد عني والالعاب راح نلعبها كلها الالعاب هناغالية ارخص لعبه سعرها لشخص الواحد6 ريال وهي للاطفال الي تحت سن 6سنوات والالعاب الباقيه 2ريال وانا جايبه 6من الايتام وسبق وقالو لي البنات انهم راحو يكلمو الاداره عشان يسمحو يلعبوهم مجانا"أو يخفصو السعر عشان نقدر نلعبهم لاكن رفظو قالو بس التأهيل الشامل مجانا"(ماعتقد السوق راح يخسر ولا الأله راح تخرب وتنكسر لو لعبو طفل يتيم مجانا" !!!)
المهم كان معي 500ماخذتها سلف 350لعب ومشتريات والباقي عشى خفيف
لعبو وانبسطو وخلصت فلوس الألعاب
بحور:تعالو نجلس عشان نطلب عشى ايش تبغو بيتزاء ولابرقر
سطام:لايمه مانبغى نبغى نلعب
علي:ايوه يمه
بحور:يماما خلص ماعاد بقى الا فلوس العشاء
علي:مانبغى نتعشى تبغو تتعشو ولاتلعبو
كلهم:نلعب
(مستحيل احرمهم من الوناسه بس لازم يتعشو طاحت عيوني ع اسم محل وعرفته ع طول وجت في بالي عبير)
عبير وحده من صاحباتي تشتغل مندوبه لنفس الشركه والدها توفى منذوثلاث سنين
بحور:مرحبا عبير
عبير:ياهلا بحور
بحور:اي نعم
عبير:كيفك ياشيخه كيف دنياكي
بحور :تمام الحمدلله عبير احتاجك بخدمه
وحكيت لها القصه
بحور:ابيكي تكلمي الشركه يعطوني 200من نسبتك عندهم وانا نهايةالشهر ارسلها لكي
عبير:ابشري والله دقايق وادق عليكي
انتضرتها
ورن جوالي
عبير:بحوره روحي المحل وخوذي المبلغ ووقعي ع اوراق سند قبض
بحور:الله يجزاكي خير مشكوره عبير نردها بالافراح انشاء الله
عبير:تسلمي بحور متى تروحون
بحور:ساعه ساعه ونص كذا
عبير:خساره كنت ابجي واشوفهم ياالله الجايات اكثر
بخليكي الحين واذا روحتي اتصلي احتاجك
بحور:ع خير ان شاء الله
الساعه 9 اكون فالبيت 9ونص اتصلي
عبير:اوكيه خلاص
رحت المحل ووقعت واخذت المبلغ ورجعت لعيالي الي اول ماجلست وقبل اتكلم قامو وحبوني ع راسي واحد واحد!!!
علي:شكرا" يمه
بحور:عفوا" حبيبي بس ع ايش
سطام:انتي دقيتي ع صديقتك واخذتي فلوس على شانا
بحور:فديتكم ياالله طيب قدامي نكمل لعب وبعدها نطلب عشى لنا ولأخوانكم خلاص
الجميع :ايوه
خلصنا وصلنا البيت ع 9الاربع دخلت اشوف عيالي نايمين بوستهم واحد واحد وحطيت لكل واحد تحت مخدته هديه استودعتهم الله وطلعت ابي طلول اخذته وجلست واناتعبانه ومكسره تكسير لاكن التعب كله راج ببتسامه وحده من طلولي
جا الباص ورجعنا لبيوتنا
وسلمت على اهلي وبعدنص ساعه جوالي رن(عبير تتصل بك)يوه نسيتها دخلت جوا
ورديت عليها
بحور:هلاوغلا
عبير:هلابك هاه كيف عيالك
بحور:تمام فديتهم تصدقين عبير ودي انام عندهم ع طول
عبير: هههه يابنت خفي شوي ارحمي حالك
بحور:صدقيني عبير انا اول كنت اقول مافي شخص عاش الهم والحزن مثلي شوفي كم صار لي سنة وانا ادور ع وظيفه كم صار لي سنة وانا اعاني من وقت الفراغ والملل والضيقه
صدقيني عبير كل شي راح عني من اول ماعرفت هالاطفال رجعت بحورالاولى البشوشه صرت احكي لناس الي اشوفه
واسمعه اخاف تضحكي ع كلمتي احس اني صايره عضو فعال في هالبلد
عبير:ياحياتي كلك خير وبركه آآه يابحور لاتشكي لي عشان ماابكي لك والله للأن فاقده ابوي الله يرحمه لوكان عايش ماكان ذا حالنا
بحور:عبير اسمعيني هذا شي مقدر ومكتوب مالنا اعتراض ع قسمه الله وكلنا ماشيين بنفس الطريق وان شاء الله بنجتمع في جنةالفردوس الحزن مايرجع شي انتي مسؤله عن اخوانك واخواتك لاتبيني الضعف قدامهم ازرعي فيهم الخير
عبير انتي فقدتي ابوكي
وفلانه فقدت امها
وفلان فقدهم الاثنين
ترى حالكم يهون جنب غيركم
لاتطالعو فيني صدق الي بقوله
مات ابوك ولا امك ولا الاثنين
لك اسم لك عايله لك قبيله معروف نسبك فلان بن فلان الفلاني
غيرك لا
لانســـــــــــب
لاظــــــــهر
لاعــــــزوه
ققط
اســــــم
اســـــــــــــــــم فقط هو الي يحمله احمدي ربك واشكريه
عندك نعمه غيرك يتمنى يملكها
عبير:الحمدلله والشكر صدقتي والله من شاف مصيبه غيره هانت عليه مصيبته
الله يجزاكي خير بحوره
بحور:دعواتك ياقلبي
عبير:الله يوفقك بستأذنك بحور بجهز عشى اخواني موتقاطعيني دقي عاد واذا احتجتي شي انا حاظره
بحور:مشكوره ياقلبي ابي سلامتك في امان الله
عبير:في امان الله
قفلت من عبير وانا استرجع شريط حياتي
غريبه كيفها الدنيا تجمع ناس وتعبدناس...
غريبه احوالهابالحيل تحير من سكن فيها ...
تحاكي من نساهاوراح وانا بالمشاعر جاس...
وتهمل في سؤال الي قضى عمره يحاكيها ...
غريبه ليه تبخل دوم على من حبها بأحساس...
وتجزل في عطاياه لناس مادرو بيها...
غريبه حيل هالدنياصعيبه تكتم الانفاس...
ندراي طبعها لاكن عجزنا كيف نرضيها...
يادنيا كيف نرضيكي وندمح ثورة الهوجاس...
ونوقد بالامل ضيك على دربك ونضويها ...
يادنيا ليه مايكفي على مرك شربنا الكاس...
ولايكفي على ضلمك تحملنا مساويها...
الاياقلبي الموجوع الايافكري المحتاس...
الا وش حيلت العاجزليا زمة بلاويها...
نعم لاباس ياقلبن تجرع بالهوى لاباس...
تصبر واصطبر واصبر عسى بالصبر نبريها...
تصبر واصطبر واصبر عسى بالصبر نبريها....
(شتان بين حياتي قبل وحياتي الأن اول ياأسه محطمه والأن كلي امل وتفائل املي بالله كبير)
هذه الدنيا فلا تهتم.. ابهج ناظريك بألون الطيف تجد نفسك سعيدا.. أدر ظهرك للشئ الذي يتعسك.. ابتهج.. ابتسم.. غيّر من نمط حياتك.. تجد الدنيا تبتسم لك.. اجعل الشئ الذي يكدرك.. من توافه الأمور.. واستخدم الوان الربيع تفتح لك ابواب السعاده





