*** مهجّن قضآآآآعه ***

وجد من يبني وظلاّمه يهدِ
.....................................وإن شكى يرجع له ويكسر ذراعه

الا ترون انها فاتنه (أين الإعلام عنكم)

الى الأعلـــى....




بــوســـطـــة الـشـعــــــر...

من وداع الزين وقتي مايعدّي
ماتنام العين من ليلة وداعه

ياحروفي وش نقول ووش نبدّي
والخفوق يتوق لـ ( مهجّن قضاعه )

إستريحي بالحنايا وإستعدّي
لين أطوّع شارد المعنى طواعه

والله إني سد لكن باح سدّي
من غلى خلّي وللشعر الإذاعه

لو سلا عني سليت وقلت حدّي
المقفّي لي عنه صبر وقناعه

علّتي من حظّي اللي صار ضدّي
لو ضحك ساعه كشر مليون ساعه

والعزا إنه غاب والخاطر مودِ
يعلم الله لاصدود ولا قطاعه

يدمح النقصان من صاعي ومدّي
ويرجح الميزان من مدّه وصاعه

من توافقنا ويدّه فوق يدّي
ماتركني لين ولّعني ولاعه

ومن تفارقنا ويدّي فوق خدّي
مودع ٍ روحي مع الغالي وداعه

ياوجودي وجد كدّادٍ يكدِ
راح وعياله قريب من المجاعه

وجد من يبني وظلاّمه يهدِ
وإن شكى يرجع له ويكسر ذراعه

وياوجودي وجد الأعمى للمقدّي
ضايع مضيّع من الضيعه متاعه

وجد من حاله تردّي في تردّي
معسرٍ ماله على الصبر إستطاعه

والتوجّد لايجيب ولايودّي
مثل من يشفع ولايُعطى الشفاعه

ومثل مايقولون لو الودّ ودّي
ودّي إن الوقت مافرّق جماعه

غاب له " يومين " بحسابي وعدّي
كنّهن " شهرين " من ليلة وداعه







رضا شكراً لك


لانك لم تبخل علينا

بهذا النص الجميل والراقي جداً


كذلك صح لسانك المبدع عبدالله



وبلغ لنفسك وله اعجابي وتحياتي وتقديري

اخي الغالي رضا محمود

تحيه لك وللشاعر العذب عبدالله

ولاتنسونا من زياره وديه حيث انكم بالقلب غالين

سلام لجميع ابناء اخي محمود الجحرش رحمه الله واسكنه فسيح جناته 0

محمد المرواني
.
سلم ذوقك
.
ومروركـ شرف
.
تحياتي وتقديري
.

محمد القويعاني
.
الراقي مروركـ العذب
.
لك مني مودتي وتقديري
.