(ياشين السرج على البقر)

يعطيك العافيه اخوي علي وهؤلاء ناس عقولها مصرقعه واهل بدع

كيفك يا علي ... موضوع حلو

ما هو الا تقليد للغرب واصلا ابتدع من عندهم علشان يقربون الحالة الاجتماعية بين الام وابناءها في الغرب , لان عندهم من ياصل الى مرحلة معينه دايركت يرسلونهم الى دار العجزة.. استعداد للموت .!!
هذا شانهم ومالنا علاقة به .

العرب ما شالله عليهم مو دارين انهم كل يوم نحتفل ف يعيد الام يكفي بس انا نعيد ببوسة على يدها وبوسة على راسها ............لو دراو الغرب ان ان العرب تبوس ايادي امهاتهم كل يوم ..

يمكن يعملونه على طول ....
كما اسلفت عيد الام هو بدعه غربية لليتقرب الابن من الام ...
واحنا في غنى انشالله عن الجحود
دمتم بخير

ابن رويحل

وين اناس يله

ابطيت علينا والله

الله يجعل الغرب يدرون مثل ما الشرق يدرون

بس السؤال هل يستطيعون ان يفعلوا نص مانفعل؟

اخوك الرقيقيص

استاذي القدير

على عايش الرقيقيص

كل الاعياد التي تخالف الاعياد الشرعيه كلها أعياد بدع ماكانت معروفه في عهد السلف الصالح

و منشؤها من غير المسلمين فيكون فيها من البدعه مشابهة أعداء الله سبحانه

وتعالى والاعياد الشرعية معروفه عند اهل الاسلام وهي عيد الفطر وعيد الاضحى وعيد الاسبوع

((يوم الجمعه))..

وليس في الاسلام أعياد سوا هذه الاعياد الثلاثه وكل اعياد

أحدثت سوا ذلك فانها مردوده على محدثيها وباطله في شريعة الله سبحان وتعالى لقول النبي صلى الله

عليه وسلم ((من احدث في امرنا هذا ما ليس منه فهو رد )) .

نسال الله الهداية للمسلمين جميعا لمافيه رفعة دينهم واعلاء كلمة الله

(ياشين السرج على البقر)
عيد الفطر .... عيد الاضحى ...

كل عاااام وانتم بخير وعاد عيدكم وعساكم من عواده

بس ابي اسئلكم وش رايكم في عيد الام .....؟
والله مادري البس له ثوب والا اشتري له اضحيه وش اقول وش الرد.....

ست الحبايب ياحبيبه = يااغلى من روحي ودمي

قلب الرقيقيص وصار مصري

اخواني اخواتي لا ادري هل وصل فينا الجهل والغباء ولن اعتذر عن قولها وهي تمس القله القليله

عن هذه البدع والاعتقادات التي استحدثت في مجتمعنا .....

قابلني احد الاصدقاء وللاسف من ابناء قبيلتي وقال لي كل عااام ولوالده بخير قلت افا وش مدريه ان

الوالده تعبانه وضغطها مرتفع قلت لا ابشرك بخير ولكن توقف التفكير لدي لحظه وقلت له وش دخل ؟؟؟

سؤالك في كلمة العااام

قال لي وهوه يبتسم يا بدوي عيد الام؟؟؟؟؟؟

قلته مابعد جاء رمضان وش ذا العيد وانا اعلم ان هذا الاحمق لايعلم ولكن مسك منطوق الحضاره

من الجانب العكسي ...وقال لي هذا يا ابو عايش عيد خاص في الام ولابد من تقديم هديه فيه للوالده

(طبعا من ابو ريالين)

بصراحه اكتفيت بااعطائه ابتسامه من النوع الشرير

..وهزيت راسئ وقلت له الله يشفيك....

ويخلي لك العجوز ...في عيدها ...الله لايسوقه الا في كل خير ...

وبعد ها بحوالي ثلاث ساعات جائتني رساله .. تهنئه بعيد الام .. بس من احد الاصدقاء ..لبناني ..خيي

بصرااااحه لم استغربها منه فهوه يعيش في مجتمع اهدافه ودياناته مختلفه عنا ولكن ما اثر فيني

عند مقارنه ذهنيه بسيطه بين ابن قبيلتي هذا الشاب السعودي ذو الدين الاسلامي الملم لكل امور دينه

وذاك البناني ..الذي ينهج على قيم وعادات خطت له منذ قرون عده .. استطعت ان اصل الى شيئ

واحد هوه

(ياشين السرج على البقر)

اتمنى من كل شخص احتفل بهذا العيد ان يمتطي السرج ويأخذ بطولة..(البـ......)

كلامي كما اسلفت يمس القليل القليل

دمتم ودام المنتدى بكم

يعطيك العافية أبو عايش على مثل هذه المواضيع القيمه ودئما مبدع بأختيارك للمواضيع وشكرا لك ودمت بصحه وسلامه

والله طلعوا لنا بشغلات غريبه طيب وش معنى الأم وليش الأب مايسوون له عيد والله شي يضحك