/


الى هنا اختم الجزء الثاني
اعذروني ان قصرت بدات بكتابتهايوم الاثنين بتاريخ٢٣/٧ وانهيتها ٢٤/٧
المواقف كثيره اعدكم ان اعطاني الله عمر بان اسعى جاهده لكتابةجزء كامل
اعذروني ان اخطئت وتقبلوا تحياتي
أم طــــــــــلال
استودعكم الله الذي لاتضيع ودائعه
بحــــــور
>>>>>>>>>

بسم الله الرحمن الرحيم
هذا الجزء الثالث والأخير لروايتي اللقيط ولا تحرموني من ردودوكم وانتقادتكم دمتم بود
------------------------------
بحــــــــــــــــــــور

سرتني جدا" ردودكم وانطباعاتكم عن روايتي الاولى وها أنا الان اضع بين يديكم تكملة الرواية
و(بسم الله)ابدأها


مازلت الى الأن اسعى جاهده ان اوفق في عملي مع الايتام كان امامي بعض العقبات استمريت فالبحث عن افضل الطرق المتبعه في التعامل
مع الاطفال واحدث الاساليب التي اثمرت بنتائج مرضيه
وفي صبيحة احد الايام وجدت في جهازي رسالة مضمونها أن هناك مسابقه ستقام في احدى المراكز النسائيه وسوف تكون هناك جوائز قيمه فخطرت في بالي فكره منها سأغرس في اطفالي أول دروس الحياه(التوكل على الله)



قال رسول الله صلى الله عليه وسلملو
أنكم تتوكلون على الله حق توكله لرزقكم كمايرزق الطير تغدو خماصا وتعود بطانا)

نهضت من فراشي وذهبت الى شقيقتي
بحور: سديم
سديم:نعم
بحور:خوذي اقري هالرساله
قرت الرساله وناظرت فيني سديم: تبغي تشاركي؟
بحور:بأذن الله
سديم:ودوامك بالجمعية؟؟؟كيف تروحين ؟؟ومتى يمديك تطبخي
بحور:خليني اوضح لك
سديم: قولي
بحور:انا حابه اشارك فطبقين مو طبق واحد
سديم: ؟؟؟؟؟؟
بحور:بشارك فطبقين واحدبأسم عيالي والثاني بأسمي
سديم:طيب والهدف
بحور:اهداف ياسدومه مو هدف واحد
سديم:وضحي
بحور:هذا ياستي اول خطوه بسويها بستأذن من مديرة الجمعية واطرح عليها الفكره بما انهامسابقه راح اجمع عيالي طبعن الكبار وهم
علي وسطام وفهد وعزوز واماني وريم واخبرهم انا نبي ندخل مسابقه وبنتعاون فيها وبنجتهد والتوفيق بيد الله
وقت المسابقه بستأذن واخذهم معي بما انا مشاركين فطبقين فواحد منا راح يفوز بأذن الله وانتي واثقه بطبخ اختك
سديم:ياهوه ياواثق ههههه
بحور:ايش رايك
سديم:حلوه بس من وين بتبدري قيمه الاغراض لاتقولي سلف
هزيت راسي بأيه
سديم:ارحمي حالك بحور راتبك كله 1500
500أمي و500ابوي هذي الف راحت والي يبقى تسددي الديون الي ورطتي نفسك فيها اناكل ماتذكرت 4الي اخذيتها من ام صاحبتك وفكيتي هم ابوي من الدين بعد ما كذبتي عليه قلتي ذي مكافئه اعطوني اياها الشغل
بحور:بس سديم ياويلك احد يعرف والموضوع ذا قفلي عليه
سديم:لامو مقفله ابعرف ليه
بحور:سديم ابوي ربانا ع كذا ربانا على حب الخير ربنا ع مساعدت الناس لوبأقل شي فمابالك لمايكون ابوي بضيقه ماليه صعب سديم صعب والله صعب اشوف ابوي بهالحال وانامكتفه يديني
سديم:ايه بس مو كذا
بحور:اناراضيه بالي كتبه الله ياسديم اول كنت افكر كثير واتعب من التفكير
ومن تعرفت ع الايتام وانا نفسيتي مرتاحه راح تفرج بأذن الله راح تفرج بس توكلي ع الله
سديم:ونعم باالله
عم الصمت لدقايق وحبت سديم تغير الجو
سديم:صح نسيت ماقلتي ايش الاهداف يم الاهداف
بحور: ههههههه اسمعي ياستي
بحور:اذا تم الموظوع ع خير فالأهداف هي :
اولا"-ابغرس فيهم حب العمل
والاعتماد على الله وان الله هو الرازق المعطي
ثانيا"- هذا العمل بيشجعهم ع التعاون وبكذا بتقاربو الاطفال من بعض وبتروح الحزازيه الي بينهم لان هدفهم واحد هو الفوز
ثالثا"- بذكرهم بالأستغفار واحثهم عليه وابين لهم فضله وثوابه
رابعا"-راح اخبرهم من البداية في حالت الفوز وبأذن الله بنفوز الجائزه ماتزيد عن1 راح اتفق معهم يتفاسموها وماينسو اخوانهم الصغار يفرحوهم بشي بسيط
اما اذا خسرنا فماراح نخسرالاجربأذن الله ناخذ لنا شوي نتعشى فيه والباقي بخليهم يوزعوه ع اسر محتاجه وماراح اكسر بخاطرهم باخذهم السوبر ياخذو الي يبونه
وتوته توته خلصت الحتوته
سديم:الله يوفقك بس تعتقدين انهم بيستوعبو هالشي
بحور:قصدك انهم صغار؟؟ سديم:ايه
بحور:بالعكس ان احث كل ام تغرس باطفالها صفات الخير من الصغر وتجنيها لاكبر (العلم فالصغر كالنقش على الحجر)
الطفل سهل تشكليه وبتعاون الام والأب ع تربيته وتنشئته نشئه صحيحه ومع التكرار راح يعتمد ع نفسه ويكبر وهو عارف الصح والغلط
سديم انابقولك اخطاء صغيره جدا"يتهاونو فيها الامهات وضررها كبير
سديم: مثلا"
بحور: تخيلي هالمشهد
(ام يأتي طفلها يشتكي بتعبه من ارسال خاله أوخالته بأن يحضر لهم كوب مويا فتقول له لاتروح طنشهم أو تقول قول لهم اناموخدام عندكم!!!!!! وهي متجاهله هالخطاء الفادح الي سوته يكبر الطفل ويكبر معه هذا التفكير)
موالاحسن لو قالت(عادي حبيبي هذا خالك لازم تحترمه عطه المويا عشان ربي يدخلنا الجنه لازم نسوي حاجات حلوه وتبتسم له وتكمل كلامها والجنه حبيبي فيهاحاجات حلوه كثيره) راح يردد هالطفل هالكلمه كثيروعندكل موقف يشوفه بيعلق ع الي حوله أدا شاف شي صح بيقول:هذا صح ربي يدخلك الجنة اذا شاف شي غلط:يحاول يصلحه بالتنبيه :حرام هذا غلط مايجوز كذا بعدين الله مايحطنا بالجنة يحطنا بالنار)
(الله يكفينا واياكم عذاب النار)
سديم:بصراحه
بحور:ايه
سديم:كلامك خطير
لحظه بكلم الي يقرون قصتك قولو ماشاء الله لاتحسودنها
بحور:ههههه مو لدرجه ذي
سديم:الا شوفي شوفي شوفي عيون هذي الي قاعده تقرا
بحور:سديموه كذا بتهججين القراء محد بيقرا قصتي
سديم:لاعاد وش دعوه نمزح لحد يزعل مني
اقول بحور
بحور:هلا
سديم:كملي للقراء قصةالمسابقه واحكي لهم ايش صار
بحور:اوكيه بسم الله نبدا

