ذكــــريــــات لا تنسى....!!

.
جنون بكل ما تحويه هذه الكلمة من معنى
تواصل
فاصل وراح أواصل
بصراحة يبيلي جلسة
إنتظرني ولن يطول الإنتظار باذن الله
.
يستحق التميز
مبروك علينا تشريفك لنا
.
تحياتي

أخي::
أحمد شـاهر
شرف كبير لي بمروك الكريم وتشريفكم...
وايضا تكريمكم لي بوضع ختم التميز على ماطرحت
فلقد فرحت جدا برؤية أسمك وهو يزهو بين حروف كلماتي...
انتظر عودتك وسرد ذكرياتك في هذه الصفحة التي هي ملك للجميع.....

للإستمتــــــــــاع بعبق الذكريات الجميلة فقد قمنا بتثبيت


هذ الطــــــــــرح ..



وننتظـــــــــــر المزيد من المشاركات فيه من قبل الأخوة

اخي تواصل
رائع في طرحك لهذا الموضوع الجميل للكل
بارك الله فيك
ولك كل لتقدير

هلا ومليون مرحبا أخي ::أبو مااجد::
ويييييييين هالغيبة ..؟؟؟؟
شاكر لك اخي الغالي مرورك الذي اسعدني ...وكنت أتمنى لو اضفت لهذه الصفحة شيئ من ماضي ذكرياتك التي لم ولن تنساها...
وأتمنى منك العودة لكي تكتب لن شئ من ذكرياتك:rolleyes: .

.!!

