أغـــــــــــــراب !
لو نلتقي بالألم .. ما نلتقي فرحه=أغراب ، لو نلتقي من جرح يصفعنا
و الصمت خيم علينا .. و الندم جرحه =أغراب ، لو نلتقي .. ما للقا معنى
يا كبره الفرق - وين - أرواحنا المرحه ؟=أغراب ، حتى لو أن الجرح يجمعنا
ما ينتهي هاجس الحرمان .. من ترحه =أغراب ، نبكي زمان أفراح .. ودعنا
من عاش الأيام منا .. طال به شرحه=أغراب ، و أطلال ماضينا .. تروعنا
ما كن ، قصر المودة .. منهدم صرحه =أغراب ، يا حكمة الله .. و الوفاء معنا
ولا شكينا ابد .. من جمعه و طرحه=به نحتفي ، ما سمعناهم .. ولا طعنا
نشيل جرحه ، غلا .. بصدور منشرحه=له كلنا ، مرخصين العمر .. ما بعنا
نصيبنا و انكتب .. ما نلتقي فرحه=متقاسمين الألم .. و الجرح يصفعنا
* الشاعر و الكاتب الصحفي / حمــاد أبو شامه – تبوك *
10|5|1428هـ
المفضلات