الظهر رحنا الجمعية وتوجهت
سيده ع مكتب المديره وطقيت الباب
بحور:السلام عليكم
المديره:وعليكم السلام حياكي بحور ادخلي
بحور:ماعليش باخذ من وقتك دقايق
المديره:تفضلي
بحور:حابه اشارك في مسابقه افضل طبق بأسمي وبأسم الايتام وبما انك المديره والمسؤله الأولى جيت اخذ اذنك
المديره:لاعادي بس وين هالمسابقه
بحور:في مركز****النسائي
المديره:ومتى تكون
بحور:الخميس يعني بكره
المديره:بس الخميس عندهم رحله فاعل خيرحاجز شاليه لهم متكفل فيهاحتى نهايةاليوم
بحور:عادي انابحط الطبق باأسمائهم
المديره:اذا كذا عادي
بحور:ايه بس فيه شي ثاني
المديره:ايش هوه
وحكيت لها كل الي عندي وكل الي ابي اسويه
المديره:انامئيدتك الله يوفقك
وان شاء الله تفوزو
بحور:ان شاء الله ياالله عاد استأذنك بروح اشوف شغلي
المديره:اذنك معك تفضلي
وطلعت لعيالي وجمعتهم وحكيت لهم كل شي وكلن يدعي
فهد:يارب تفوزي يمه يارب
عزوز: يمه تجيبي لي حلاوه
بحور:ايوه وكل حاجه تبغاها
عزوز: يارب مامابحور تفوز
علي:يمه انابختار ع كيفي خلاص
بحور:ايه بس تاخذ اشياء مفيده
علي:طيب
اماني:يمه وانا وريم تاخذينا
بحور:اكيد
ريم:ياعسله ياقشطه ياقمره
بحور:ههههههههههه===>هذي جملت ريم لاكانت فرحانه
صلاح:يمه انا ابغا( بس بس)
بحور:ايش؟؟؟؟؟؟؟
صلاح:بس بس
بحور:وشو ذا
فهود:بس بس يمه ماتعرفينه
بحور:لا
علي:يمه يبون ببسي
بحور:ايوه قولو كذا
خلاص بنجيب كل حاجه نبغاها والي يبقى شوي نساعد فيه الناس
والباقي نشيله خلاص
الجميع:خلاص
بحور:عاد لاتنسو كل شوي
ادعو نفوز لأن ناس كثار يشاركو
سطام:ان شاء الله احنا الاولين
عزوز:يارب كلهم مايفوزو بس مامابحور تفوز
بحور:لاماما حرام فيه ناس محتاجين ماعندهم فلوس يجو يشاركو حرام تقول كذا
عزوز:بس انا ابغا افوز
بحور:ايوه ماما بس ماتدعي ع احد
عزوز:اسف خلاص يمه
بحور:خلاص ياماما

