المعذره
البعد افضل من مخاوى كثيرين=ترتاح منهم والنشاما كثيره
هذا ظهري والتجارب عناوين=خبرة ليالي في حياتي مسيره
أقولها وأقول من دافع الشٍين=كلمة مجرب للسنين المريره
المعذره با سرد من الشعر بيتين=فيها المعاني للعقول الكبيره
واعرف مكاني بين هذا وبعدين=ابيع واشري طايله والقصيره
ياشينها لااصبحت بين الخيارين=اما تجيب الحق والامعيره
المشكله بانت حلول وبراهين=اطوي عليها سد قد السريره
شفت الخباثه في عيون الملاعين= أدركتها والعلم حاضر شطيره
شفت الموده في قلوب المسمين=اهل الوفاء والجود اهل البصيره
من غرته دنياه راحت ملا يين=المال يفنى والكرامه ذخيره
ناس(ن) مكاسبها على الغش والبين= تأكل من الزقوم حبة شعيره
رد مع اقتباس
المفضلات