الرجل في سلم الرجاجيل لاخان @ودك يوسم وسط وجه وسامه

يشرفني ان اجدد هذي القصيده وهي تتحدث عن الخيانه وقد طلب مني وصفها ووصف الخاين كفانا واياكم منه

الخيانه

وصــــف الخيانة لا وصفنا لها الــــوان
00مـنها كما رجـلٍ يحلل حـــــرامه
هتاك للأعــراض للـعهد خــوان
0الـــغدر دايم في ضيافة خـيامه
بــواق شكله يا بــشر ماله أمـان
البوق خاله والردى من عمامه
يوطى علي فراش النقى دون سحيان
وان شاف بنت الجار جهز سهامه
دم الــخيانه فـــيه والنذل يا فــلان
0النذل خاين وان وصــفته خمامه
الرجل في سلم الرجاجيل لا خــان
0ودك يوسم وسط وجهه وســامه
عــــلامةً تبقى عــلي مــرالأزمان
00الله يـسود وجه راعي الـــعلامه
يا جعل راسه يقطع حــد شـومان
0وأشوف دمه ينتثر في الـــعدامه
واعطي البشاير وأكتب الشعر بـشجان
00بشرى علي موت الغدر وأنعدامه
تلقى الوفاءبالـ (00)لا عـدم بـنسان
من دون ذيب الليل تظهر هـمامه
حــيوان لكن ماسك الـعهد حـيوان
00ما خان راعي العيش وأنكر ودامـه
يا قف كما تاقف عن العرض شـجعان
وقفة بطل ما فيه ذل وهـزامه
يـكشر بنابه كـنه الـنمر لاشــان
0يفدي بروحه أوتكسُر عــظامه
عـــلم الوفا مافيه شـكه ونــقصان
0يعجب ويطرب كـل راعي شـهامه
وعــلم الــردى كله مناقيص لــوزان
0لوزان في عيون الــرديين خـامه
بــشر بني عــمي وبشر كـحيلان
0شغموم قـوم ٍ راقد ٍ في مــنامه
في وسط قبره في الثرى تحت الأطـيان
00يا الله يا مـعبود بــرد عظامه
أبــوي يا الله تسكنه روض الاجـنان
0وصـى وانا باقي جـدير بكلامه
وصى بثلاث ٍ كــلهن طيب وسمان
0والرابعه مثل الـبدر في تـــمامه
وصى وقال الـجار لايهان لا يــهان
أحذر تهين الــجار لوكان هـامه
خلك لجارك بأسود الوقت نيشان
00أرفـع مـقامه لا تنزل مـــــــقامه
في غيبته خلك كــما الذيب ســرحان
00من دون بيته لا تجيه العزامه
لـوكان بيته من ردى الحظ لوكان
00الــجار لا تخونه وتنكر طـــــــعامه
والثانيه قال الـخوي ســـيف وسـنان
0خله حزامك وأنت خلك حـزامـه
وأن غاب صونه وأجعل لسانك حصان
00لا أعطاك سده لا تفشي كلامه
لا تـمدله يــمناك وتـكون مـنان
00مد السمينه دون مـــــٌن ونـــــمامه
والـــثلاثه قال الصداقه لها شـــان
قصر ٍمشيد للسمو والــفخامه
قصر مــشيد له علي الـعز بـيبان
00بيبان لأهل الـــــطيب وأهل الكرامه
يا كم صديق ٍ طيبته فاقت أخوان
00حطه علي راسك سوات الـــعمامه
أحـــــذر تصدق فيه لا جــاك فـتان
00وأحذر تواخــذ زلته واتـــهامه
أعـزف علي أوتار النقى دان يادان
وأشعل شموع الصدق وأرسل سلامه
والرابعه ثاني مـضامين الأركـان
00هـيه عــمود الدين هـــيه قـــوامه
هذي الصلاة من دونها الـعبد مـــنهان
00عايش ولـكن عيشته كاالنعامه
يأكل ويـشرب لاعـباده ولاصان
00نفسه وخلا أبليس خــلفه امـــامــــه
يمسي مع الشيطان يصبح بشيطان
0أبليس طـول في المعاصي خطامه
هـذي مشاعر شاعـر ٍ حط عـنوان
عنوان رجل ٍ ضامه الوقت ضـامه
بصلي وأصالي دون وجهي بالايـمان
0والله مأرضى دون وجـهي رخامه
ما دام راسي يشبه لعز الاوطان
ببقى علي عهدي لـيوم القيامه

عايض المعاوي

صح لسانك يالمعاوي علىهذه القصيدة الجزلة التي تحمل معاني ساميه

وفقك اله الله لكل خير ووقاك من كل شر

صح لسانك

أنا اشهد بالله إنك شاعر جزل

وقصيده تستحق الإشاده

يعطيك العافيه يالمعاوي

صح لسانك على الجزله
وعزالله أنها قصيده .

المعاوي

ألف ألف صح الله لسـانك

جزله من شاعر جزل

لا تحرمنا من جديدك

لك خالص ودي

الشاعر
فالح عايض السميري
مرورك مشرف واشادتك وسام شرف
تقبل
جل
احترامي