لعيون الأحباب

اخوتي الأعزاء / اعتذر لكم عن الغياب واعود لكم بهذا النص الذي استلهمته من بيت الشاعر العلم / محمد بن فطيس المري والذي يقول فيه
الظيقة اللي دايمن تالي عصير وش حيلتي واردها لاتجيني
ارجو أن ينال أعجابكم ويشفع لي عندكم عن الغياب

بي ظيقتن شكى بلاها بن فطيس=لهاسبب واحيان تاتي بلااسباب
من دونها حطيت درع ومتاريس=وقفلت عن زفراتها كل الابواب
اليا اقبلت قمت اتعوذ من ابليس=واقرا عليها من تبارك والاحزاب
لاشك تبغتني بسود الهواجيس=اللي تكشر بالثنايا والانياب
تنقض علي المسملات المراميس=وجرحن على طول المدى مابعدطاب
وعهود قفت رسمها بالقراطيس=ووجيه غابت ذكرها مابعد غاب
بالشعر انفس عن عنا الروح تنفيس=واطرد طيور الهم وان كانت اسراب
ولولا الأمل يشعل بدربي فوانيس=واشوف باقي لي مواليف واحباب
لاأذوب مثل الشمع تحت المقابيس=من همي اللي ثبت بجوفي اطناب
والداله اللي بالمرابض كما الكيس=سالي فؤاده ماحسب أية حساب
يلومني على شعور الأحاسيس=ويقول طنش وانتعش وانس الاتعاب
وانا ادري التطنيش حل المفاليس=اللي على الهامش لو الروس شياب
اهموهم لقمه .. ونزوه..وتدليس=وآمالهم حلمن على لسان كذاب
طال الكلام وبالظلوع الميابيس=باقي حكي..وهجوس..وشجون..واسهاب
من ضيقتن شكى بلاها بن فطيس=لها سبب واحيان تاتي بلااسباب

صح لسانك وعودا حميدا

وننتظر جديدك دائما

صح لسانك ابو يوسف

ولاهنت

مع وافر التحية

أخي حامد
مشكور على مرورك
دمت بخير

حياك الله ابو يوسف

صح لسانك قصيده جزله من شاعر ابن شاعر وكريم ابن كريم

اخي الغالي شهادتي فيك مجروحه لكن اتمنا ان نراك دائماً تضي شاشة المنتدى بكلماتك الطيبه

دمت بخير وتقبل خالص التقدير.

ابويوسف لاعدمناك

مميزبتواجدك وبغيابك

لشعرك نكهه لايتذوقها غير المبدعين والمتشوقين

لدررابويوسف

عندمايغيبب ابو يوسف لايأتي غير بالجميل

ولاننتظرمنه غير المفيد

قصيده رائعه بروعة صاحبها

تقبل احترامي وتقديري

صح لسانك أبويوسف على هالقصيده الجزله ولاهنت طال عمرك .............