راحت على ياسعود00؟
راحت على ياسعود ماهي كلامي=راحت وخلتني بلا سابق انذار
راحت وراحت وانتهت في سلامي=والرمي راكد واشهب الملح ثوار
ولا كل رامي يدرك الرمي رامي=مره تصيب الطايشه كأنها عيار
المدح للفارس بقولت غُلامي=تعني مراجل والمراجل لها كار
غيم سماها وانتشت من غمامي=والبرق يبرق والرعد دقة الزار
يشت فكري مع هيامه هيامي=أهيم وأرجع ما تحركت مشوار
دنيا لها ميلاتها وأنصرامي=والمشكله بالناس والوقت والدار
تلعب على الحبلين شرقاًوشامي=مره جنوب وغرب والفُلك دوار
هذا قدر مكتوب ياابن الكرامي=على جبين العمر صفعات الاقدار
ولا ينفع الآيم كثير الملامي=اللوم لوم النفس عن درب الاشرار
والصبر زين ومن طباع العصامي=مثلك ومثلي ياابيض الوجه صبار
ناحت مع الورقا عناها غرامي=والفكر مبحر بين دفه وبحار
راحت علينا حلومنا والمنامي=والعمر رحله في صدى الوقت تذكار
وختامها مني رفيع احترامي=قفلة قصيده والمعاني للأخيار
مع تحيات ابو فيصل
رد مع اقتباس
المفضلات