فالليل تعشو ونامو
واحنا رجعنا البيت كتب اغراض بورقه ووصيت عمر يجيبهن ونمت وفالصباح دقيت عليهم فالشاليه وتطمنت عليهم وذكرتهم فالمسابقه وقامو يدعو
بعدالعصر دخلت المطبخ وقعدت احوس وسديم كل شوي ناطه تشوف وش سويت
خلصت ع اذان المغرب طبقين الاول متعوب عليه والثاني شي بسيط الاول بكتبه بأسم الايتام والثاني بأسمي مايهم افوز اولا اهم شي طبقهم يفوز
اتحممت وصليت ودعيت الله ييسر امري ورحت اتجهز والبس
اخذني اخوي عمر ومشينا للمسابقه
وفالطريق دق جوالي (ام احمد تتصل بك)
بحور:هلا ام احمد
علي:مامابحور
بحور:هلاحبيبي علاوي!!
علي:ايوه
بحور:احد عندك!!
علي:ايوه يمه ام احمد اناقلت لهادقي ع ماما ابغاها
بحور:هاه يمه وش بغيت
علي:فزتي
بحور:لسى ماما الحين بدخل يطولو ياماما الساعه وحده يقولو النتايج
علي:طيب خبريني
بحور:بكره ان شاء الله اخبركم
علي:قاعدين يدعون كلهم حتى ماما بسمه وماماعايده ومامانوره كلهم يمه يدعون ان شاء الله نفوز
بحور:ان شاء الله يمه
علي:مع السلامه يمه
بحور:مع السلامه حبيبي
تنهدت وسرحت شوي انتبهت ان السايره واقفه وطالعت بالجهه اليمنى حصلت المركز سميت بالله ودخلت
استغربت الحديقه كانت شبه فاضيه غريبه ليش الناس قليله معقوله عشان الاجازات ايه بس مو لدرجه ذي يعني بالعاده تكون مزحومه
كملت طريقي ورحت لمكان المسابقه
وهناك تفاجئةماكان فيه الا أنا يعني انا الوحيده
الي تعنيت وشاركت؟
يوو اخاف يلغوها؟؟
حسيت بأيد تحركني لفيت وحصلت بنت وكانت ملعقه في رقبتها سلسله نهايتهاكرت وخمنت انها من الموضفات هنا
البنت:اسفه فجعتك
بحور:لاعادي متعوده
البنت:هههه انتي مشاركه فالطبق
بحور:ايوه كيف عرفتي
البنت اشرت ع الحوسه الي اناحاطتهاجنبي
بحور:يو تصدقين نسيتهن
البنت:هههههه الي ماخذ عقلك وغمزت لي
بحور:مو ماخذ عقلي الا هالمسابقه ابسألك مواليوم المسابقه٠
البنت:الا بس مافي احد شارك للأن انتي اول وحده
بحور:اخاف يلغوها
البنت:لاماأظن انتي وش ذنبك تعنيتي وشاركتي
بحور:معي طبقين واحد لي والثاني بأسم جمعية*****للايتام
البنت :الله يوفقك عطيني الأطباق بطلعها فوق
بحور:بساعدك
طلعناهن وانافرحانة معناته فايزين فايزين تذكرت دعوت عزوز وقعدت اضحك
البنت تناظر فيني منخرعه ع ايش انا قاعده اضحك
وشرحت لها الي حصل وقلت لها ذي حوبة دعوت عزوز
وقامت تضحك
خلصنا وجلست انتظر طفش لحالي جالسه مليت من الانتظار
وقعدت اتفرج بالرايح والجاي
وسمعت صرخه خرعتني
هنادي:بحووووووو ر
بحور:يمه
هنادي:هههههههههههههه
بحور:هناديوه ياوجع خرعتنيي
هنادي:ههههههههههههههههههههه آخ يابطني هههههههههه شكلك يفطس وانتي منخرعه هههههههههه يبغالك صوره
بحور:لايشيخه هذا بدل ماتسمين علي انتي وجهك
تعالي وش جايبك هنا
هنادي:هههههههههه ياحليلك والله انا امي تشتغل بالمحل هذاك واشرت ع محل بعيد ماعرفت اسمه لاكن واضح انه لبيع اكلات ساخنه
بحور:ايوه ماشاء الله زين انك جيتي طفشانة مره
هنادي:وين سديم عنك
بحور:هههههه سديم رحت وهي واقفه بالمطبخ تغسل حوستي ٠
هنادي:ماتستاهل وانتي ليه ماساعديتها
بحور:مامداني الوقت راح
واخاف اتأخرعن المسابقه
هنادي:لسى مااعلنو
بحور:لا
هنادي:غريبه باقي ساعه ويقفلو انتي ر
وقطع حوارنا صوت الميكروفون
(على الاخوات المتسابقات التوجه الى خشبه المسرح)
بحور:هنادي تعالي معي انتي استلمي حق الايتام اوكيه
هنادي:اوكيه ياالله
وطلعنا استلمناظرفين
واحد مكتوب الجائزه(الرابعه)
والثاني مكتوب عليه الجائزه(السابعه)
ماحبيت اناقش كل انسان وضميره طلعت
وبشرت اهلي وفتحت الاظرف وكانت الجوائز دورات ؟؟؟؟؟؟؟؟
مع ان الجائزه الأولى كانت مبلغ مادي !!
دورات كيف اتصرف دقيت ع المديره:هلابحور
بحور:هلا اسفه اتصلت بوقت متأخر
المديره:لاعادي هاه بشري
وحكيت لهاكل شي
وقلت لها ابي اذنك عشان اشوف اذا يستبدولها بمبلغ مادي وسمحت لي واعطتني الأذن
دقيت ع هنادي الي لسى فالحديقه وحكيت لها السالفه قلت لها وانتي طالعه شوفيهم واشرحي الوضع وشوفي بيستبدلوهالنا؟؟؟؟؟
وبعد ثواني دقت وقالت للأسف رفضو
صكيت ورجعت اقرا الظرف من جد وجديد حتى الدورات الاولى دورة تجميل وماتصلح لهم ابدا"
والثانية فوتي شوب ومحتاره اعطيهامين كان صعب اختار شخص واترك الباقي
يووووه
ارسلت مسج لكل صاحباتي وفهمتهم السالفه وقلت اذا تعرفو احد يشتريها خبروني
رن جوالي
(تؤم روحي تتصل بك)
ريم:صباح الخير
بحور:ياصباح النور ياهلا
ريم:هلابك فينك يابنت ماعاد نسمع لك صوت
بحور:دام انامع عيالي الجوال اخر همي
ريم:ياحياتي على هالعيال كيفهم
بحور:تمام ماشفتهم اليوم بس كلمتهم
ريم:ايوه صح مبروك
بحور:الله يبارك فيك
ريم:طيب وش صارمعك
بحور:ماحصلت احد يشتريها
والمشكله نهاية ذا الشهر تنتهي
ريم:وليه مااشتكيتيهن ليش مااعطوكي الجايزه النقدية
بحور:انتي عارفتني ريما شي فيه مشاكل وقطع ارزاق مابيه
ريم:الحنيه هذي هو الي مضيعكي ياشيخه خليهم يتجازو بفعلتهم قسم بالله شي يرفع الضغط
بحور: الله فوقهم ياريم
ريم:ونعم بالله
بحور:غيري الموضوع صحيح وش عرفك باالسالفه
ريم:هندخبرتني ودقيت ابي افزع
بحور:هههه ياقلبي يالفزاعه عطينا الي عندك
ريم:انابحول لك1
بحور:ري

