السر يبقا داخل القلب مضمون

قصيده بعنوان السر يبقا

السر يبقا داخل القلب مضمون = والى بدا للناس يبطل ضمانه

والنفس لوامه مع اللي يلومون = تلوم صاحبها بزلة لسانـــــــه

اللي تظـن انه على السر مأمون = امانسي والا تضيع الامانــه

ون هبت الارياح والسـر مدفون = خطيرمن لفح الهبايب بيانه

لكن خله داخل الصدر مكـنون = عليه من قاصي وداني حصانه

ون باح سدك سرت للعلم مرهون= تكون خايف من عواقب زمانه

تخاف من ناس(ن) على السر يبدون = ماعندهم للسر مبدا صيانه

بعض العرب في غيبة الناس مفتون= يلوكها كـما يلوك اللبانـه

تراه لو صلى مع اللي يصلون = عن النميمه ماترده ديانــــه

والا عزيز النفس مايقبل الدون = عن ما يعيب النفس يسمو مكانه

يالله تسترنا من اذان وعيون = سترك الى اضفيته على الشي زانه

مع اجمل تحيات اخوكم عيد بن قيضي البلوي