ما أدراك مالطارق

الشاعر الكبير
منصور العثماني
هلا وغلا
مشكور على المرور الاكثر من رائع
لاهنت يالغلا

محمود الجذلي
دائما تحرجني بردك الجميل
لاهنت ومشكور على حضورك المتميز

الشاعر عبدالله الوحيشي
هلا وغلا
مطول الغيبات جاب الغنايم
صح بدنك
مشكور على الطله الجميلة
لاهنت

صح لسان عبدالله البلوي على هذه القصيدة الرائعه
وشكرا اخي ياسر حمدان على نقل هذه القصيدة الرائعة
والى الامام اخي

اهلا وسهلا
اخوي احمد مصيليح
العفو
ومشكور على المرور الكريم

ما أدراك مالطارق

ياقو صبري صبرت وطالت المدّه=إلى متى سالفة صبري وقوتها
الحظ يعطي قفى والياس له لدّه=منها تشيل الحنايا فوق طاقتها
لا الطير حايم ولا هوه ناوي الهدّه=ولاهي غريبه على الدنيا ولعبتها
ياقلب لاتستحي بعض الحكي بدّه=للروح ثارات فيما لاع مهجتها
عزًّاه يا ذالعزيز اللي نضب عِدّه=يضمي ولا يرجي الغيمه وقطرها
مادار للدار عندي صدّه بردّه=خطوه تجيها وخطوه ماتعدتها
الباب دارت عليه أقفال مسودّه=ولي من ورا الباب نبته حي منبتها
يقهر بسدّه ويقهر حاجباً سدّه=وش ضرّهم لو يمين الشوق حاشتها
يالباب أنا اللي تمنى من ثمر جَدّه=في روضةٍ تجري العِفّه بتربتها
ماأدراك مالطارق وماأدراك عن ودّه=والزهره اللي ملت عينه مودتها
لو عاقني صمت فيني قلب لابدّه=ينطق ويدرا بساتينك وزهرتها
العين بالعين والهجمات مرتدّه= والراس بالراس والعبره نهايتها
الأوله جت قوافيها على الشدّه=والثانيه تجبر الأولى بشدتها
إن كان قصدك تذل الشوق وتحدّه=القلب مايرخص الزهره وطلتها
حرام لو ما لقاها ماغسل يدّه=يرحل وهو حالفٍ يحفظ محبتها
وكانك تبي ترسم الدمعه على خدّه=تعمي عيونه ولاتفرح بدمعتها

الشاعر:عبدالله بن محمود البلوي

الاخ ياسر


لك مداد الشكر على هذا النقل الذي يستحق الاشادة ..


قصيدة تفوح أصالة وتزخر بالمفردات والتراكيب المدهشة

في الوقت الذي نتعطش لمثل هذه القلائد تأتي هذه القصيدة إنصافاً للشعر قبل الشاعر

وإنحيازا لما يستحق .. أتمنى عليك ان تتحفنا بالمزيد من قصائد الشاعر عبدالله محمود البلوي

دمت بخير

..