ريم:لاتقاطعيني خليني اكمل
خوذيها وسوي الي كنتي تبين تسويه والله يابحور اني مفتخره فيك ويشرفني اقول لناس هذي صديقتي
بحور:هذا من طيب اصلك بس ريم اعذريني مارا
ريم:لالالالا وربي لزعل منك
اعتبريها سلف وكل مااستلمتي راتبك طشي شوي
بحور:مشكوره ريم ريحتيني
من هم كبيرربي يوفقك
ريم:آمين واياك ان شاء الله
ريم:ياالله بسيبك تريحي وانابروح انام وراي تدريس بكره دعواتك
بحور:الله معك يالغاليه
ريم:فمان الله
بحور :فمان الله
................................
قفلت وانافيني صيحه هم وانزاح هذول هم الصاحبات القاهن فالشده والرخا لفعل الخير دايم جاهزات
ومابنسى افضال ريما وطاطا واودي والي متأكده لاقرن الحين اساميهن بتطلع عيونهن هههههه كشخه من قدكن اساميكن طلعت بالرواية
نرجع لتكملة القصه
.....
دوامي كان فشفت المساء الساعه2الظهر وصيت محمدياخذ عصير وشبس وطلعت للجمعية واول مادخلت يادوب ابي اسكر الباب الي وصراخ الاطفال وصوت جري ونطو علي
الجميع:مبروك يمه مبروك الفوز
بحور:ماما شويه بس ابشيل غطوتي اختنقت
وبعدو عندي لثانية
واول ماشافو وجهي وابتسامتي
رجعو ينطو من جديد
بحور:هههههه ياماماموكذا شوي شوي
فهد:ياالله يمه الحين نروح نشتري
سطام:ارجعي البسي غطوتكي ولاتفصخين عبايتك
بحور:ياماما حرالحين خلونا ندخل ونريح شوي وبعدصلاة العصر نصلي ونمشي
عزوز:ع طول ع طول
بحور:ع طول ع طول
عزوز:ونروح بسيارة محمد حسين (سواق الجمعية سوداني)
بحور:ايوه يماما
عزوز:يا الله تعالو نصلي
بحور:عزوز باقي ماأذن لاأذن وقال الله وكبر نمشي
اخذتهم ودخلنا جوا سلمو علي البنات وباركو بالفوز
علي:انا اول واحد عرفت
بحور:صح انتو وش دراكم
علي:ماماهنادي قالت لنا جت الصباح وخبرتنا
مامابحور شفتي البارح لماجينا من الاستراحه كل شوي اقول لهم ادعو ليمه
فهد:وانا نمت وانا ادعي
علي:هههه شفتي فهد وهو نايم يتكلم يقول يارب نفوز يارب نفوز
بحور:ياحياتي والله
جابو لي طلال ياهالطلال الي ذابحني اخذته وبوسته وحطيته بحضني
قعدت اسألهم والعب معهم
شوي اسمع صراخ سطام وفهودي وصلاح
يمااااااااااااااه يمااااااااااااااااه يايمه اذن والله اذن
فهود:يمه اذن انا سمعته
صلاح:كذاب انا سمعته اول
سطام:اصلن كلنا سمعناه صوته عالي مو خفيف صح يمه
بحور:صح يمه ياالله نقوم نوضي ونصلي ونتجهز ونمشي
صلاح:يمه امانتك بروح
فهود:ايوه يمه امانتك مانسوي حاجه غلط
صلاح:الله يخليكي
بحور:واذا سويتي ازعاج
فهود:مانسوي صح صلاح
صلاح:صح
وصالح قط معهم بعد:صح
بحور:ماتلحظون صالح دايم قاط معهم بس بكلمت صح
علي:ههههه مايعرف غيرها
بحور:عشانه صغير لاكبر يعرف اكثر صح صالح
صالح:صح
قمنا وصلينا ودقينا ع السواق ياخذنا وفالطريق اعطيهم نصايح محد يسوي شي غلط ودخلنا المجمع ارحم من المجمع السابق اللعبه 2او3ريال خلصو لعب بعدها دخلنا قسم الموادالغذائية
واخذت لهم عربيات صغيره وكلن يفحط من عنده وتعبت وانا ادورهم ادخل من هنا احصل فهوديلف يلف عند المعلبات والمح من بعيدعزوز يفحط عندالخضار>>مختار اوسع مكان هههههه
بمساعده علي وسطام واماني وريم قدرنا نجمعهم
واخذت عربية كبيره وحطيت بوسطها فهود وصلاح عشان مايلعوزوني وعزوز جنبي
كل واحد اخذ له الي يبيه ووقفنا عند رف الكورن فلكس وصار هالنقاش
فهد:لامابي ابغا هذا
بحور:فهود ياحبيبي اناماقول ماتاخذه راح اشتريه بس اذا اشترينهابعطيه ماماسمر تشيله واذا انت افطرت زين تحط لك
فهد: هذا ليه ماتعطينها اياه
بحور:لك ياما ولأخوانك بس توعدني قبل تاخذه ماتاكله الابعدماتاكل اكل زين
فهد:خلص بس ماتعطينه يمه
بحور:خلص ماراح اعطيها انت تعطيهابس تطعم اخوانك منه
فهد:خلاص
بحور:ياالله نمشي مشو معاي ومرينامن قسم الاطفال واستوقفنا صوت عزوز
عزوز:يمه حقات طلال
ويأشر على البامبرز(تكرمون)
ضحكنا كلنا
ههههههههههههههههه
ورفع صوته عزوز:ليش حاطينها هنا هذول حقات طلال
خوذيها يمه
بصراحه انامن الضحك مو قادره اسكته ابغا الي يسكتني احاول اصبر نفسي لانفجر بالضحك قدام الناس الي كلن يضحك ع موقف عزوز قدام البابمرز(تكرمون)
وبالعافية سحبته ومشينا وطول محنا عندالمحاسبين يسألني يمه ليش طب ليش ماخذينها حرام هذي حقت طلال خلينا نرجع ناخذها
وصلتنا الجمعية ووزعت اغراضهم عليهم واتعشو ونامو بدري من التعب
وانا اخذت طلال وطلعت
عندالبنات وقعدت احكي لهم واسولف لهم عن الي صار
وضحنا وعلقنا
ام احمد:يام طلال عطي طلال وجهك يضحك لك من اليوم
بحور:فديت طلولي أنا
هند:ليش ماتاخذيه انا لواني منك اخذه
بحور:اهلي خايفين من المسؤلية وشايلين هم كلام الناس
هند:الي يسمع كلام الناس يتعب
بحور:صدقتي
ام تركي:ماابغا اخرعك قبل يومين شفت حلم يخرع فطلال
بحور:بسم الله عليه لاتقولي لي شي الله يحفظه ويحميه ويحفظهم كلهم
جا الباص واستودعتهم الله وسلمت طلول للأمهات الي بينامن عندهن ووصيتها تنتبه عليه بوسته ومشيت
واستمرينا ع ذا الحال لاكني اشوف بعيون المربيات كلام لاشافو طلال معي ولاقدرت اعرف سبب هالنظرات وانساها مع عيالي لا التمو حواليه
وفيوم اول مادخلت من الباب انصدمت بعيالي وهم يقولو طلال راح
خذوه ناس؟؟؟؟؟؟؟؟؟؟؟
صدمــــــــــــــــــــه
صدمه ماكانت ع البال ابد الا طلال الا ولــــــــــــــــــــدي
طــــــــــــــــــــلال لاتاخذوه
ماهم يقولو اسمي ام طــــــــــــــــــــلال انا امه انا الي ربيته يناس
شفتو أيدي الي اكتب لكم هالرساله فيها
بنفسهاهالايد لبسته وحممته
وبفسهاهالأيد رضعته
وبنفسهاهالأيد اشيله وحضنه
ليش هالأيد مامنعتهم ياخذوه ليــــــــــــــــش
ياربي ماعاد فيني حيل ياربي انت ادرى بحالي يارب هون علي والله موقادره استحمل بعده احس انه مقلب مقلب الا اكيد مقلب شفت ام تركي وناظرتها ابي جواب ابي بس ابتسامه محتاجتها تكفين ياام تركي تكفين طفي نارالي فقلبي
لاكن ام تركي زادت طعون قلبي يوم هزت راسها بأيه
لفيت لعيالىي ادورعلي ابي علي ايه علي ابي اشوفه هو مستحيل يخبي عني شي
وشفتــــــــــــــــه
لاياعلي لايايمه ياعلي انا للأن مصدومه من اخوك الي راح وانا ماشفته
ليش يايمه هالحزن بعيونك يايمه لاتزيد جروحي
الي فيني كافيني
بالغصب قلت
بحور:الله يوفقه عادي بكره يكبر ويزورنا
سطام:يمه همه ليش كذا كل ماجابو لنا نونو صغير
يجو وياخذوه
ليش يمه؟؟؟
جلست ع حافة السور جلست يمكن الجلوس يرجع لي شي من قوتي وكابح فيها دمعتي لاتنسكب قدامهم اذا بكيت بخرب كل الي بنيته لاكن الي بخططه انهار مع كلمة عزوز
عزوز:طلال راح مع امه راح بيتهم خلاص مانشوفه يمه
ونزلت دمعه قدرت اخفيها عن الاطفال الاأن ام تركي لمحتها وحست فيني واخذت الاطفال
بكيت تذكرون طلال تذكرون يوم كان فحضني ولمااتخذت قرار اني بكون ام لهم كلهم كان اول المؤيدين كان يبتسم
فرحان
حاسين فيني عيشي معاي الاحساس طفل اناتكفلت فيه احممه البسه ابدله ياماشلته ولعبت فيه ياما ايام نام فحضني ماكنت ابيه يقوم عاجبني شكله
ياناس والله حتى صديقاتي المتزوجات اسألهن واخذمنهن معلومات اكل وشرب ونوم
كله عشان طلال
والحين ياخذووووه طب ليش ماقالولي ليش حرمني اضمه اخر ضمه ليش
آآآآه ياطلال ياترى وش تسوي الحين صاحي ولانايم
رفعت راسي ع علي جالس كان يطالعني بس لما رفعت راسي نزل راسه وكمل لعب
لحــــــــــــــــظه
يبكي؟؟
ليه مايبكي مو هو الي كان يجيب لي طلال اول مااجلس
كم مره جبته لي ياعلي؟
كم مره تطلبني انومه جنبك والبي طلبك واذا نمت اشيل بشويش وابوسك واغطيك واطلع والصبح تعاتبني ليش ماتركته ينام وقولك يمه الانسان لانام مايحس بنفسه اخاف تطيح عليه ولايخنقه اللحاف
بحور حاولي تصبري نفسك٧ساعات مايصير كذا قومي وحاولي تكوني طبيعيه قدامهم قولي عادي بكره انتو كمان تسافرو وتعتمدو ع نفسكم ابي اشوفكم رجال
تعوذت من الشيطان وجلست جنب علي
بحور:علويه
علي:نعم
بحور:انتا كمان زعلان عشان طلوله راح
علي:هز راسه بأيه
بحور:ياماما عادي بيجي يوم وانشوفه
علي:؟؟؟
بحور:صدق يمه بتدور الايام وبنشوفه واذا ماشفناه بالدنيا بنشوفه بالاخره وان شاء الله نكون من اهل الجنه
بحور:شوف ياماما شفت الباب هذا
(واشرت ع باب الجمعية)
بيجي يوم اودعكم فيه بنشوف عيالنا الي ربيناهم كل واحد يعتمد ع نفسه
ابغا اشوفكم الي ضابط والي دكتور والي شرطي والي طيار
واكيد مابتنسونا وتجو تزورونا
وان شاء الله يمه بنلتقي فالجنة
ومانبتعد عن بعض ولايوم
قول ان شاء الله
علي:ان شاء الله
قمناودخلنا جوا عندالبقية واستمر اليوم على ماهوعليه وكنت اغلط كثير وانادي سعيد بطــــــــــــــــلال

