بسم الله الرحمن الرحيم


نص من الشاعر / سليمان الجبيل


إهداء لقلب الأخ / سليمان محمد الصريبطي






ان كان للشاعر على الهاجس .. حقوق = عزالله اني لجدعه من .. ذلوله
يما يجنْ يدرهمن .. درهمة نوق = خِلجن تعاتب للصياح .. معقوله
وألابلاش نسمّع الربع .. طاروق = لو جاز طرقه .. وامتلكني ميوله
ان كان ماسقنا مباهيرهن .. سوق = من هِدف صدرن للجزال .. محبوله
يشوش لهن الراس .. ويغيب ويفوق = نشو ة مشاعر .. للقصيد مهبوله
لعيون ( ابوباسم ) سَرت كنها .. بروق = ساقت له الندّر .. بيسر وسهوله
لك يستلج القاق .. مايرخي الموق = لين يعنا ويقول : لك هالمقوله
[ ارفع نظرك .. وعَده المزن من فوق = لين النظر يعلن .. نهايت وصوله
تلقا النجوم معلقه .. دون معلوق = وتلقا القمر .. والجدي .. واسهيل حوله
هذيك منزلتك .. وللصدر صندوق = لك فيه منزلت الرجال .. الزحوله ]
عزالله إنك > نادر الوصف مرموق = في روس من مايجهلون الرجوله
المرجله / لو باعها تاجر السوق = كلن شرا ضمن المقاضي .. بطوله
مير المراجل حايل ٍ دونها .. العوق = والادمي .. شيّن ماهو له .. يهوله
ان كان ماهي .. خلقه براس مخلوق = شرواك / يامنومس رجال الحموله
تمت .. وسلم لي على الربع مطبوق = واسمح بشين طافنا .. لانقوله


سليمان الجبيل