مرثية الشاعر أحمد مصيليح في الشاعر صالح اللوط رحمة الله

الله يرحم صالح اللوط ويسكنه فسيح جناته
وجميع أمــوات الـمـسـلـمـيـن
اللهم آمين

والطيب ذكره باقي لو مات
وصح لسان الشاعر احمد مصيليح
شكراً لأخي إبراهيم اللوط على النقل

مرثيه رائعه من أفضل ماقرأت وياليتها صوتيه
صح لسان ابو مصيليح وعظم الله اجره في أخيه
صالح محمد رحمه الله
والف شكر ابوسليمان على النقل

أبــدا بــذكـر الله و أذكــره لا نهـيـت=اللي يــزول الــهـــم لا حــان ذكــره
القابض المعطي وهـو محيي الميت=لا راد شـيـن صــار والأمـــر أمــره
يا عالمن فـي كل ما أعلنت وأخفيت=عـبـدك ولا يـخـفيـك جـهـره وسـره
إنته إلهي وإلك مـاخــذت وأعـطـيت=عـبدك رضــا بالقــدر خـيره وشـره
إنـته إلهي وأعـفــني كـني أخـطـيت=إدمـوعي عـيـني مـالها اليوم قـدره
أبـكـي فـراق أخـوي دمـع وتـناهيت=دمـعـن بـكـيـته كـيـت الـقـلب جـمره
إدمـوع عـيـني كـنـها إتـقول ياليت=لـون الـدمـع يـرجـعه لـو بس نظره
كسري بصالح بن محمد وأنا أغديت=أحـمـد بـن مـصيليح يـاعـظـم كسره
كـسر الـفـراق اللي ولو كان سويت=يـبقى يالـين أمـوت مـا يـفيد جـبره
ياخوي من دنياك من ساعت أقفيت=وأخـوك مـن صـدمـته خـيل بـفـكره
يـاخــوي حـزتـهـا ولا كـني أوحـيت=أقــول راح الـيـوم و إيــعـود بـكـره
ياخـوي مـال الحـزن للصدر توقيت=أخـوك بـعـدك يـسكـن الحزن صدره
ياخــوي لـونــك مـت لـكـنك أبـقـيت=أبـقـيت ذكــرن مـاخذا الموت عمره
ياخــوي مـن فــرقـاك يا كـم ماأبكيت=مـن يـعــرفـك يـبـكيك مـن حر عبره
ياخــوي مـن فـرقـاك للطيب عـزيت=حـتى المـراجل مـن فـراقـك بحسره
ياخــوي مهما قـلت بالشعر وأرثيت=أخـوك بـعـد الحـزن يـونسه صبره
أقـولهـا صـادق وفي كـل مــا أبديت=أخــوي مـن يـعرفه يـا صعب هجره
إلهي رب الـعـرش بـسـمك وسـميت=تـغـفر لأخوي الذنب صغـره وكـبره
إلهي رب الـعـرش بـسـمك تـعاليت=مـنـك العــفو لأخـوي نــور بـقـبره
وإخــتـامـهـا مـا بـاقـي إلا تـمـنـيت=اللي سـمـع يـطـلـب مــن الله أجـره

صح لسانك يا ابو مصيليح
والله يصبّرك في فقد رفيقك
ويصبرنا معك


ابوسليمان لاهنت على إتحافنا بهالمرثية الرائعه
من الرائع أحمد








رحمك الله يا الوافي
رحمك الله ياصالح

رحمـ الله أخينا الغالــي (أبووافي )
صالح اللوط

رحمك يارب بهذا الرفيق رحمك يا الله ...!

نواف البلوي

الله يرحمه ويرحم جميع أموت المسلمين
يعطيك العافيه ابراهيم