فـــــــضـــها ســـــــــيـــرهـ
طلبتك لاتنشدني عن الماضي وحسراته=دخيلك فضها سيره ترى مافيني كافيني
دخيلك لاترجعني لوقتٍ عشت نكباته=خذ القصه من اولها وبعدها لاتطريني
انا ذاك الحفوق اللي تزايد فيه ماساته=انا ذاك الغريب اللي تحير بين دربيني
انا ذاك الحبيب اللي تسريبه معاناته=انا ذاك الغرام اللي به الفرقاء تعاديني
انا ذاك الطموح اللي تحطم دون هقواته=انا ذاك الجموح اللي عنان الهم يلويني
انا ذاك الكتاب اللي تصوغ الاه صفحاته=انا ذاك الزمان اللي به الذكرى تحاكيني

انا كوكب نشاء في كون تزحم به مجراته=ولأاملك غير نجماتي مع القمرا تباريني
تميز بارضه البيضاء وثابت في مسراته=تضاريسه من الدمعه ومن همي مع سنيني
انا الحرمان بالعالم امثل كل حالاته=وانا وقتي هو الآمر يساعدني ويشقيني
وبطل لاتنشدني عن الماضي وحسراته=طلبتك فضها سيره تراى مافيني كافيني

بـــدر سـالـم الــبـلـوي