بستان إحساسي

طَعْم القصايد فِيْه مُرٍّ و حالي=ماغير شوقي يكتب القاف مملوح
حِيلة هوانا نلتقي في خيالي=فيني مشاعر ترسم الشُّوق بالبوح

خالد

ياغيم وش بِكْ في سِمانَا تِكوَّنْتْ=عَساك جيت الأرض تَروي ضِمَاهَا
ياغيم ليتِك تَسْقِي الأرض لاهِنْتْ=والاَّ أقَلَّ الأمْر تَبْقَى بسماهَا
واذا خَذَتْك الرِّيح عَنها و هوَّنْتْ=يَكفِي بأنَّ الغيث بالغيم ماهَا

خالد

مِثْلَ الأوادم ماتمنَّت لنا الخير=وِدْنا بذور الخير في كِل وادي
يالله ياللي ترزق الإنس والطّير=ترزق فقيرٍ عايشٍ في فؤادي
عِشقٍ فقيرٍ تايهٍ دون تدبير=يَصرَخ لبنت النَّاس هاتيه زادي
الزَّاد هَمْسَ الشُّوق من روحها الغير=والعين وَسْطَ العين وانفاس كادي

خالد البلوي

أتبع مَشيك الموزون واعِدَّ اليوم خطواتك=اواري خطوتي عَنِّك وانا وِدّي تشوفِيها
عيونِك نُونَها شاعر قِصيد النُّون نَظراتِك=حِسّي لنُونِك الجمهور وانا بروحك قوافِيها

خالد البلوي

طَلبتِك ما أبي قَلبِك طَلبتِك ما أبيه يغير=لكن أبسَط حقوقي يَبقى بيننا التقدير
بَعَد ماخِنت انا حِسِّي بَعَد ما خَانَه التعبير=أرضِي تَرفضِك حَتَّى طيرٍ في سِماهَا تطير

خالد البلوي

وِدِّي أعانِد خاطري اليوم واطريك=لَو ما لِقيت الحُب يَكفِي عَذابِك
وِدِّي أكابِر أصرَخ اليوم مَا بِيك=هذي دُموعَ العين والَّا سرَابِك
وِدِّي انا امْحي مِن حَياتِي ليالِيك=القَى حَياتِي كِلَّها عِنْد بَابِك

خالد البلوي