دنيا دنيا ياتواصل

تشوف الزمن كيف


مشكور يالخال على هذا الموضوع وتواصل دائما مبدعا


ابـــــوخـــــالــــتد الـــــجـــــذلــــــي

تواصل اسعد الله وقتك بكل خير وش اذكر وش اخلى يارجل رجعتنى للوراء سنين لك الشكر
بسم الله نبدا 1ـ الطفوله وطيحتى بير المزرعه كنت فى سن الثامنه مع بنت عمى بنفس السن رحمها الله نلعب ونتطارد فى المزرعه ونتيجه الانزلاق داخل البير وقامت بتبليق عمى وكان يجيد السباحه وتم انقاذى وعملت لاهل القريه مناسته على شرف سلامتى وتشوفنى ماحد قدى
2ـ مرحله المتوسطه والدراسه والشقاوه فى القريه ولهذا السبب ارسلنى والدى رحمه الله الى مدينه حايل عند عمى رحمه الله لمصلحتى التى لم اعرفها لابعد وكانت هناك معاناه من اللهجه البلويه والحايليه ولكن بعد جهد تمكنا ولله الحمدمن اجتياز هذه العقبه التى كنت اشوفهاء عيب اخخخخخخخخ لو الايام ترجع ودى اسوى بهم سواه وخاصه طلاب الفصل يالله مشى
3- ايام الثانويه كان عندى دور ثانى لمادتين ولاعلمت اهلى إلابماده وطلع الجدول يوم الثلاثاء للمادة المعلنه والماده الغير معلنه يوم السبت وتم تاجيل رحله لعمامى على شانى وخلص الاختبار ونسافر يوم الاربعاء تخيل النكبه طنشت الاختبار الثانى ونتيجه إعاده اول ثانوى درس وحسره لن انساها وزملايه ثانى ثانوى
4ـ كان يوجد لى زميل ايام الثانوى حسين الشمرى ونعم الرجل (يقال الصاحب ساحب) كنت اناوياه لانفترق وعزمناء احد زملاناء فى الثانويه على طلعت بر خميس وجمعه اعديناء العده وبلغناء اهلنا إنا طالعين البر ومعروف عند اهلنا انامع حسين وحسين معى مافيه مشكلة المهم رحنا على طريق المدينه حايل وخيمناء وذبحناء الذبيحه وبداء مسلسل الضيوف شباب اثنين معهم ددسن غمارتين 86 جديدة وانا وحسين معنا مازدا المهم واحد يسوق واحد راكب فوق مع المغرب يفحطون راحو وحنا صلينا المغرب وبعد لحضات شف الاستعراض والنهايه انقلاب حتى اللحظه هذى وانا وحسين ماحنا دارين عن الطبخه جينا فازعين ودنا نسعفهم شلنا الى طاح واخرجنا الى بالسياره وفزع حسين للمازدا وجابها ودنا نوديهم للمستشفى ونشوف الى عازمنا يقول مافيهم شى وحناء مصرين على الفزعه يوم مافهمنا قال الشباب سكرانين مقلعين السياره مليانه حبوب شف كيف والله نظراتى انا وحسين بعض المهم صدقنى انا وحسين اول مره نشوف مقلعين جلسناء وتعشينا وياليل ماطولك حتى جاء العشاء قال لى حسين بلوى ياحى الي بخاطرى بخاطرك قلت المسرا مالناجلسه قال( قوه)يعنى مشينا مايصلحون لنا وستمرت الصداقه حتى يومناهذا
5ـ ذكريات حايل حلوه وش اقول وش اخلى كنا طالعين البر فى جبل اجا انا وعمى وهلهم وكان خالى متزوج منهم وكان ولد عمى موجود شفناء غنم جايه من اعلى الوادى ومعها بنت شف الترزز والقصيد والحطب من ولد عمى وخالى اناودى ومستحى زوجة المستقبل موجوده وناظر من تحت لتحت تعرف حريم حايل ليبسون الجلال بدل العبايه ولونه يختلف وعند وصول راعيت الغنم المنتظره طلع هندى وشف وش صار من تريقه وضحك تخيل من القهر ناوين يفرشونه بس عمى تدخل بالموضوع ومنعهم موقف لن انساة وكل ماذهبت الى حايل تذكرته لانه على الطرق
6ـ قبل يومين حصل موقف حلو تعرف هنا سيارتهم الدركسون باليمين وكنت انا واحد الزملاء رايحين الخطوط نحجز وكان مايحب يسوق دائما وجاء واحد من الزملاء وقال فيه واحد يمكن يبغاء يخاويكم بعد الصلاه قال سرعه مانبى يمشى معنا ركبت من جهة اليسار الاخ ركب والسياره شغالة وماسك الدركسون ويطالع فينى ويقول امشى سرعة نصلى بالمسجد الثانى وانا اطالع فيه وميت ضحك وهو يقول يامثقل دمك ماهو وقته امش بسرعه قلت له انا السواق ولا انت تخيل جلس من الصدمه يطالع بيديه ورجوله وقال والله انك صادق ولاعاد رحنا من الضحك ولك احترامى

اخي
صاااااااااااالح
أشكرك من كل قلبي على حضورك ومشاركتك لنا
واسعدتني
جدا بمروك وذكرياااااتك الطريفه اللي خلتني اضحك كثيررر..الله يسعدك يارب

وخالى اناودى ومستحى زوجة المستقبل موجوده وناظر من تحت لتحت تعرف حريم حايل ليبسون الجلال بدل العبايه ولونه يختلف وعند وصول راعيت الغنم المنتظره طلع هندى وشف وش صار من تريقه

مسكين يترزز ويتميلح واخرته هندي.. !!!
اذا على هالمواقف المحرجه
[COLOR="Navy"]انا اذكر اني رحت اجيب خالتي من عند ناس من الجماعه وانا كنت ما احب ادخل عندهم ودقيت الباب وطلع لي ولدهم وقعد يقول تفضل وانا اقول له معليش انا مستعجل ولولا ام سعود ما جيت..!!! قال وش قلت ... وانا اضيع ماعاد قدرت ارقعها هههههههههههههههههه والوجه صار الوان.. وصار كل مايشوفني يعلق علي.....!!![/COLOR]

للإستمتــــــــــاع بعبق الذكريات الجميلة فقد قمنا بتثبيت
هذ الطــــــــــرح ..
وننتظـــــــــــر المزيد من المشاركات فيه من قبل الأخوة

اختي الكريمة عاصفة الشمال
أشكرك على تثبيتك للموضوع..
وانا في انتضار عودتك لكتابة ذكرياتك.................