خوذيها وسوي الي كنتي تبين تسويه والله يابحور اني مفتخره فيك ويشرفني اقول لناس هذي صديقتي
بحور:هذا من طيب اصلك بس ريم اعذريني مارا
ريم:لالالالا وربي لزعل منك
اعتبريها سلف وكل مااستلمتي راتبك طشي شوي
بحور:مشكوره ريم ريحتيني
من هم كبيرربي يوفقك
ريم:آمين واياك ان شاء الله
ريم:ياالله بسيبك تريحي وانابروح انام وراي تدريس بكره دعواتك
بحور:الله معك يالغاليه
ريم:فمان الله
بحور :فمان الله
................................
قفلت وانافيني صيحه هم وانزاح هذول هم الصاحبات القاهن فالشده والرخا لفعل الخير دايم جاهزات
ومابنسى افضال ريما وطاطا واودي والي متأكده لاقرن الحين اساميهن بتطلع عيونهن هههههه كشخه من قدكن اساميكن طلعت بالرواية
نرجع لتكملة القصه
.....
دوامي كان فشفت المساء الساعه2الظهر وصيت محمدياخذ عصير وشبس وطلعت للجمعية واول مادخلت يادوب ابي اسكر الباب الي وصراخ الاطفال وصوت جري ونطو علي
الجميع:مبروك يمه مبروك الفوز
بحور:ماما شويه بس ابشيل غطوتي اختنقت
وبعدو عندي لثانية
واول ماشافو وجهي وابتسامتي
رجعو ينطو من جديد
بحور:هههههه ياماماموكذا شوي شوي
فهد:ياالله يمه الحين نروح نشتري
سطام:ارجعي البسي غطوتكي ولاتفصخين عبايتك
بحور:ياماما حرالحين خلونا ندخل ونريح شوي وبعدصلاة العصر نصلي ونمشي
عزوز:ع طول ع طول
بحور:ع طول ع طول
عزوز:ونروح بسيارة محمد حسين (سواق الجمعية سوداني)
بحور:ايوه يماما
عزوز:يا الله تعالو نصلي
بحور:عزوز باقي ماأذن لاأذن وقال الله وكبر نمشي
اخذتهم ودخلنا جوا سلمو علي البنات وباركو بالفوز
علي:انا اول واحد عرفت
بحور:صح انتو وش دراكم
علي:ماماهنادي قالت لنا جت الصباح وخبرتنا
مامابحور شفتي البارح لماجينا من الاستراحه كل شوي اقول لهم ادعو ليمه
فهد:وانا نمت وانا ادعي
علي:هههه شفتي فهد وهو نايم يتكلم يقول يارب نفوز يارب نفوز
بحور:ياحياتي والله
جابو لي طلال ياهالطلال الي ذابحني اخذته وبوسته وحطيته بحضني
قعدت اسألهم والعب معهم
شوي اسمع صراخ سطام وفهودي وصلاح
يمااااااااااااااه يمااااااااااااااااه يايمه اذن والله اذن
فهود:يمه اذن انا سمعته
صلاح:كذاب انا سمعته اول
سطام:اصلن كلنا سمعناه صوته عالي مو خفيف صح يمه
بحور:صح يمه ياالله نقوم نوضي ونصلي ونتجهز ونمشي
صلاح:يمه امانتك بروح
فهود:ايوه يمه امانتك مانسوي حاجه غلط
صلاح:الله يخليكي
بحور:واذا سويتي ازعاج
فهود:مانسوي صح صلاح
صلاح:صح
وصالح قط معهم بعد:صح
بحور:ماتلحظون صالح دايم قاط معهم بس بكلمت صح
علي:ههههه مايعرف غيرها
بحور:عشانه صغير لاكبر يعرف اكثر صح صالح
صالح:صح
قمنا وصلينا ودقينا ع السواق ياخذنا وفالطريق اعطيهم نصايح محد يسوي شي غلط ودخلنا المجمع ارحم من المجمع السابق اللعبه 2او3ريال خلصو لعب بعدها دخلنا قسم الموادالغذائية
واخذت لهم عربيات صغيره وكلن يفحط من عنده وتعبت وانا ادورهم ادخل من هنا احصل فهوديلف يلف عند المعلبات والمح من بعيدعزوز يفحط عندالخضار>>مختار اوسع مكان هههههه
بمساعده علي وسطام واماني وريم قدرنا نجمعهم
واخذت عربية كبيره وحطيت بوسطها فهود وصلاح عشان مايلعوزوني وعزوز جنبي
كل واحد اخذ له الي يبيه ووقفنا عند رف الكورن فلكس وصار هالنقاش
فهد:لامابي ابغا هذا
بحور:فهود ياحبيبي اناماقول ماتاخذه راح اشتريه بس اذا اشترينهابعطيه ماماسمر تشيله واذا انت افطرت زين تحط لك
فهد: هذا ليه ماتعطينها اياه
بحور:لك ياما ولأخوانك بس توعدني قبل تاخذه ماتاكله الابعدماتاكل اكل زين
فهد:خلص بس ماتعطينه يمه
بحور:خلص ماراح اعطيها انت تعطيهابس تطعم اخوانك منه
فهد:خلاص
بحور:ياالله نمشي مشو معاي ومرينامن قسم الاطفال واستوقفنا صوت عزوز
عزوز:يمه حقات طلال
ويأشر على البامبرز(تكرمون)
ضحكنا كلنا
ههههههههههههههههه
ورفع صوته عزوز:ليش حاطينها هنا هذول حقات طلال
خوذيها يمه
بصراحه انامن الضحك مو قادره اسكته ابغا الي يسكتني احاول اصبر نفسي لانفجر بالضحك قدام الناس الي كلن يضحك ع موقف عزوز قدام البابمرز(تكرمون)
وبالعافية سحبته ومشينا وطول محنا عندالمحاسبين يسألني يمه ليش طب ليش ماخذينها حرام هذي حقت طلال خلينا نرجع ناخذها
وصلتنا الجمعية ووزعت اغراضهم عليهم واتعشو ونامو بدري من التعب
وانا اخذت طلال وطلعت
عندالبنات وقعدت احكي لهم واسولف لهم عن الي صار
وضحنا وعلقنا
ام احمد:يام طلال عطي طلال وجهك يضحك لك من اليوم
بحور:فديت طلولي أنا
هند:ليش ماتاخذيه انا لواني منك اخذه
بحور:اهلي خايفين من المسؤلية وشايلين هم كلام الناس
هند:الي يسمع كلام الناس يتعب
بحور:صدقتي
ام تركي:ماابغا اخرعك قبل يومين شفت حلم يخرع فطلال
بحور:بسم الله عليه لاتقولي لي شي الله يحفظه ويحميه ويحفظهم كلهم
جا الباص واستودعتهم الله وسلمت طلول للأمهات الي بينامن عندهن ووصيتها تنتبه عليه بوسته ومشيت
واستمرينا ع ذا الحال لاكني اشوف بعيون المربيات كلام لاشافو طلال معي ولاقدرت اعرف سبب هالنظرات وانساها مع عيالي لا التمو حواليه
وفيوم اول مادخلت من الباب انصدمت بعيالي وهم يقولو طلال راح
خذوه ناس؟؟؟؟؟؟؟؟؟؟؟
صدمــــــــــــــــــــه
صدمه ماكانت ع البال ابد الا طلال الا ولــــــــــــــــــــدي
طــــــــــــــــــــلال لاتاخذوه
ماهم يقولو اسمي ام طــــــــــــــــــــلال انا امه انا الي ربيته يناس
شفتو أيدي الي اكتب لكم هالرساله فيها
بنفسهاهالايد لبسته وحممته
وبفسهاهالأيد رضعته
وبنفسهاهالأيد اشيله وحضنه
ليش هالأيد مامنعتهم ياخذوه ليــــــــــــــــش
ياربي ماعاد فيني حيل ياربي انت ادرى بحالي يارب هون علي والله موقادره استحمل بعده احس انه مقلب مقلب الا اكيد مقلب شفت ام تركي وناظرتها ابي جواب ابي بس ابتسامه محتاجتها تكفين ياام تركي تكفين طفي نارالي فقلبي
