افضل قصائد بلي..؟

الملف الشخصي · 07-08-2010, 12:46 PM

يامحـلا الفنجـال والليـل قـمـرى=في خا يعاً توه من الوسـم ممطـور
خا يع مري وعلـه الغيـث وامـرى=حتى تشابـك قيحوانـه مـع النـور
ناره حطبها مـن سواقيـن سمـرى=بيديـك لا فاسـاً ولا قـص ماطـور
والجو بـارد وانـت لايـج بمـذرى=من عقب ما صليت ووترت يا سـرور
والي تسوق مهيـل الكيـف حمـرى=ربي فرقها با الوصايف عـن الحـور
لاساقـت الفنجـال كـنـك تـمـرى=في وجنتاً معهـا القمرمالـه الـدور
والخشم سيف محولاً وسـط غبـرى=فـي شذرتـه دم اول القـوم منثـور
والعين عين اللي على راس وكـرى=شيها نتاً هامت على البـرق بحـدور
والعنق عنق اللي مفـا ليـه قفـرى=ضبي ارتبزمن ريح شمـلاه مذعـور
والصـدر بـارز كنـه اللـي إتبـرى=من ظلم خصراً يشتكي لك من الجـور
وشعراًكما ليله مـن السـود غـدرى=لو ماتقصـه للخطـا صـار عاثـور
لا جت على صوت الهجينـي تمـدرى=وقامت تقضه عقب ماكـان مضفـور
وجت لك تلاعب فيه يمنـى ويسـرى=وحب العرق في صدرها مثـل بلـور
وان سولفـت شعـراً مقفـا ونثـرى=ودك تناطح هرجهـا بوسـط الـزور
وليا خرج لك مـن شفاتيـن جمـرى=كن الضلوع اغصون والحرف عصفور

منصور العثماني