العاب رمضان ايام زمان

اقول لا تكون من جيرنا قبل اذنونا بسلك المواعين كل يوم ماسك بشوشه وحده من البنات ومحرقها
جميل أان يكون للانسان ذكريات مثل ماذكرت والله فقدنا اشياء كانت في قمه الروعه والبساطه ولكن نقول لكل وقت اذان وهذا وقت البلاي ستيشن

اللي يلعب طيري بعد الصرفه البنات فقط ممنوع إصطحاب الاطفال

حياك يا خيتي كنك كنت ساكنه بحي الكرهب تراه انا ما فيه الا و اشتكي مني
يا ليتنا نرجع صغار

الله يا زين ايام زمان ذكريات حلوه مرررره

لا فيه بليستيشن و لا موبايلات كنا و حنا صغار نتجمع و نلعب العاب حلوه
و جميله من البيئه حولنا نلعب سبع احجار و مقطار و كيرم

نلعب ماء و ثلج و غميمه و شرعت وبعضهم يسميها طيري

من الالعاب المونوبولي و هي تعتبر متطوره عند بعضنا

نتجمع العصر ونسولف و اكثرنا ما هو صايم لكن يسوي نفسه صايم
و تشوف براطمه حمر من شرب التوت

انا كان احسن شراب عندي القمردين
و كنت اسرق من البيت و اكله اكل و كانت امي تناديني و تهاوشني

يا ولد لا تخلص علينا القمردين خلنا نموصه لك بماء و تشربه

ايييييه ايام حلوه كنا نحتي بس من عنده عزومه حتى نتجمع و نلعب

و نتفرج بعد العصر على قرانديزر و اذا خلص تلقانا بالشارع
بس ياااع يااااه يووووه نكسر بعض نقلد قرانديزر
لكن انا كنت حاقد على دقفليد احس ان كوجي احسن منه

و نتسمع متى يدق المدفع و ياذن المذن حتى نركض نعلم اهلنا اذن اذن اذن
و على طول على السنبوسه و الفينتو

وقتها ما طلعت سنبوسة الجبن و التونة

و تلقانا ما نكمل فطور الناس تفطر و حنا بالشارع مهاوش و مطارد

اما بعد العشاء نتفرج على المسلسلات التاريخيه ثم نطلع بالشارع بسيوفنا الخشب
و نكسر بعض مصدقين نفسنا و حرب مع عيال الحارات الثانيه

يا ما تفلقنا و احسن لعبة عندنا بالليل لعبة النجوم و نسرق سلك جلي المواعين
و نحرق به و نلفه على شكل دويره و نولع بشوش بعض

و البنات ما عندهن الا لعبة طيري و حقرا بقرا

اييييه ايام حلوه خربها البليه البلا ستيشن

و كل رمضان و ذكرياتكم حلوه

و اللي عنده ذكريات

يبطحها هنا

ليتني الزمن يرجع

ليتني الزمن يرجع

شكرا على الدناديش اللي حطيتها و الله يعافيك يا بعدي يا سنايدي

الله يازين ذيك الايام
تقريباً عام 1408هـ جاني كف من ابوي الى اليوم اتحلم به هههههههههههههههه
المهم الكف كان عقب صلاة التراويح والسبب اني تركت صلاة التراويح عشان دوري بنانير ببرحه مقابل المسجد
الناس صلو ودعو ربهم وانا منسجم بالدوري ولا انتبهت الا والناس منحرفة من الصلاة
واشوف ابوي جاي وعقاله بيده عرفت ان جنوبي تبي تنسلخ
قال وينك عن الصلاة ؟؟ ولا امداني ولاحتى انطق حرف ولا حتى فيه وقت للإجابة الا والخماسي جاي يلعب سامري على وجهي
ومن عقبها لو احصل بنوري من الماس طايح بالشارع ولا التفت به ولا كأني شفته
الذكريات واجد بس الكف غطاء على كل الذكريات ههههههههههههههه <يقصد انمسحت الذاكرة

الله يازين ذيك الايام
تقريباً عام 1408هـ جاني كف من ابوي الى اليوم اتحلم به هههههههههههههههه
المهم الكف كان عقب صلاة التراويح والسبب اني تركت صلاة التراويح عشان دوري بنانير ببرحه مقابل المسجد
الناس صلو ودعو ربهم وانا منسجم بالدوري ولا انتبهت الا والناس منحرفة من الصلاة
واشوف ابوي جاي وعقاله بيده عرفت ان جنوبي تبي تنسلخ
قال وينك عن الصلاة ؟؟ ولا امداني ولاحتى انطق حرف ولا حتى فيه وقت للإجابة الا والخماسي جاي يلعب سامري على وجهي
ومن عقبها لو احصل بنوري من الماس طايح بالشارع ولا التفت به ولا كأني شفته
الذكريات واجد بس الكف غطاء على كل الذكريات ههههههههههههههه <يقصد انمسحت الذاكرة

ههههههههههههههههههه كف يمشي مليييييييييييييييييييييييييون

شطرا جزيلا يا بعدي