لاكن ام تركي زادت طعون قلبي يوم هزت راسها بأيه
لفيت لعيالىي ادورعلي ابي علي ايه علي ابي اشوفه هو مستحيل يخبي عني شي
وشفتــــــــــــــــه
لاياعلي لايايمه ياعلي انا للأن مصدومه من اخوك الي راح وانا ماشفته
ليش يايمه هالحزن بعيونك يايمه لاتزيد جروحي
الي فيني كافيني
بالغصب قلت
بحور:الله يوفقه عادي بكره يكبر ويزورنا
سطام:يمه همه ليش كذا كل ماجابو لنا نونو صغير
يجو وياخذوه
ليش يمه؟؟؟
جلست ع حافة السور جلست يمكن الجلوس يرجع لي شي من قوتي وكابح فيها دمعتي لاتنسكب قدامهم اذا بكيت بخرب كل الي بنيته لاكن الي بخططه انهار مع كلمة عزوز
عزوز:طلال راح مع امه راح بيتهم خلاص مانشوفه يمه
ونزلت دمعه قدرت اخفيها عن الاطفال الاأن ام تركي لمحتها وحست فيني واخذت الاطفال
بكيت تذكرون طلال تذكرون يوم كان فحضني ولمااتخذت قرار اني بكون ام لهم كلهم كان اول المؤيدين كان يبتسم
فرحان
حاسين فيني عيشي معاي الاحساس طفل اناتكفلت فيه احممه البسه ابدله ياماشلته ولعبت فيه ياما ايام نام فحضني ماكنت ابيه يقوم عاجبني شكله
ياناس والله حتى صديقاتي المتزوجات اسألهن واخذمنهن معلومات اكل وشرب ونوم
كله عشان طلال
والحين ياخذووووه طب ليش ماقالولي ليش حرمني اضمه اخر ضمه ليش
آآآآه ياطلال ياترى وش تسوي الحين صاحي ولانايم
رفعت راسي ع علي جالس كان يطالعني بس لما رفعت راسي نزل راسه وكمل لعب
لحــــــــــــــــظه
يبكي؟؟
ليه مايبكي مو هو الي كان يجيب لي طلال اول مااجلس
كم مره جبته لي ياعلي؟
كم مره تطلبني انومه جنبك والبي طلبك واذا نمت اشيل بشويش وابوسك واغطيك واطلع والصبح تعاتبني ليش ماتركته ينام وقولك يمه الانسان لانام مايحس بنفسه اخاف تطيح عليه ولايخنقه اللحاف
بحور حاولي تصبري نفسك٧ساعات مايصير كذا قومي وحاولي تكوني طبيعيه قدامهم قولي عادي بكره انتو كمان تسافرو وتعتمدو ع نفسكم ابي اشوفكم رجال
تعوذت من الشيطان وجلست جنب علي
بحور:علويه
علي:نعم
بحور:انتا كمان زعلان عشان طلوله راح
علي:هز راسه بأيه
بحور:ياماما عادي بيجي يوم وانشوفه
علي:؟؟؟
بحور:صدق يمه بتدور الايام وبنشوفه واذا ماشفناه بالدنيا بنشوفه بالاخره وان شاء الله نكون من اهل الجنه
بحور:شوف ياماما شفت الباب هذا
(واشرت ع باب الجمعية)
بيجي يوم اودعكم فيه بنشوف عيالنا الي ربيناهم كل واحد يعتمد ع نفسه
ابغا اشوفكم الي ضابط والي دكتور والي شرطي والي طيار
واكيد مابتنسونا وتجو تزورونا
وان شاء الله يمه بنلتقي فالجنة
ومانبتعد عن بعض ولايوم
قول ان شاء الله
علي:ان شاء الله
قمناودخلنا جوا عندالبقية واستمر اليوم على ماهوعليه وكنت اغلط كثير وانادي سعيد بطــــــــــــــــلال
فالمساء بغرفةالأولادفهدنام
وسطام وعلي ام تركي تقول لهم قصه
رحت لعزوز انومه شغلت له القرأن من جوالي واعطيته وجلس يرددمعه حتى غلبه النوم ونام
كنت ابكي ليش ماابكي وطلال بذا الوقت يكون بحضني يقلب سلسلتي
ظلام الغرفه منع الي عندي يشوفو الدموع الدموع الي تنزل عشان ولدي طلال
تذكرت حلم ام تركي مسحت عيني ولفيت لهم وسألت ام تركي عن الحلم وجكت لي اياه وقالت:اضن تفسيره وقع بروحةطلال
الحلم يخوف ودقيت ع الشيخ (عندي امل انه راح يرجع لي يمكن الشيخ يفسران الناس الي اخذو ولدي مايصلحو له وقتها بسوي المستحيل وارجعه)
سألني الشيخ ايش علاقتي فيه وحكيت له
وقال ليش انازعلانه المفروض افرح الحين له عائله حاله ارحم من غيره
بكيــــــــــــــــت وطلعت برا الغرفه ابهرب من عيون علي وسطام تدرون رجولي وين ودتني ودتني لغرفة طلال وقفت عند سريره فاضي يايمه انازعلانه لاني ماودعتك
يايمه كان ودي اوصي الي اخذتك عليك
يايمه اقل شي باخذ رقمها واتواصل معها انامومديره انا ام ست شهور قضيتها معك والحين ياخذوك بدون ماشوفك ليه يمه ليه
دق الباب ودخلت هنادي وخبرتني ان الباص جا
رحت اخذ شنطتي ولبست عباتي وقبل انزل دخلت غرف عيالي غطيتهم ومسحت ع روسهم ووصلت عندعلي لماجيت اعدل راسه انصدمت فمخدته غرقانه دموع مودموع كلمة دموع ماتكفي
الابحر من الدموع
عضيت شفايفي وجلست عنده بحور:علوي حبيبي ليش تصيح
علي:؟؟؟؟؟
بحور:تصيح عشان طلال
علي:هز راسه بالنفي
بحور:طيب ممكن تقولي يمه وش الي يخليك تصيح
قام فجئه وضماني وقعد يصيح
تدرون وش قال
قال يــــــــــــــــمه لاتخلينا
بحور:مستحيل هذا الشي يصير
من قال لك هالكلام
علي:محد قال
بحور:طب ايش الي خلاك تقوله
علي:اناقلت يمكن عشان طلال راح وانتي تحبيه ماراح بجين
بحور:ياماما انا احبكم كلكم وطلال ربي يوفقه
بعدته حن حضني ورفعت حواجبي وناظر فيني
بحور:انت وجهك يبيلك تكفيخ من وين تجيب هل افكار
واشرت ع فهيدان
فهمني علي
علي:ههههههههههه وهزا راسه
بحور:فديتك ايه افرد وجهك كذا موحلو انت مادالبوز
قرب بقولك شي
((بكره من الصباح بكون هنا لحد الليل بداوم دوامين ))
فرح كثير وضماني بقوه ودخلت حنان معصبه السواق ينتظرني واناطاقه حنك
ضحكنا واستودعتهم الله وطلعنا
وطول الطريق وانا اصيح
وسديم مثلي
دخلنا البيت وسيده ع غرفتي وقعدت اصيح وجت امي وابي يبتسم وراها وشافوني ذابحه حالي
امي :اذا بتستمرين ع ذا الحال اتركي الدوام بكيتي ع الصغير كيف الكبار لو راحو حرام يابنتي الي تسوينه
ابوي:لاحول ولاقوة الا بالله
كذا احسن له يتربا بوسط عيله
بحور:كان خلوني اشوفه مو كذا
بدون مايقولو
طلعو اتركوني قعدت اتفرج ع صوره بجوالي اخر صوره عيونه فيها حزن
كأنه حاسس ان هاليوم بيجي
آآآ ه ياطلال روح عسى الله يوفقك دنيا واخره
ويوفق اخوانك معك
نمت واناحاضنه صورته وصحيت ع اذان الفجر صليت وحطيت كمادات ثلج تخفف انتفاخ عيوني
بعدها تنشطت شوي ورحت البس واجهز حالي وعدت علي ولازم اوفي بوعدي
رحت الجمعية وحاولت اتناسى طلال مع ان الشي ذا مستحيل يصير
بس لجل البقيه بضغط ع نفسي واتحمل
====================

