عزة النفس
يا هلا بك جيتي بليّا وعد = اعترضتي دربي الصعب اعتراض
لا تحسبيني على ثلج وبرد = تحت عرش اقدامي صخورٍ عراض
ما خضع را سي ولا يخضع ابد = احتفظت بعزة النفس احتفاظ
والدلو في قاعت البير بجهد = ما كسبت الحظ مع ناس ٍ حظاظ
البحر موجه يطمّ وبه زبد = والصواعق تحرق اوراق ٍ غضاض
ما زرعت الزرع في داخل بلد = زارعه فى الوادي بوسط الحياض
ما يحير الفكر يوم انه رعد = ومزنتي براقها بالعين ناض
خوذي الفزعه بلا منّة احد = المطر تسقي هماليله فياض
الهجوس الفايضه عز وسند = تقطف النوار من وسط الرياض
وراعي المنحل جنا منّه شهد = والدرر تشرى بالاثمان البهاض
مبارك خليف البلوي
عزام
حايل