أصعب قـرار

صح لسانك مليون ولا يكفون .

اشهد بالله كل بيت اجمل من اللي قبله .

والله لو كتبت ماهمها كتبت مراح اقدر اعلق على الابيات بالشكل المطلوب .

قليلة فيك ( الله درك )

ولاصعب انك لاسكنت المقابر ==== ولقيت سوالخاتمه ظمن واقعك
صح السانك القصيده اكثرمن رائعه

السلام عليكم ورحمة الله وبركاته

الحياة مواقف منها السهل ومنها الصعب ومنها الأصعب
محاولة اتمنى أن تنال إعجابكم

أصعب قرار إنك تعاند مكابر = حتى لو إنك واثقاً من دوافعك
والأصعب إنك مبتلى به وصابر = ويجيك واحد مايحس بمواجعك
وأصعب شعور تشوف عايل مثابر = ودك تبره بالنصيحة ويمنعك
والأصعب إنك تعترض شخص عابر = تفرض وجودك وأنت مخطي ويتبعك
وأصعب خيار مقابلة وجه غابر = تاقف معه وتجامله من تواضعك
والأصعب إنك تبتسم وأنت خابر = إنه يدور حاجته قبل ينفعك
وأصعب مصير إلى أقتفى العمر سابر = وبظرف لحظة خم روحك وودعك
والأصعب إنك لاسكنت المقابر = لقيت سو الخاتمة ضمت واقعك

إبراهيم عواد التلفيه

الشاعر الجميل والاخ العزيز / ابراهيم عود التلفيه


صح لسانك ..

نص جميل / وأكثر

نص متماسك / بل صلب


نص مليء بالشعر / والنصح .. من شاعر رائع


لله درك من شاعر


محبتي لك

أسعد السحيمي

الله يكفينا ويكفيك شر سؤ الخاتمه صح السانك ودمت بخير وعافيه

أخي وزميلي الشاعر الرائع / أسعد السحيمي

لا شك أن أي شاعر عندما يطرح ما لديه في هذا المنتدى
يشد من أزره ويرفع من معنوياته الدعم الذي يلقاه من الجميع
فما بالك عندما يكون الحضور هنا بحجم أسعد السحيمي

لا عدمنا دعمك وتشجيعك

تقبل مودتي

مرحباً بك وبمرورك العطر
أخي الشاعر العذب / ثامر ظميان

كلماتك وعباراتك وثناؤك
هي الرياح التي تدفع مراكبنا نحو شواطئ الإبداع
لعلنا بدعمكم وتشجيعكم قد نصل في يومٍ ما

تقبل مني أرق تحية