مضت شهوروالاوظاع ع ماهي عليه ومحبتنا لبعض كل مالها تزيد
من طبعها الدنيا دواره
ولاترسي على حال
واحد
حصلت لي ظروف

خارجه
عن ارادتي
رجعت متطوعه برغبتي
واستمريت مع الايتام

دربي طويل وتايه فيه ممشاي..

مثل الغريب اللي مضيع دليله!

يحدني وقتي على ضيم دنياي..

ورضيت باالمقسوم حتى قليله!

ياطول صبري آآآآآه وياكبر بلواي..

أخفي عن العدوان همي وأشيله!

أخاف أبوح بسر قلبي وشكواي..

وتصير نفسي بين ربعي ذليله!

أضحك ودايم بسمتي تسكن شفاي..

ومن شاف حالي قال محدن مثيله!

وأنابجوفي هم والنار بحشاي..

والجرح ينزف والليالي طويله..!
===================

انتهى الماضي وطويت صفحته ولاعاد ابي افتحها نهائي
زرت عيالي كذا مره كبرو وتغيرو كلها3شهور قطعت عنهم صارو رجال والي فرحني سعيد جته عائله واخذوه
ذكرى فاكرينها تحسنت صحتهاللافضل وصارت تساعدنا فالشغل وجت عائله كفلتها واخذتها
ناصر جت عائله واخذته
استانست كثير صحيح بفقدهم بس بعد روحت طلال حكمت عقلي يعيشو بين عائله احسن لهم
دخلت الجمعية كان فيها 15طفل
والأن 11 وبعد فتره قليله بيصيرو
10 طفل راح يغادر هالدار
علي ولدي علي بيسافر بيبدا حياه جديده ماعاد اشوفه بعد كذا
==================سأصبر حتى يعجز الصبر من صبري .. واصبر حتى يأذن الله في أمري ....
يمه علي يمكن يجي يوم وتقرا رسالتي ويمكن اخوانك
ويمكن شخص مر بنفس التجربه يقراها
يمــــــــــــــــه الدنيا مو دايمه لأحد لاتغرك مظاهرها
يمه اذا انتا يتيم قول الحمدلله ولاتعترض ع حكمه رب العالمين والدنيا ماتوقف ع الشي ذا
اجتهد يمه واسعى ف طلب العلم وخل ايمانك بالله كبير يمه فيه من عاشت تجربتك ارتبط معهابرباط شرعي صححو الغلط الي ماكان لكم اي ذنب فيه
ولاتنسى صلاتك يمه
والله الله بفعل الخير والاحسان لناس والبقره سوره البقره لاتنساها يوميا" اقراها الرسول صلى الله عليه وسلم قال: (أخــذهــا بــركـــة وتـــركــــهـا حـــســـرة)
اجتهد يمه بحياتك وتزود لدار الاخره
اناشاء الله نجتمع في فجنةالفردوس

احبكم يمه احبــــــــــــــــكم

....بحـــــــور....
تمت بحمد الله وحده اشكره فله الحمد وله الشكر
====================
ملاحظه
=الرواية شي انا عشته وعاصرته ليست من وحي الخيال الاسماء فقط هي التي قمت بتغييرها
=لااميز نفسي بين موظفات الداروكون اني لم اتطرق لهن لايعني ان بهن نقص حاشا لله كل ماهنالك اني تكلمت عن تجربتي انا
=الشكر لله وحده ثم لمن شجعوني ع كتابه الرواية فالشكر لقناة بداية والقائمين عليها
=اطلب الدعاء لوالده مديره الجمعية بالشفاء العاجل
=اعذروني ان اخطأت
اسأل الله لي ولكم التوفيق والسداد...
بحــــــــــــــــور