انا لزينات القـوافي هـــواوي = لنّى سمعت الحونها احن واشتاق
اطرب لها يومن جوي صفاوي = وارقا لـها لو انها راس مشــراق
اقـودها قود الهواء للشقـاوي = واسـوقها فيما طرا لـي وتنساق
انقا لها زين المعانـي نقــاوي = واطرق مطارقها على كل مطراق
اهيض وغنّـي لونـّي خــلاوي = ولانــي بشاريها ولانــــي بسراق
مالي ومال اللـي لها كم راوي = اللي لها مع ساير الناس معــلاق
ابيت عن حق المخاليق طاوي = وتموت نفسـي قبل ماكـــون بواق
ارد كيد اللي علـى الكيد ناوي = وعندي لباب اللي يبا الشر مغـلاق
اثبّـت اقوالي بصدق الدعاوي = والحق دايم يزهق الباطل ازهاق

وسلامتكم : اخوكم عيد بن قيضي البلوي